اسفه جدا على التأخير ♥♥
اللوا اشرف: كلام ايه يازين
زين: بجديه بصراحه كدا ملاك والواد اللى معاها مبقاش حيلتهم حاجه خالص بصراحه والدتي شافتها من كام يوم
اتسعت اعين اللوا وقال بنبره غاضبه
اللوا اشرف: شافتها! مكانها فين
زين: هي مكلمتش معاها حضرتك عارف والدتي من يومها وهي قاطعتها نهائى بس قالتلى انها شكلها كان مبهدل اوي ساعتها
ضغط اللوا على اسنانه وقال
اللوا: بقا انا بنتي تسرقني كل ده ليه عشان معاملتي قاسيه شويه ده انا كنت بحافظ عليها وهديها للى يستاهلها بس انا هعرفها انا مين
زين: دي بنتك برضوا
اللوا: لا مش بنتي انا هعمل محضر
زين: ايه!
اللوا: هوريها مين اللوا اشرف على حق
ظل زين ينظر له ثم مسح خصلات شعره بهدوء وقال
زين: عندك حق دي مش ملاك دي شيطان كفايه اني لسه بحبها لحد دلوقتي وهي سابتني بكل قسوه ومشيت
نظر له اللوا بغيظ وصمت وهو يفكر كثيراً
وبعد مرور وقت
في قصر الهراوي
تجلس مهره على الاريكه في الاسفل وهي تضع قدم على قدم وغاضبه ونزلت ملاك على الدرج وهي تقول
ملاك: اهلا نورتي
نظرت لها مهره بتذمر وقالت
مهره: فين الحجه
ملاك: راحت هي وشذا يشتروا حاجات انتي عارفه تجهيزات الفرح بتاعت شذا بقا
ابتسمت مهره بغيظ وقالت
مهره: مقالوش راجعين امتى
ملاك بابتسامة بارده: تؤ حتى لو قالو مش هقولك
مهره: انتي مكفكيش انك خربتي بيتي واخدتى جوزي مني كمان بتردي رد ملوش طعم
ضمت مهره يدها بغيظ وقالت
مهره: ولما جيت احافظ عليه طلقني انا عشان واحده زيك ايه ياااابت الا تكوني ماسكه عليه ذله ولا مضيتي على ورقتين
ابتسمت ملاك واكملت مهره بغيظ
مهره: من يوم مادخلتي البيت ده والمشاكل نازله تلف علينا ماهو كده النحس نحس طول عمره تقدرى تقوليلي اجوزتي ليه وعشان ايه
ملاك: نفس السبب اللى انتي اجوزتي عشانه
ابتلعت مهره لعابها وابتسمت ملاك بغيظ وقالت
ملاك: بس انا بقا مختلفه شويه انا خليتوا يحبني ويجوزني برضاه مش غصب عنه ولا عشان يرضي الحجه
أنت تقرأ
ملاكي المُتيم
Romansaهو رجل لا يترك حقه ولا يتنازل ابداً مستعدا ان يخاطر بحياته من اجل الوصول لهدفه ويتحدى المخاطر ايضاً حتى الذئاب تصمت حين تسمع صوته الذى يتلجلج الجميع عند سماعه ولكن القدر اقوى بكثير حين يفتح ألام الماضي بكل عفويه وينتظر من الذى سينتصر في ساحه القتال...
