نظر تميم بغيظ ليقول سريعا وهو ينظر لوالدته
تميم: خلصي وقولي عايزه ايه
نظرت له الام صفيه وقالت وهي تبتسم بغيظ
مدام صفيه: عايزه اقولك ابعد عن طريقه ومتحاولش تدور عليه عشان هو عرف وهيخلص من عيلتنا واحد واحد وانا مش حمل خساره ولادي انا عملت كل حاجه عشانكوا وبعدت عن الصعيد من زمان عشان احميكوا وهو ميقدرش يوصلكوا
تميم: والهانم بقا عرفت منين
مدام صفيه: تميم ياريت تسمع كلام امك يابني متحسرش قلبي عليكوا انا فضلت كل السنين دي عايشه عشانكوا انا عايزالكوا الخير دايما ياتميم
تميم بسخريه: خير! مش الخير ده اللى خلاكي تسيبيي ابويا وهو غرقان في دمه صح
الخير ده اللى وجعلى قلبي سنين وبفتكر نفس المشاهد ونفس الاحداث ونفس دقه الساعه
نظرت له الام بغضب واكمل حديثه بقسوى
تميم: عيشتينا سنين زي الحراميه بنستخبى في اي حد حوالينا وخلاص وفي الاخر جايه تقوليلي خير
ضمت الام يدها بغضب وضغطت على اسنانها بغيظ وهي تقول
مدام صفيه: مكنتش حبه اقولك الكلام ده بس لازم افوقك رجاله اللوا ضربوا مراتك مهره تخيل بقا لو كانوا قتلوها زي ماقتلوا ابوك
نظر لها تميم بدهشه واتسعت اعينه واكملت وهي تقول
مدام صفيه: دي رساله منو عشان تبطل تدور ورا الماضي وتبعد عن طريقه ياتميم يابني
تميم: انتي مين قالك الكلام ده، مهره مش كده وانتي روحتي وصدقتيها ده انا مش طايق ابص في وشها ولا حتى اسمع اي كلمه منها
نظرت له الام بغضب وقالت
مدام صفيه: روح شوف مراتك ياتميم شوف دراعها عامل ازاي وقرب منها وشوف جروح وشها كويس
نظر لها هو بغضب ليتجه سريعا كالوحش الغاضب ويفتح الباب قويا وتقف مهره سريعا وهي تنظر له وترتجف
مهره بخوف: مالك ياتميم انا اسفه مش هلبس كعب عالي تاني والله انا عارفه انا يليق بيا العبايه وبس
ظل ينظر لها بغضب ومسك يدها قويا ليدفعها اليه وهو يقول
تميم: شيلي الشال اللى على دراعك
ابتلعت مهره ريقها وهي تنظر لها وقالت
مهره: الجو برد
تميم: سمعتي!
ازالت مهره الشال وتساقطت دموعها وظل تميم ينظر للجروح وقال
تميم: ايه ده
لم تتحدث ولكنها تظاهرت بالوجع الشديد وضمته سريعا وهي تحاوط يدها حول عنقه وقالت في اذنه وهي تبكي وترتجف "بارعه في التمثيل"
أنت تقرأ
ملاكي المُتيم
Romanceهو رجل لا يترك حقه ولا يتنازل ابداً مستعدا ان يخاطر بحياته من اجل الوصول لهدفه ويتحدى المخاطر ايضاً حتى الذئاب تصمت حين تسمع صوته الذى يتلجلج الجميع عند سماعه ولكن القدر اقوى بكثير حين يفتح ألام الماضي بكل عفويه وينتظر من الذى سينتصر في ساحه القتال...
