💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨#بارت_13
نجية رفعت حاجبها وفيكسات عيونها على ماجد : ولدي اش هادشي ؟
ماجد : الوليدة نتي عارفاني معنديش مع هادشي ، غير غدي تخرج من هاد الباب غدي يحضيوها ويقدرو يديرو ليها شي حاجة مكتعرفيش شنو يوقع ، انا كنهضر لمصلحتها ، وهي معرفت شنو عندها في داك الدماغ ولا معرفت كفاش كتفكر
نجية : ماجد ولدي باباها أمنني عليها ، اهتم غير بمرتك ومنين تولد بنتك ، حتى واحد مغدي يتدخل بينكم ، ولكن هذي بنت الناس مشي بنتك اللي تدير ليها هاد الحالة
ياسر قرب ليهم جر هبة معنقها بالجنب ونطق مكمل كلام نجية : وبالنسبة لايتعرضو ليها في الطريق حنا غادييين معاها باش نحضيوها مغدي يقد يقرب ليها حد ، معاها 3 دالرجال
زير على يديه حول نظراتو لإحسان اللي كانت كتمسح دموع هبة ونطق بهدوء : سيري وجدي راسك غدي نمشيو لتطوان .
ختم كلامو وخرج من الصالة ناحية بيتو في الطبقة الفوق بدون مينتاظر جوابها
مدة من الوقت وهما كيسكتو هبة ، جرتها حفصة عاودت قادات ليها شعرها وزادت تعديلات على الميكاب خرجو بزوج كيضحكو ، قلبو على الدراري عرفوهم انهم في لوطو ، ودعو النساء وخرجو من الباب الدخلاني ديال الدار ، في طريقهم تلاقاوه هابط من الدروج ، شاف فيهم بهدوء وكمل طريقه بدون ميكلمهم ، هبة زيرت على فمها بعدم رضى الشي اللي لاحظاتو بنت عمها وجراتها عنقاتها
حفصة : واش بقى فيك الحال من خالو ماجد ؟
هبة : اه مكانش عليه يعاملني هكاك بحالا تقولي انا شي حم ار كيسيرو كيفما بغى
حفصة طلقت ضحكة ونطقت مكملة كلامها : واش منيتك راه خالو ماجد بحال هكا ، معزيزش عليه البنت تلبس معيق كيولي يشوفها بنظرة خايبة ، الأمر مكيتعلقش بيك شكون نتي ،لا هو معزيزش عليه داكشي .
هبة دخل ليها كلامها بحال سم كانت شوية غدي تيق انها مهمة بالنسبة ليه ،وخا الحكرة اللي حسات بيها الا انه تعامله معاها كان في شكل ، وللأسف مشي أي حاجة كنبغيوها كتصدق ، كلام حفصة بين ليها الطريق الصحيح وكل توقعاتها باءت بالفشل .
تمشاو جهة السيارة طلعت حفصة حدا خوها وهبة حدا ياسر ابتسمت ليه بهدوء وجرات السمطة قاداتها .
ياسر خدم لوطو ، ودور وجهو ناحيتها : دبا صفا ؟ شوية ؟
هبة حركت رأسها بالايجاب : الحمد لله
ياسر دوز يديه على شعرها ونطق بابتسامة : متبقايش تقلقي من ماجد راه هكا داير ، هو مشي خايب لديك الدرجة قدما معكس قدما حنين ، ونتي زعما كتعرفيه حسن مننا ، وشفتي كفاش كان كيتعامل معاك منلي كنتي صغيرة
هبة : هانتا قلتيها منلي كنت صغيرة دبا مبقاش عندو معايا
ياسر دور عيونو على الشارع ، لاحظ انه فارغ من السيارات وكسيرا بسرعة : متديش عليه هذاك راه غير شرف وهتر هههه
حفصة قربت ليهم : وخا دبا نقولها ليه نوريك شرف وهتر كيدايرة .
ياسر : سكتي اصفريطة ولا نزلك هنا نخليك تمشي بوحدك .
حفصة رفعت حاجبها باستهزاء رجعت اللور جبدت تليفونها كتكونيكطا وتبتاسم غير بوحدها
مدة من الوقت ، فرانة ياسر في الباركينغ حدا البحر جبدو المستلزمات هزوهم في يديهم وتمشاو جهة الرملة اللي كانت سخونة .
هبة حطات كورسيها من تحت الباراسول هزات تليفونها ودخلت للكاميرا كتسيلفا عاجبها راسها ، بينما أمين طلق موسيقى مجهدة في البيفان مخلي جميع الاعين توجه جهتهم .
هبة : هاااح ناضي نتا كان الجو كئيب
حفصة وجهت ليها نظراتها ونطقت بتساؤل : كالسة قدام البحر والجو كئيب ؟ لواه
هبة : اوا اللي بادي نهارو بالدباز مشي غدي يكون عندو كئيب
حفصة رجعت راسها اللور وتنهدت بصوت مسموع : اودي ...... دورت عيونها على المكان كتكتاشف الناس اللي كيتبحرو ، رفعت حاجبها وهي كتشوف شاب في أواخر العشرينات حاط عينو على هبة ومفيكسيها عليها .
#يتبع.....
آرائكن شهيراتي ❤️✨
أنت تقرأ
هبة قلبه
Romance#حصــــريا_وفــقــط_علــى_مــاضــي_الشهــيرات ❤️✨ 🥂 #هــــبــــة_قــــلــــبــــه 🥂 _ممنوعــــــــة مـــن النشـــر إلا بــعـــد طــلــب الإذن_ #أقـــود_قــصــة_يــمــكــن_تــقراوهــا_بــأقود_أسلوب ❣️🍻 الحب بحال شي عاصفة في عهد قديم ، ك...