Pinilit na itunuwid ang
pumipilipit kong dila upang maging
Plantsado at praktisado ang
pagbitaw ng bawat parirala-
Tantsado ang mga hakbang,
Tiyak ang patutunguhan;
Tumpak, sipat na sipat sa
tapat ng mapupungay mong mata, ang bawat
Titig kong sumasabay sa ritmo ng
Himig ng pumipintig kong
pusong uhaw-
Gutom, naghihikahos sa pag-ibig mo.
Sa pagtangkang paglapit sa'yo'y
Pagbuhol ng dila at pagnginig ng paa ko-
Habang nakasilay sa
Unti-unting pagtayo, pagtalikod
at pagtakbo mo papalayo.
BINABASA MO ANG
On Bridges That We Burned
PoesíaA collection of unsaid words and feelings dedicated to the people I once loved and cherished.
