تألمت ثم عشقت آلامي في حبها

21

رواية تألمت ثم عشقت آلامي في حبها >> الحلقه 21

#_منقول
.
.
و أخيرا و ليس آخرا ...العرس تم و منى و سليم روحو لحوشهم ... 💏
والجنينة فضت من الناس ... وقعدو الا عيلة المطيري ملمومين يهدرزو في الصالة.. نساوينهم يقرمو على المدعوين هههه و رجالتهم تسمع و تضحك... 😂
.
.وفاطمه حضرت أول العرس و بعدها النوم غلبها هههه ...ومحمود قاعد معاهم و متكي فوق الكنبي .... يسمع فيهم و عيونه تراقب في سحر لي قاعدة معاهم و التبسيمة علي شفته . ..❤
.
سحر - تصبحو على خير يا جماعة 🖐🏻
خديجة - شني سحر متقوليش انك بترقدي ؟؟..
سحر - إي مدام خديجة .. الله غالب منقدرش السهر هههه☺
خديجة - اي حت احني تعبنا زيك يا بنيتي .بري ارتاحي😰..
.
ناضو و كل واحد طلع لي غرفته .. لكن محمود قعد آخر واحد في الصالة ... راسه يتلاعب بيه بالأفكار و وقلبه يغلي... لازم يبرد نار لي شاعله افيه .🔥

.. ستناهم مشو و بعدها توجه لي غرفة سحر ... دق الباب و دخل من غير ما تقلوله تفضل ...!!
.
لقاها تتعارك هي و سرينته متع القفطان لي كيف بدت تحول فيه . تبسم علي خاطر جا في الوقت المناسب ههه 😬😂
.
.... تلفت و سكر الباب بالمفتاح ...🚫
.
و قدم منها بخطوات صغيرة .. و سحر مستغربه و مش مصدقة لي تشوف فيه ... شن يدير محمود هني!!!! ...
.
قدم و جا من وراها ... جبدها من حزامها و قربها ليه ....تنهد بغل و لصقها ليه أكثر و أكثر .. حطلها شعرها على جنب و غرس وجهه في رقبتها 🙊
.
... النفس لي طالع منه حرقها .و زاد كمل عليها ريحت البرفان متاعه.. بدا يفوت في خشمه على رقبتها و يتنفس في هوا سخوووووون ..💨
.
قرب شويه لتحت ودنها و همس "قتلتيني يا سحر. عدبتني "" ...💔
.
لما رأته الكواكب قالت هذا الحبيب ، وثارت الأرض و انتفضت براكينها عشقا ، فزُلزل كوني و تشققت مجرات قلبي ، وسيطرة الغيرة باتت تشقيني ، ولكن ماجهلته أن قمري بين يدي يحيطني ، فأنا شمسه والبقايا نيازك ❤
.
محمود . مش قادر يسيطر على روحه أكثر .....دورها ليه بحنية ...وحط يديه ورا ضهرها العريان ..
.
.. ولما وصل لي نقشت الحنه لي في ضهرها ضغط عليهم ببيده بالقوي و لصقها فيه أكثر لين دخلت... في وسط ضلوع .يديه .🙊
.
...ورفع راسه بشويه لقاها تشوفله بنضرة مش مفهومة..
ضيق عيونه كأنه يسأل فيها و يقوللها خيرك ..
.
و هي كأنها تستنا في سؤاله.. تكلمت بصوت مقطع و ضعيف و قتله.
.سحر - ن نحبك أني محمود ... نحبك.. و الله نحبك" ...❤
.
.. محمود قريب يطير من فرحه و دخل بعضه من كلامها.. تبسم و جاوبها بطريقته إنه يغرس شفته في شفايفها و يغرق في قبلة ملحمية 💋❤
..
سحر. مقدرتش تسيطر على يديها و حركتهم بخفة تتحسس في لحيته ... دورت يدها على أجنابه وحضنته بكل قوتها ... ❤
...محمود حاطط عيونه في عيونها..وسحر قاعده في حضنه وبين يديه. وعيونها دابلين و دوب ما فتحتهم..

