تركض روفان سريعا جهة الصوت ودخلت غرفه والدها وهي تقول
روفان: نعم
نظر لها اللوا بغضب وقال
اللوا اشرف: خرجتي امبارح؟ بدون علمي
ابتلعت روفان لعابها وقالت
روفان: كنت محتاجه اشم هوا بعيد عن الحراس
اللوا اشرف: والهوا بيتشم بالمبلغ ده كلو ياست هانم انتي عارفه صرفتي كام امبارح
روفان: عارفه بس كان ناقصني حاجات كتير وحضرتك شايف الحاجه غاليه
اللوا اشرف: بس ده اسمه تبذير وانا راجل ميرضنيش الكلام ده واديكي شايفه يادوبك الفلوس اللى عندي مبقاش في شغل عشان يزيدوا جنيه وانتي هنا فرحانه بيهم
نظر لها بغيظ واكمل حديثه وقال
اللوا اشرف: وانتي هتطلعى لمين يعني اكيد لامك
روفان: لو سمحت متجيبش سيره ماما الله يرحمها هي مكنتش بتستخصر فينا اي حاجه
ضحك اللوا بسخريه وقال
اللوا اشرف: وهي كانت معاها ايه اصلا كلو من فلوسي ده حتى اخوها كنت بصرف عليه من تعبي عشان غبي
روفان: خاله كان تعبان وربنا افتكره وريحه
اللوا اشرف: ريحه وريحني
نظرت روفان بحزن وقالت
روفان: خلاص هنزل ادور على شغل
اللوا اشرف: وانا معنديش بنات تشتغل ويتعرفوا على رجاله ويقلوا بأصلهم
نظرت روفان له ولم يكن هو في وعيه كان شديد الغضب وكأنه ايضا شاربا فخرجت سريعا واتجهت لغرفه شقيقها
في قصر الهراوي
في الساعه 9 مساءا
تجلس جميع العائله على الاريكه وهم يتحدثون وقالت مدام زهره في اذن مدام صفيه في وسط انشغال الجميع بالحديث مع بعضهما
مدام زهره: ايه اخبار موضوع فريده وادهم ايه
نظرت لها الام وجاءت ابرار وهي تحمل اكواب العصير ووضعتهم وقالت الام لتسمع ابرار
مدام صفيه: اكيد طبعا ادهم لفريده متقلقيش وهو لسه مفاتحني في الموضوع ده وادهم مايل لبنت عمه
نظرت ابرار بوجه عابس وذهبت سريعا وابتسمت الام وهي تقول
مدام صفيه: ابني هياخد اللى شبه و اللى شبها واللى امه راضيه عنها
في المطبخ
ركضت ملاك نحو المطبخ لتأخذ كوب عصير اخر ولكن شاهدت ابرار التي تجلس على الارض وتبكي وهي ترتجف لتركض ملاك نحوها وتقول
ملاك: ابرار مالك انتي كويسه
ظلت ابرار تحرك راسها بمعني (نعم) وهي تشهق قويا كالطفله وضمتها ملاك وقالت
أنت تقرأ
ملاكي المُتيم
Romanceهو رجل لا يترك حقه ولا يتنازل ابداً مستعدا ان يخاطر بحياته من اجل الوصول لهدفه ويتحدى المخاطر ايضاً حتى الذئاب تصمت حين تسمع صوته الذى يتلجلج الجميع عند سماعه ولكن القدر اقوى بكثير حين يفتح ألام الماضي بكل عفويه وينتظر من الذى سينتصر في ساحه القتال...
