💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨#بارت_12
ابتسمت ليهم ودورت جسدها عاطياهم بالظهر كتقلب على حفصة ، تلاقاات عيونها بيه بعدما دخل للصالة ونطق عاقد حواجبو : أش هاد الحالة ؟؟
هبة رفعت حاجبها ونطقت باستفسار : مفهمتش
ماجد طلعها وهبطها من راسها لرجليها ونطق بإستغراب : هادشي اللي دايرة في وجهك وهاد اللباس غادة للبار ؟
ياسر ضغط على شفايفو عرفها غدي تشعل جرها من يديها ودورها وراه : احم ماجد نتا معصب غير بوحدك اليوم سير دي مرتك ترتاح شويا في الليل نهضرو
ماجد جرها من يديها ونطق كينفضها بين يديه : سولتك فين غادة ؟
ياسر رجع جرها لعندو موراه : غادة معانا للبحر ، وفي البحر كيكون ما اكثر يعني هي مستورة .
ماجد رفع صوتو ونطق بدون وعي خلا الكل يتوجه عندو للصالة : هذوووك الق حبات مشي هبة .
إحسان وسعات عيونها مصدومة قربت جهتهم وقفت قدام ماجد كتشوف فيه بإستغراب : ماجد يهديك الله ، البنت مزال صغيرة تلبس اللي بغات ، عارفاك مكتحملش اللباس المعري وكثرة الزواق ولكن هي باقة صغيرة من حقها تعيش حياتها
عقد حاجبو بعصبية ونطق باستفسار : تعيش حياتها ويتبعوها الزلالة حتى للباب ؟
إحسان: وماجد حشومة عليك البنت ضيفة عندنا متديرلش ليها هكا وتندمها علاش جات .
حفصة طلات عليهم من الصالة دخلت لجهتهم كانت لابسة تقريبا بحال هبة ، قربت ليهم ونطقت باسفسار : شنو واقع ؟؟
إحسان ضغطت على شفايفها ، كتحرك عيونها باش تغبر من قدامهم ، إلا أنها مفهمتش كلامها ووقفت قدامهم : مالك اخالو كتغوت ؟
دور عيونو لجهتها كيطلع فيها ويهبط ، رفع صوتو ونطقت بنبرة آمرة : بيييتك ، تحركي تبدلي حوايجك .
حفصة : ولكن علاش ؟
ماجد : قلت ليك تحركيييي نتي وياها ، معنديش هنا دار الدعا رة .
يسرى تقدمت لجهتهم ونطقت بعدم رضى : ماااجد حشومة عليك، حفصة جاية تصيف مشي تخسر عليها فرحتها ، وباها موافق على لبسها وشكلها مكيعارضش اذن عفاك بلا متحاسبها
ماجد بعد عيونو على حفصة ووجه نظرو جهة هبة : نتي تحركي تبدلي حوايجك ولا مغديش تخرجي
هبة : مبغيييييتش
رفع حاجبو ونطق بنبرة بتهديد : إذن كتديري الضد ؟
هبة ضغطت على شفايفها ودموعها هبطو : عرفتي شنو منين جيت لهنا ونتا منكد عليا عيشتي معندي مندير بهاد البلاصة اللي مشروكة معاك انا غدي نمشي بحالي دبا غدي نمشي عند عمي خالد يوصلني للمحطة .
نجية سمعت الصداع وصوت هبة دخلت للصالة رفعت حاجبها قربت ليها و مسحات دموعها : مالك أحبيبتي كتبكي وكيفاش باغة تمشي ؟
هبة طلقت شهقات ودموعها نزلو متواليين على خدها لو مكانتش مفيكسيا الميكاب كان هبط كامل وتخسر كامل : خالتي ولدك مبغاش يبعد مني ديما كيحكر عليا ، قبيلة غوت عليا قال منبقاش ندخل بينو وبين ولدو ودبا مخلانيش نخرج ، قالك حتى نبدل حوايجي ، بزاااف هادشي اخالتي انا باغة نرتاح هنا مشي نزيد نتسطريسا .
#يتبع.......
آرائكن شهيراتي ❤️✨
أنت تقرأ
هبة قلبه
Romans#حصــــريا_وفــقــط_علــى_مــاضــي_الشهــيرات ❤️✨ 🥂 #هــــبــــة_قــــلــــبــــه 🥂 _ممنوعــــــــة مـــن النشـــر إلا بــعـــد طــلــب الإذن_ #أقـــود_قــصــة_يــمــكــن_تــقراوهــا_بــأقود_أسلوب ❣️🍻 الحب بحال شي عاصفة في عهد قديم ، ك...