و فجأة .محمود وجهه بدا أحمر مغسور ... و عروق رقبته بارزين .. لا تفهم من الحب...... 🔞😂 ..ولا من كمية العصبيه لي فيه😰 . ..قعد يشوفلها ومتجمد ولا حركه .
سحر ستغربت وبدت تشوفله بعيون دابلة ..
.
.
ضمير محمود يتكلم معاه - من امت تربيت على قلت الرجوله يا محمود !! ... من امت تعلمت الغدر !! ...
من امت كنت تفوت على عروض الناس !!! ..
لي بين يديك توا هي" مرت راجل" .. كلمة نزلت على محمود كيف الصاعقه ...
.
خلاته ينوض من جنبها كيف المخلوع ..و طلع يجري من غير ما يتلفت وراه ...اعييييييي علي هلإحساس ... ومشناااه ومقو مراره .. طلع هارب يمسح في شفته بكف يده.. العسل لي في شفايفها لما وصل لشفته و تداقه ولا طعمه مر علقم ..💔.
علي خاطر هذا طعم الحرااااام ...🚫
.
سحر بنسبة المحمود إبتداءا من الآن جنة محرمة ... 🚫
متستغربوش !!! محمود تحط في أبشع واصعب وضع اليوم.. تحط بين الرجوله و المبادئ ... و بين العشق والرغبه ...
.
لأوله تقوله أرجع لي تدير فيه غلط .. 💔 و الثانية تقوله كمل وإملك معشوقتك ..❤
.
سحر في الوقت هذا قاعده مش فاهمة شي
... مش عارفة شن دير... محمود علاش ناض وطلع !! زعما نسي حاجة و راجع ...
نفخت بعيون مدمعة وناضت تبدل ف حوايجها .. و فجأة سمعت صوت جاي من وراها ... فرحت مشي في بالها محمود رجع ... لكن لا ... تلفتت و تخلعت ... 😳
.
تشوف في مريم واقفة في الباب ...و عيونها جمر من كمية الشر لي فيهم ... وجها مغسور ... ضغطه على يديها الاثنين لين بياضو.. و حالتها متبشرش باالخير .. 😦
.
مريم هجمت عليها ... تضرب بقوة و.. تقطعلها في شعرها ... وتعيط... 😳
مريم -اطلعي قدامي يا كلبة ... اطعلييي... والله لما نفضحك.. والله لما نفضحك يا سراقة الرجاله 😡
.
تجبد فيها من شعرها و تكركر فيها لبرة من غرفتها. تقدم بيها بسرعه بتجاه الصاله الكبيره لي يقعدو فيها ف القصر ...
دفتها بقوة و تلفتت لدروج تنادي و تعيط بأعلا صوتها
.
... - يا عمييييي ... يا مدام خدييييجة ... يا مرااااد .. يا مكرم ... يا منيييير ... يا ناس تعاالولي ... راني بنموت من القهرة ... راهو راجلي يخووون فيا.. مريم كانت كيف المجنونة و دخلت في حالة هستيرية ...
وتعيط و تصيح بأعلا صوتها و تضرب بيديها على صدرها . ..😳
و سحر مصدومه كانت بتموت من الخوف .💔
.. واقفة وترعش كيف العصفور المبلول و متعرض لمهب الريح ..🌬
.. تبكي بالشهقة و خايفة من لي جاي ... وبعد شويه وقت كلهم تلمو لوطا ...
جايين مفجوعين يجرو بلبسة النوم و مش فاهمين شي .. حتى من فاطمه جت تجري و أول ماشفت سحر وحالتها قدمتلها تجري وحضنتها و بعدين وقفتها وراها كأنها تحمي فيها ...

و مدام خديجة قدمت لي مريم ..
. تشوف في حالتها و في حالت سحر و سألتها بتوتر .. خديجة - شن في يا بنيتي... شن لي صار ... خيركم فهميني يا مريم .
... مريم فاتتها و مشت تجري لعمها ... عارفة و متأكدة انه هو الوحيد لي بياخذلها حقها ... عارفة إنه هو مستحيل يردها ... هي امانت خوه ليه ... و هو كان ديما قد هالأمانة ... ياما دللها ... ياما وقف معاها ... و ياما سامحها بالرغم من أخطاءها ... أصلن كان مش هوا مريم عمرها ما كانت تحلم مجرد الحلم بمحمود ..😪
.
غرست راسها في صدره بلهفة و بدت تشكيله
مريم - قهرني يا عمي ... والله قهرني .. يخون فيا معا كناسه زي هدي ... جايبها هني باش يغرم معاها قدام عيوني .
. من يوم ما جابها و قلبي ما قلي خير ...
.
بعدت عليه شويا .. و مسحت دموعها بكفوف يديها بسرعه و كملت تتكلم
.مريم - شفته بعيونييي هوا وياها في الغرفه يا عمي... يغافلو فينا و كانو بيرقدو معا بعضهم ..وأني هاجرني و هي خاشش لي غرفتها عقابت اليل كيف السراق .. 👌
.
الناس كلهم تصدمو من كلام مريم .. وتحشمو كيف قالته قدام الحاج مختار .. مهما كان هو كبيرهم و بقدره
.مدام خديجة معجبهاش كلام مريم بكل و تصدمت منه ضربت يدها على صدرها و تكلمت بعصبيه