💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨#بارت_18
تفتح باب الدار ، جميع العيون توجهو ناحيتهم ، مشاهدين مشهدهم الضام ليهم بزوج .
نجية وقفت بسرعة متوجهة ليهم ، وقفت قدام ياسر وحولت نظراتها لهبة اللي كانت مغمضة عيونها ، وسعت عيونها ونطقت بصوت عالي : نتا فقاش غدي يعفو عليك الله من هاد التبرهيش ديالك ؟
ياسر هز حاجبو ، تنهد ونطق ببرود : الوليدة خليني ندخل هبة لبيتها باغة ترتاح مباغاش الصداع
رمقاتو بنظرات غاضبة وبعدت على الطريق ناطقة بصوت غاضب : مزال غدي نتفاهمو من بعد
حرك راسو بالايجاب وتقدم بخطواته ناحية بيتها ، وجه ليه نظراته ورفع حاجبو مستغرب من عيونو المغلقة ، ويديه المزيرة على الفوتوي ، زير على سنانو وتقدم جهة بيتها .
فاهم مزيان شكله ، وعارف اللي جاي مكيفرحش ، وعلاقتو مع خوه ، باين مصيرها لفترة معينة .
حل الباب تقدم بخطوات متتالية ، قاد ليها الفراش وحطها فوق السرير ، غطاها وخرج من الغرفة مغادر المكان .
يسرى : ياسر شنو هادشي درتي
تقدم جهتهم وجلس فوق الأريكة مرجع راسو اللور كيرتاح : مكاين والو بغيت نضحك هبة ونلعبو معاها وسط البحر ، عند بالي كتعرف تعوم ، ساعة تصدمت محسابليش غدي يوقع هادشي
حل عيونو ونطق بنبرة باردة : نتا معارفش زعما من شحال هذي وهي كتخاف من البحر همم ؟ شحال من مرة كنت كنحاول نعلمها قدامكم ؟ وكانت كتخاف وترجع اللور .
ياسر رفع راسو وحول ليه نظراته : ماجد ، داكشي داز عليه 6 سنين يعني اي واحد ممكن يتغير في هاد الوقت ، وهكاك ظني جهة هبة ، معارفش انها محاولاتش تتعلم .
حول يدو كيلعب بخاتم زواجو بين يدو ورفع حاجبو ناطق بهدوء : كون ماتت ؟ فاش غدي ينفعو مبرراتك ؟ نتا اللي غدي تواسي والديها ؟ ونتا اللي غدي تعوضنا بوحدة بحالها ؟
ياسر زير على يدو وحنا راسو : سمحو ليا مقصدتش .
بعد عليه عمران ووقف عاطيه بالظهر : كنتمنى منشوفش وجهك في هاد المدة .
ختم كلامو ، وكمل طريقه جهة بيتها ، حل الباب وتقدم داخل الغرفة
قرب ليها ، وجلس في جنب سريرها ملاحظ وجهها الاصفر ، تنهد وقرب يدو جهة شعرها ، كيدوزها عليه ببطء ، بلل حلقو ونطق بصوت خافت : هبة
حلات عيونها إثر مناداتو باسمها ، فيكسات عيونها على جسده ، والتزمت بصمتها مكتافية فقط بمراقبته
ماجد تنهد وقرب ليها كيهمس في اذنها : نوضي براكة من الفشوش موقع والو .
رفعت حاجبها ، ونطقت ببرود : انا مكنتفشش ، لحد الآن مقادراش نتحرك ، وداك الإحساس وانا كنغرق تحت الما ، مبغاش يفارقني
ابتسم بحنان وحط يديه على حناكها كيدوزهم عليها بحركات متوالية : عارف ولكن كلشي كيفوت ، ودبا كلشي معاك دغيا غدي تنساي
بللت حلقها وحنات عيونها كتنطق بكلمات متقطعة: مكرهتش
رفع حاجبو وقرب ليها مبتاسم كيهمس في أذنها : متوحشتيش نخرجو انا وياك بوحدنا ؟
#يتبع.....
آرائكن شهيراتي ❤️✨
أنت تقرأ
هبة قلبه
عاطفية#حصــــريا_وفــقــط_علــى_مــاضــي_الشهــيرات ❤️✨ 🥂 #هــــبــــة_قــــلــــبــــه 🥂 _ممنوعــــــــة مـــن النشـــر إلا بــعـــد طــلــب الإذن_ #أقـــود_قــصــة_يــمــكــن_تــقراوهــا_بــأقود_أسلوب ❣️🍻 الحب بحال شي عاصفة في عهد قديم ، ك...