💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨#بارت_23
إحسان قربت من ماجد ونطقت بترجي كتدوز يديها على وجهو : ماجد عفاك خلينا نمشيو معاهم حتى حنا
دور عيونو جهة إحسان عوج عنقو كيشوف فيها ونطق بابتسامة : مغديش نقدر نرد شي حاجة في وجهك كانت باستطاعتي نديرها .
ظهرو على وجهها ملامح الفرحة ، وقربت جهة وذنو ناطقة بحب : كنبغييك .
قرب يديه لجهة خدها كيدوزو عليه بحنان ، ورفع حاجبو كيلاحظ ملامحها إنش بإنش ، إلا أنه عيونو بعدو عليها فورما كحكحت يسرى بصوت مسموع .
ماجد نطق مخاطبها : مالك ؟
يسرى : لا والو احم كول اخويا كول .
كتقرب كاس دالقهوة لفمها وعيونها مفيكسياهم عليهم كاع المنظر داز قدامها ، ومزكلت ولا لحظة منو ، شرودها فيهم ، خلاها تغادر أرض الواقع ، وتغوص في بحر أفكارها من جديد ، إلا أنه كل تلك الأفكار تبخرت فورما حسات بكاس دالقهوة تقلب عليها ، وألم حريق بسيط ساهم في استيقاظها ، الشي اللي خلاها تنطق بصراخ متداركة الموقف .
كل الأنظار توجهت ليها مستغربين ، من نبرة صوتها ، لاحظو الكأس اللي تقلب عليها ، قربت ليها نجية بسرعة ونطقت بصوت مفزوع : هبة بنتي بيخير ، واش تحرقتي ؟ كان سخون بزاااف ؟
غمضت عيونها كتزير في فمها ، تنهدت بصوت مسموع وحلات عيونها باتجاهها كتهزهز في راسها : متخافيش الحمد لله كان دافي .
نجية : وسيري ابنتي بدلي حوايجك ، راه غدي يعطيوك الحر
حركت رأسها بالايجاب وتمشات جهة الحمام ، حيدات حوايجها كاملين وطلقات الما على جسدها ، دوزت صابونة على داتها بسرعة ، غسلات جسدها، نشفاتو ولبست حوايج جداد ، 10 دقائق كانت كافية تقوم بيها بهادشي كامل ، خرجت لعندهم كتجر رجليها كانو مزالين في بلاصتهم كياكلو بصمت ، حنحنت بصوتها وجلست في بلاصتها من جديد
نجية : أجي ابنيتي تكملي فطورك ، كنتي شويا وتحرقي راسك راس المحاين .
هبة ابتسمت لخالتها ونطقت بمزاح : منحوسة اخالتي منحوسة .
يسرى نطقت مقاطعاهم : يا الهبيلة مكاينش شي حد منحوس في هاد الدنيا كلها وعندو نصيبو من شي حاجة ،وداكشي كيجي بوقتو .
خدات كاس دالعصير ، وطرف دالباگيط بالفروماج والكاشير مع البيض من عند خالتها ونطقت بابتسامة : شكرا خالتي ..... حولت نظرها مرة أخرى ليسرى ونطقت ..... داكشي اللي كاين حنا غير تنضحكو .
الوقت كيدوز بسرعة ، دقائق قليلة والكل انساحب لبيتو ، بعدما جمعو البنات الطبلة بسرعة متعاونين عليها ، دخلت هبة لبيتها ، حلات البلاكار كتقلب بعيونها ، طاحت على ديباردو مزير في الغوز ، هزاتو مع كولون في الكحل مزييير ، حيدات حوايجها لبساتهم، نيشان على اللحم ، الديباردو مدارت من تحتو والو لكونو مزير ومغديش تجي معاه حمالات الصدر ديالها ، حلات البلاكار مرة أخرى هزات منو كاپ طويييل بحزامو في لون أسود ، مزين بوريدات وردييين ، كانت لبستهم جد متناسقة ، دورت عيونها في الارض. كتقلب على مرادها فورما ابتسمت بعدما تفيكسات عيونها عليها .
هزات صندالة في الأسود ، لبساتها ، وحلات الباب خارجة من البيت وسادة الكاپ اللي كان بحال شكل عباية .
دورت عيونها كتقلب بانت ليها حفصة كالسة في الصالون لابسة حوايجها وحانية راسها على التليفون كتفرنس غير بوحدها
#يتبع......
آرائكن شهيراتي ❤️✨
أنت تقرأ
هبة قلبه
Romance#حصــــريا_وفــقــط_علــى_مــاضــي_الشهــيرات ❤️✨ 🥂 #هــــبــــة_قــــلــــبــــه 🥂 _ممنوعــــــــة مـــن النشـــر إلا بــعـــد طــلــب الإذن_ #أقـــود_قــصــة_يــمــكــن_تــقراوهــا_بــأقود_أسلوب ❣️🍻 الحب بحال شي عاصفة في عهد قديم ، ك...