هبة قلبه

🎀 بارت 14 🎀

💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨

#بارت_14

قربات ناحية هبة وحطات يديها على كتفها كتزعزعها ببطء ، حولات ليها نظراتها المتحمسة و نطقت بهمس : هبة هبة

هبة رفعت راسها اللي كان محني على الهاتف هزات حاجبها ونطقت بتساؤل : وي الزين بغيتي شي حاجة

دورت عيونها ناحية الشاب وحولتهم مرة ثانية كتغمزها تشوف قربت لوذنيها ونطقت بهمس شديد : داك الميترناجور كيشوف فيك

هبة حلات عيونها وعوجت فمها بعدم فهم :وها هو كيشوف ربما غير ساهي .

حفصة : اشمن ساهي السيد من الصباح وهو حاط عينو عليك

هبة تنهدت بصوت مسموع ورجعت راسها اللور كتنطق بكلمات متقطعة : حفصة انا مشي ديال هاد التخربيق ، طالعلي هادشي في راسي قبل ما يبدا ، ولا كل همي ندوز هاد الصيف بيخير ونشد الباك بنقطة زوينة وراها نمشي نضبر على ك ري فشي إيكول

حفصة عوجت فمها باستهزاء ونطقت معاجبهاش الحال : ياه على عقلية منيتك اصاحبتي الحياة فيها الجدية وفيها الزهو باش كتدووز كووول وكتقدر تعيش فيها الحلوة والمرة

هبة رفعت حاجبها ونطقت بإستغراب : نتي بانلي فيك طايحة فشي واحد

حفصة حنات راسها بتوتر وجبدات تليفونها شعلاتو : غير اللي بغى يهضر معاك ، دغيا كتقلبي الهضرة

هبة : هممممم كنقلب الهضرة

حفصة حلات فمها مستعدة تنطق وقف قدامهم ياسر قرب ناحيتهم : صراحة بقيتو فيا

هبة رفعت عيونها ابتسمت ونطقت بتساؤل : علاش غدي نبقاو فيك

سد فمو مباغيش يخرج الضحكة غمز حسام ، اللي تقدم ناحيتهم ، وقرب من حفصة بينما ياسر توجه جهة هبة حيد ليها التليفون وهزها بين يدو بسرعة

هبة وسعت عيونها بصدمة تعلقت في عنقو ونطقت بصوت عالي ممزوج بنبرة الخوف : ياسر عفاك متديرش هكا ، غدي تطيحني حشومة عليك

ياسر : باغدون ولكن انا هازك باش تطيحي

هبة طلعت حاجبها باستفهام قبل متفهم كلامو ، تخشى في البحر ولاحها في جهة الغارقة تغطست بطريقة قوية

حفصة قبل ميقرب ليها حسام ، ويدير ليها نفس الشي صرخت بقوة وتمشات كتجري ناحيتهم حيدات الجاكيط من فوق الشوميز وغطست بقوة كبيرة .

مدة قليلة من الوقت وقربت جهة ياسر اللي مبلوكي من صوتها : خالي شنو درتي

حول عيونو ناحيتها وطلع حاجبو بإستغراب : علاش كتغوتي انا كنضحك معاها ها هي غدي تطلع .

حفصة ضربت في صدرو ونطقت بصراخ : راها مكتعرفش تعوم غدي تغراق .

قبل ما يصدر منو أي ردة فعل تلاح جسد رجولي ذو بنية قوية ، غطس من تحت الما ، مدة طويلة من الوقت وخرجها فاقدة الوعي بين يدو

حفصة هبطو دموعها وتبعاتو كتبكي : تسنى نشوفها

خرجت من الما كترعد بالبرد ، وقطرات المياه كتساقط من شعرها ، تقدمت جهتهم وطلعت عيونها ناحيتو : مالها سخفانة وشنو داك الدم اللي في جبهتها ؟

#يتبع .......
آرائكن شهيراتي ❤️✨