تألمت ثم عشقت آلامي في حبها

31

تألمت ثم عشقت آلامي في حبها >> الحلقه 31

#_منقول
.
.
خديجة - ههههههه .😂.. ايييييي .. انتي ماريتهاش يا فاطمه نهارتها ...شويه لا فضحتني ...مسكينة قلبها طيب و تعز محمود .. قتلي هوا بو بنتي لوجين هههههه ..
فاطمه - اني اخر تليفون درت فيها .. قلتلها شدي راجلك و اسكتي ههههه ...😂
بعد شوية وقت 🕢
تدخل .. سحر 😍...... اااااااعععععع ... زادت حلوت ولت تهببببببببببببل ... لابسة روب فضفاض متع نوم أبيض للركبة ....مرسوم عليه ميكي ماوز متع رسوم متحركة ... شعرها لي كيف الليل مفرود على طوله... قسمته في اثنين و سابلته على صدرها ... و واصل حتى لأخر بطنها .. وبطنه صح صغيرونة لكن بدت تدور و تتكعبر وتبان شويه.. و لابسة في رجليها شبشب متع حوش على شكل قطوسة بيضة عويناتها زرق يهبلو...😻 ...آآآآآآخخخخخ كان تعرف شن يستنا فيك يا مودي ههههههه ....😍 انوثة لا تقاوم ... وجها أدور وزادت أحلوت اكثر "... دخلت تتكسل ... لكن اول ما شمت ريحت الكيكه عيونها تفتحو على وسعهم ... تشم في الريحة ..وتقرب للفرن .. وتصفق ... و تحكي بلهفة ...
سحر - حى. امي خديجة الله لا يحرمني منك😍 ... ههههههههه .. والله هيه .. كيكة فرن .. هههههه . .😍
.خديجة - ايه درتلك كيكة لفرن لي شاهيتيها . مالا ... نخلو البيبي بشهوته.. ؟ ... 😌
فاطمه عوجت فمها مش عاجبها ...😒 سحر تدلع عليهم هلبا هالايامات ... و سحر عوجت راسها تتبسم ... 😻
سحر - امي خديجة ... عندك نوتيلا ؟؟ ..
خديجة - ايه عندنا يا بنيتي .☺. ...
سحر - هههه 😍 ايه عبيها كلها بالنوتيلا من فوق ..
غمضت عيونها ... ولحست شفتها .👅.. و رمان امي خديجة ..ديريها بالنوتيلا ... و فوق النوتيلا ... عبيها رمان 🍓 ... 😍👅...
. ههههههه ...😂 وهني خديجة و فاطمه تفجعو و تصدمو. هههههه ... ليها مده مشيبتلهم روسهم ...شافو لبعضهم و تكلمو في نفس لوقت .. رمان ؟؟؟ 🍓
..سحر استغربت منهم ههههه... هزت اكتافها بكل أرياحية و تكلمت ..- ايه رمان .. عادي شن فيها ... 😰.
.فاطمه شافتلها ... وتكلمت بصوت مكبوس .. 😡
.فاطمه - منين نجيبوهلك رمان توا ؟؟؟ .عندك علم موسم الرمان تم .. وفوق هدا في نص اليل .تو.. منين بنجيببوه احني منين ... ههههههه ...
سحر - والله شاهيته.. ريحته بتنقبلي رسي ... فوتت يدها على بطنها كأنها تقوللهم شوفو ... و رققت صوتها كأنه صوت بيبي .. وبدت تتكلم " ...
.سحر - ميمة فاطمه ... بتخليني زيعن من غير رمانة حلوه !
هههه 😂.. فاطمه تنهدت ...
فاطمه - يا بنيتي .. صبح حاضر .. منين بنجيبه اني توا ! ..
سحر عيونها لمعت بفرحة .. 😻
سحر - شوفته.. اني شفته عند عمي علي البوب متع فترة اليل .. مدسيه في غرفته ... بري قوليله .. عنده والله عنده... والله عنده... توا تلقوه حاطه ورا الباب في شكارة كبيرة ... اصلآ عمي علي يسهر ما يرقدش توا ... بري خالتي فاطمه و انتي امي خديجة بري معاها .. توا اني نجهز النوتيلا .. 😍
هههههههه ... خديجة و فاطمه سلمو أمرهم لربي ... وطلعو في ليل .. ماشين لعم علي .. هذا بواب متع الفترة ليل لي حطه محمود على الفيلا .. راجل فلاح فقير .. تلقو ديما عنده الفواكه بأنواعها .. يصبرها ويدسها .. يسكن في غرفة في الجنينة في مدخل الفيلا ..
ههههههه ... دقدقت عليه فاطمه الباب .. طالعلها يتاوب .. اول ما شافهم .. .. عقد حواجبه و تكلم بطريقة منرفزه ..
علي - لا حولا ولا قوة إلا بالله .. 😒
.خديجة ضحكت علي خاطر عارفته فادد منهم . 😂. وفاطمه ما عجبهاش كلامه . درتله عركة .😂
.. فاطمه - شني هدي لا حولا ولا قوة إلا بالله ..شن تشوف فينا قدامك😠
" ههههه ... عم 'علي' متغلل عليهم .. كل ليلة يفيقوه من اعز نومة ... لكن سكت .. تحشم من خديجة .. "
