تألمت ثم عشقت آلامي في حبها

32

تألمت ثم عشقت آلامي في حبها >> الحلقه 32

#_منقول
.
.
.محمود طلع فادد .. و فاطمه طلعت بسرعه لسحر ... في راسها حاجة و لازم ديرها .. فتحت الباب ... لقتها كلت الخبزة كلها ...😂

فاطمه - صحة ... صحة علي بنتي شبعت هالبطينه ؟؟
سحر تبسمت ببرآءة و جاوبتها ..
سحر -والله وكان ما كليتش راهو هبلت .. شتهيته عالاخير ..
فاطمه- ايه صحة لبنتي.. هي توا تعالي معانا لوطا ... ونسينا في الكوجينة ..
سحر ضيقت عيونها بإستغراب ..
سحر - كيف .. ك .. كيف !!! .. محمود !! .. نقصد هوا وينه توا ...
جاوبتها بكل برود ..
فاطمه - روح .. رجع الطرابلس ...
سحر - كي .. كي .. كيف روح خالتي ؟؟ 😦
.
ضيقت عيونها و تجاوب ببرود ..
فاطمه - مش قلتي اطرديه ؟؟ .. اهوني روح بروحه ...
.
سحر حست بوجع مسكينة .. قلبت شفايفها و غصت البكا بانت في صوتها .. صوتها يسخف والله هههه ..
سحر - لكن ماشفنيش .. مايندريش بيا راهو ..
فاطمه - توا مش قلتي ما نبيشي يشوفني.. ؟؟؟
.
سحر حست بفشلة .. تحكي و تشبك في يديها ..
سحر - ايه .. لكن اني حامل ؟؟ ..
فاطمه شدت الضحكة بالسيف .. 😂
فاطمه.- ايه مش مشكله .. توا لما تولدي نجيبوه يشوف ولده .وانتي ماعنده ليش يشوفك .قصه وتمت ..
سحر - خالتي !!! ...
فاطمه - تم .. كل شي نصيب .. هوا صح غلط .. و انتي ماسمحتشي ... و احني احترمنا رأيك ... لكن هوا ولدي قطعة مني .. مانرضاش نشوفه حزين هكي
. ..
"قربت منها .. ودرت روحها تحكي بشويه باش ما حد يسمعهم ... تنهدت و تكلمت بأسف كبيييير .. "😈
فاطمه - خديجة قتلي راهو الفعة مريم في غيابك انتي ما خلت ما دارت . رجعت تقربتله و قتله اعطيني فرصة تانيخ ولا نقتل روحي ..
."سحر فتحت عيونها من الصدمة .. و فاطمه كملت في تمثيليتها .. رفعت راسها لفوق و تكلمت بأسف كبير .. "
فاطمه - ايه .. هدا حال لي تسلم في راجلها لغيرها .. تنهدت و كملت كلامها .. طار الراجل طاااااار ... وقال تو بيبدا في أجرات طلاقك منه 👌
.
" سحر اممممم😭 ... صوت بكاها عبا الفيله.. تبكي بالشهقة .. "
سحر - لا لا لا .. هوا يحبني اني .. البارح قالي نعشقك .
. ضيقت عيونها فاطمه و سألتها ..
فاطمه - و انتي البارح مشيتله ؟؟؟ ...
سحر - ايه .. مشيتله.. راجلي .. راجلي اني .. راجل سحر .. و سحر مرته وحامل منه. مشيتله و قتله نحبك و هوا قالي نعشقك ..
رخت شفايفها .. لكن من تحت النوم قالها .
. فاطمه ضحكت .. 😂
فاطمه - ووووه .. يا مهبوله اكيد يحسابك .مريم .. مرته لأولة .. يا بنتي الراجل طاااااار .. طاااااار .😔
.
".ههههه قالت الكلمتين لي نزلو على سحر كيف السم و طلعت و خلتها تتعدب .. و هذا المطلوب هههههههه ...😂"
.فات اليوم خف لف ... علي سحر فرغت هم قلبها في البكا لين داخت و رقدت . 💔
ومحمود دار جولة في المزرعة .. والناس كلها فرحانه بيه .. وفوت معاهم لوقت ⏱
... و توا هوا مروح باش يقعد بحذا فاطمه .. لازم يفرغ قلبه ويتكلمو في كل شي ..
من اول ما خش من الباب عرضته ريحة تهببل .. و يلقا الطاولة منصوبة في جنينة متع لي المدخل .. و أمهاته الاثنين قاعدين يستنو فيه ...
... تبسم علي خاطر عارفها الطاولة منصوبة ليه هوا .. و بدون مقدمات قعد على الطاولة ... صفن يديه الاثنين .. و بدا في الصحن لي قدامه ..
ياكل بطريقة تشهيك تاكل ... ڨدمت الخبز متاعه كبيرة .. ياكل و مركز عالاخير مع الصحن .. ياكل و يشكر ويمدح هههه و كل شويه يقوللهم زيدوني 😂
.