💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨#بارت_32
قرب جهتها بخطوات متوالييين ، نظراتو باردة ، صعيب تقراها ، العائلة كاملة حولت عيونها ليه كيرمقوه بإستغراب وهو كيتقدم عندها ، في دماغهم علامات استفهام على اشنو باغي يدير .
وقف قدامهم كيشوف فيها ببرود ، جر الكارطة من يديها ، عوجها في وسط يديه ، ورجع اللور عاطيها بالظهر كأنه مدار والو .
خلاهم متابعين ظلو وطلع للطبقة الثانية ، باغي يرتاح في بيتو بوحدو ، اليوم كان جد متعب بالنسبة ليها والراحة مبقاش كيقدر يلقاها .
نجية فيكسات عيونها على الدراري ونطقت : تاكلو دبا ؟
حفصة : اه الميمة دغيا جاني الجوع .
يسرى رمقتها بغضب ونطقت بعدم رضى : نتي معوالاش تديري الريجيم وليتي كي البوطة ، منين شاف عندك 19 لعام ونتي كتبان في عمرك 30
حفصة رفعت حاجبها : متزيديش فيه اماما
يسرى عوجت فمها ونطقت مراضياش على الوضع : اوا متقتيش سيري للمراية تشوفي حالتك كي ولات
تحل باب الدار قدامهم ودخل منو ياسر مرهق في يديه وراق طبية ، تقدم جهة الصالة وحطهم قدام هبة : هاكي مشيت جبت ليك السكانير ديالك راه معندك والو كلشي هو هذاك
إحسان ابتسمت : إوا الحمد لله
نجية : نتا مغديش تشد القنت في الدار اتبقى عاطيها غير للدوران ؟
ياسر ربع يديه ونطق مراشقاش ليه : الوالدة الله يرحم باك متزيديش عليا راني عيان وباغي غير نتكى ، انا مخليتش الدار لخاطري ولدك اللي مباغيش يشوف وجهي خليناه على خاطرو
نجية: شحال قدكم تبقاو هكا راكم كبرتو
بعد عليهم متوجه ناحية الباب ونطق عاطيها بالظهر : هادشي قوليه لولدك .
زدح الباب بقوة وتمشى جهة سيارتو معاجبو حال ، كيكون كيضحك راشقة ليه فجأة كتقلب ليه النقشة ، إنسان مزاجي 100٪ ركب في مقعده ، قاد السمطة وكسيرا بسرعة .
عيونو كيدورو على شوارع طنجة ، وعقلو مسافر ممعاهاش ، المغرب دغيا كيطلع ليه في راسو ، ومنين يرجع لأمريكا نفس الشي كيطرالوو وكيبغي يرجع للمغرب إنسان عشاق ملال .
وهو في عز تفكيره حس بشي جسد تلاح ليه على لوطو ، وسع عيونو بصدمة وفرانة بقوة محبس لوطو .
فتح الباب دلوطو كيشوف بنت في آوائل العشرينات لابسة لباس عادي ، وحاطة يديها على رجليها متداعية البكاء ، ربع يديه وهز حاجبو مستغرب كيشوف في تصرفاتها ، الأمر بالنسبة ليه باين تمثيل وقضية بحال هذي متدوزش عليه
ياسر حنحن بصوتو ونطق بتساؤل : ساليتي ولا مزال ؟
رفعت عيونها المزينة بالدموع ونطقت بصوت عالي : واش نتا مفقلبكش الرحمة كون قتلتيني دبا فين غدي نوليو وانا مزال صغيرة وشهوة مني .
ياسر تنهد بصوت مسموع ونطق مخاطبها : وغزالة وغدي يديك سيد الرجال ، وكنتي اتولي طبيبة وكنت انقطع ليك رزقك هادشي اللي كنتي باغة تقولي ؟
رفعت حاجبها ونطقت مسرحة فوق الأرض : اه نتا كنتي اتقتلني خاص تخلص الحق .
ياسر : موتي نتي فوق الطريق ، هانتي هانا مصدقتش ليك شوفي اللي مورايا راه يقدر يكون مكلخ دغيا يتيق بيك
#يتبع........
آرائكن شهيراتي ❤️✨
التتمة بعد 25 دقيقة 🥂
أنت تقرأ
هبة قلبه
Romance#حصــــريا_وفــقــط_علــى_مــاضــي_الشهــيرات ❤️✨ 🥂 #هــــبــــة_قــــلــــبــــه 🥂 _ممنوعــــــــة مـــن النشـــر إلا بــعـــد طــلــب الإذن_ #أقـــود_قــصــة_يــمــكــن_تــقراوهــا_بــأقود_أسلوب ❣️🍻 الحب بحال شي عاصفة في عهد قديم ، ك...