.علي - تفضلي أختي فاطمه في شن نعاونك !!..
فاطمه - جيبلي رمان .. 😌
" وهني عم علي فد بجد .. خلاص توا معادش فيها .. لازم يتكلم .😂. "
علي- شن قصتك انتي.. بلكي تتوحمي !! ... كل ليلة و انتي طالعه بطلعة ؟؟😡
." هههه ..😂 خديجة نازلة على الضحك و فاطمه طربقت فيه ... 😂"
فاطمه - ماتتحشم على روحك انت تو😡 !!..
علي - ربي يتبت علينا العقل .. 😶
فاطمه - ايه آمين .. آجماعين .. برا جيب الرمان .. 🙄
.هههه .. عم علي فاته و خش يجيب في الرمان ... وشويه ويسمعو في صوت موتور سياره ..بيزلزل الأرض يقرب منهم .. وضي سياره متجها للفيلا ..
سياره كل ما تقرب منهم تزيد تبان أكثر ... BMW.. بيضة و صقفها مرش أسود .. خديجة وفاطمه يبسو و جمدو في مكانهم ... ههههه ... 😂
من قوة الصدمة خديجة نطقت من غير ما تشعر ...
خديجة - محمود !! .. هي نهربو ..😳
.وقف سيارته قدام باب الفيلا وبدا يبيب .... و عم علي طلع يجري فتحله الباب و يرحب بيه .. و محمود اول ما شافهم عقد حواجبه.. شن يديرو في نصف اليل لبرا ؟ .. رفع يده يركز في الوقت في الساعة . ستغرب توا ساعة 1 في ليل .. فتح باب السياره ... نزل
وخلاه مفتوح ... حط يده في جيوبه و بدا يقربلهم مستغرب ... يمشي بكل ثقه ... و كالعادة ريحته سابقته ... قرب منهم وبدا يركز في وجوهم .. باينين مرتبكين عالأخير .. ويهربو في عيونهم منه .. هههه
كبس روحه و سأل بصوت ثابت و قوي ما يعبر على شي ...
محمود - شن فيه !! .. خيركم البرا ...
...خديجة عيونها تفتحو من الفجعة .. كبست على يد فاطمه بالقويه و سكتت .. و فاطمه درت فيها متعصبه منه وزعلانه حقرته ..لكن من داخل حتى هي مفجوعة والله ههه😂 .. و هوا فد ... فوت يده على وجهه بعصبيه و تكلم ...
محمود - تي شن توا .. وحدة فيكم تجاوبني ! .. 😠
.ههعهعهه ..ف لوقت هدا يطلع عم علي .. في يده 4 رمانات و يدوح في راسه ... مد يده لفاطمه باش يعطيهملها وبدا يحكي ..
...علي - ولدي زي ماتشوف. كل ليلة جاييني عقاب اليل و طالعين بطلعة .. عم ' علي يتكلم ومتعصب عالاخير ... لدرجة انه ولا يضحك... 😂
.علي- مره فراوله ..مره كيوي ...مره توت . و الليلة .. قالولي رمان ... هادا عالاقل مقدور عليه .... 🙄
.علي يتكلم ... و خديجة و فاطمه مطبسين روسهم في لأرض ... و محمود مركز معاهم عالاخير .. عاقد حواجبه لدرجت انه الخط لي في وسطهم بان . شد روحه .. شد روحه .. وبعدين تكلم ...
محمود - تتوحمي امي فاطمه ؟؟؟ 😒
ههههه .😂. خديجة واقفة مرعوبة ... و فاطمه تشوفله
...وزعلانه منه و ماتبيش تكلمه .. حطت يدها في حزامها وتشوفله وهيه ساكته... و هوا فهمها أنه زعلانه .. عارف انه مقصر معاها ... لكن الله غالب .... حس بوجع اقوا من طاقته خلاه يبعد على الناس كلها حتى فاطمه ... لكن توا مش وقت زعل .. هوا جا هني باش ينسا ... وقابل لي بديره فيه فاطمه كله .. عارف انه مش حتفوته ليه بسهل هههههه .... تبسم بخبث و قدم منها .. طبع بوسة حنينة على خدها .. 😚
عيونه فيهم لمعة صح فاتت عليه ليلة صعبه .. لكن فرح عالأخير علي خاطر و أخيرا هوا من جديد في المزرعه ... و أخيرا قلبه غلب عقله و رفعه بالسيف لي فطومته من جديد .. رجع لأمه تانيه .. هي دواه و هي لي تحس بيه ... ❤
.محمود - ههههه... خاطرك في حاجه تانيه فطوم ؟
.فاطمه فاتته .ورفعت الرمان ... و بدت تقدم بسرعه بإتجاه الفيلا ... مرعوبة لا يشوف سحر ... و يقلب الليلة على ريوسهم😳 .. وهوا مش فاهم شي ههههههه ... رفع كتافه ... شد الضحكة و تكلم بالسيف .. 😂
.محمود - عادي يا بنتي هههههه ...حتى كان تتوحمي عادي ...قوليلي عليه مني و اني نستر عليكم ههههههههه...😂😂😂