💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨#بارت_21
خدودها تزنكو وعيونها توسعو بالصدمة ، طول عمرها عمرها ظنت تحضر لبحال هاد المنظر هذا ،فتاة عربية أكيد مغديش تقدر تبقى كتشوف حبها الأبدي في هاد الوضع مع فتاة من فتيات الليل .
توقفت من مكانها مستعدة اتجه ليهم ، إلا أن الصدمة كانت مصيرها بعدما شاهداتو جرها من يديها وتمشاو للخارج .
قبل ما تقبل الصدمة الأولى ها هو زادها صدمة أخرى خلات دموعها ينزلو بدون ما تحس ، كفاش عطاتو خاطرو يدير هادشي قدامها ، بدون ميراعي لا ليها هي اللي جالسة حداه ، ولا لمرتو اللي معندهاش علم بهادشي
___جرها من كسوتها مشمئز منها ، ومن تصرفاتها الظاهرة والفاضحة لمستواها ، خرج من الريسطو ولاحها قدامو ، كيشوف توازنها كيختل مع حركاتها ، قرب لجهتها وعيونو الحمراء خير دليل على عصبيتو ، وعلى عدم رضاه على موقفه .
رغم تعامله معاها قربت جهته ، وحطات يديها على الكويرة ديالو كتبتسم بدلع : مالك عنيف بتصرفاتك ، فقط ليلة غدي تدوز نتا غدي تستمتع ، وانا كذلك .
جرها من يديها مقربها ليه بطريقة عنيفة ونطق ضاغط على سنانو بعصبية : لو عطاوني زوج حلوات وحدة بغشاها ووحدة معرية داير عليها الدبان كوني أكيدة 100٪ أنني انختار المغلفة بغشاها
رفعت حاجبها من كلامو القاسي ، واللي دخل لقلبها بحال السكين الماضي ، قربت لأذنو ونطقت متسائلة : والى المعرية مكانش داير بيها الدبان شنو غدي تختار ؟
ابتسم باستهزاء وقرب همس في أذنها : معنديش دليل أنه عمرو دار بيها ، حيت كيفما كان الحال كتبقى معرية والثقة كتعطى لمولات الغطى ..... ختم كلامو بغمزة ولاحها مبعد عليها كينفظ كويرتو .
قلب اتجاهه ، ودخل للريسطو مرجع نظراتو الجدية ، وتقدم ناحيتها مستغرب من ملامحها الحزينة ، قرب ليها جلس في مقعده ووجه ليها نظراته ناطق بهدوء: علاش كنتي كتبكي ؟
مسحت دموعها بعجرفة ووجهت ليه نظراتها : مماليش
ماجد: شنو عندك اهبة ؟
زيرت على يديها ونطقت كلامها : منين نتا جاي باغي تمشي مع البنات وتعطيهم وقت ، كنتي تخرج بوحدك وتلاقى بيهم علاش جايبني معاك ؟
رجع راسو اللور كيشوف نظراتها ونطق بابتسامة : بقى فيك الحال ؟
هبة : مبقاش فيا الحال ، بقات فيا غير مرتك اللي كتكذب عليها .
حل عيونو بصدمة مستغرب من كلامها عيط للسيرڤور عطاه خلاصو وجرها معاه ، خدا السوارت من عند العساس ركبها في لوطو وركب حداها في مقعده .
هبة : فين دايني .
فيكسا عيونو على الطريق مكسيري بسرعة بين الشوارع ، مدة قصيرة من الوقت فرانة قدام الدار ، ونطق بهدوء : نزلي
هبة : ونتا منازلش ؟
بقى مفيكسي نظراتو قدامو ونطق بصراخ : هبة نـــزلــــي
ذاتها ارتعشت بخوف حولت يديها جهة السمطة حيداتها بسرعة ونزلت كتجري ، قبل متدخل بخطواتها للدار كسيرا بسرعة لوجهتو .
#يتبع.....
آرائكن شهيراتي ✨❤️
التتمة بعد 25 دقيقة
أنت تقرأ
هبة قلبه
Romantizm#حصــــريا_وفــقــط_علــى_مــاضــي_الشهــيرات ❤️✨ 🥂 #هــــبــــة_قــــلــــبــــه 🥂 _ممنوعــــــــة مـــن النشـــر إلا بــعـــد طــلــب الإذن_ #أقـــود_قــصــة_يــمــكــن_تــقراوهــا_بــأقود_أسلوب ❣️🍻 الحب بحال شي عاصفة في عهد قديم ، ك...