💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨#بارت_31
دقائق مكثيراش كانو قدام المول ، دخلو مع بعضياتهم كيبتاسمو ، تمشاو جهة المصعد ، ضغطو على الطابق ، طلع بيهم ، ثواني ، وكانو في المكان المطلوب .
ياسر قشعهم كيتمشاو ناحيتو ابتسم ، وشير ليهم بيديه باش يجيو عندو وفعلا ما هي الا ثواني وكانو قدامو
ياسر : على السلامة
هبة : الله يسلمك ، يلاه عتق جيب ليا مناكل ، راني ممغدياش خوك حرمها عليا .
أمين ابتسم : غزا فيك صراحة نتي سبيتيني وهو ناض ليك
هبة : كتقصد شركنا بزوج ياك ؟
أمين هز كتافو بلامبالاة: مهم نتي صبنك أكثر حيت مكتحتارميهش .
ياسر نطق بصوت عالي : سكتونا مكتسااااليوش
حناو رأسهم ، كيشوفو في بعضياتهم ، ما إن هبة هزات راسها كتسمع لياسر اللي كمل كلامو
ياسر : هبة شنو بغيتي تاكلي ؟
هبة عقدت حواجبها كتفكر لثواني معدودة ونطقت مخاطباه : عرفتي جيب غير طاكوس هو اللي يصلاح دبا .
ياسر حرك راسو بالايجاب ونطق مخاطب حفصة وأمين : ونتوما تاكلو شي حاجة
حفصة : حنا تغدينا ، انا بغيت گلاص
أمين : حتى انا .
حرك راسو وتقدم ناحية مكان الطلب .
هبة دورت عيونها على المكان مكانتش الدنيا عامرة بحكم النهار كتكون خاوية مشي بحال الليل ، دورت عيونها من الجهة الأخرى ، رفعت حاجبها وهي كتشوف شخص يكون في سن الاربعين أو أكثر شعرو متخللو بعض الخصلات من الشيب ، مراقب كل حركاتها ، تنهدت ودورت عيونها جهة حفصة اللي كانت كتشوف في المنظر
رفعت حاجبها ، ودورت راسها بإستغراب : مالك
حفصة : بحالا داك الراجل كيشوف فيك
عوجت فمها ونطقت بعدم رضى : اودي تشوف فيه لفعة زهري غير فيهم
حفصة ابتسمت : وصراحة اختي تيتيز ، وخا كبير باقي باين فيه الصغر بحال خالو ماجد
هبة دورت عيونها قشعت ياسر جايب البلاطويات في يديه نطقت بهمس : صافي شت ياسر غدي يسمعنا
حفصة حركت رأسها بالايجاب خدات البلاطو من عند ياسر ، عطات لهبة طبقها وأمين كذلك.
مدة قليلة دازت في أكلهم، كان خلص ياسر الأكل ، ختارو الفيلم اللي غدي يشاهدو ، ودخلو مجموعين للسينما فرحانين ، خصوصا هبة اللي رجعت ذاكرتها اللور يامات كانت كتمشي هي وماجد ، وكيشاهدو جميع انواع الأفلام .
مدة ساعتين ، 3 سوايع الى 5 سوايع ، فرانات لوطو دياسر قدام الباب الموبل ، انتظر هبة وحفصة وأمين ينزلو وكسيرا بسرعة للوطيل .
دخلو مجموعين لقاوهم جالسين مجموعين في الصالون حيدو سبرديلاتهم ، مشاو غسلو يديهم ورجليهم ، نشفوهم ورجعو حداهم مليوحين على لي فوطوي بتعب
نجية : كيدوزتو نهاركم ؟
حفصة : وااااعر الميمة شفنا واحد الفيلم دالرعب كيخلع ، كلشي عجبو هبة اللي تخلعت شويا
هبة : انا اختي ممولفاش داكشي
نجية ابتسمت : وقيلة معجبكش الحال ابنتي ، حتى للمرة الجاية ونمشيو انا وبنتي نتفرجو في الفيلم اللي عجبها .
أمين رفع راسو من التليفون ونطق مخاطب هبة بصوت عالي : حقا اهبة قبيلة كيدرتي ليها هذاك شارف وخشالك النمرة في جيبك مشفتيهاش ؟
وسعت عيونها بصدمة خشات يديها في جيب الجاكيط كتأكد ، فعلا لقات كارط مكتوبة فيها السمية والمعلومات دورت عيونها عليهم ، حشمانة من الوضع ،حركت عيونها موراها بعفوية وسعتهم بصدمة ، وهي كتشوفو متكي على الحيط ، ومربع يديه كيشوف فيهم مزير على السوارت بين يدو
#يتبع.........
آرائكن شهيراتي ❤️✨
أنت تقرأ
هبة قلبه
Romantizm#حصــــريا_وفــقــط_علــى_مــاضــي_الشهــيرات ❤️✨ 🥂 #هــــبــــة_قــــلــــبــــه 🥂 _ممنوعــــــــة مـــن النشـــر إلا بــعـــد طــلــب الإذن_ #أقـــود_قــصــة_يــمــكــن_تــقراوهــا_بــأقود_أسلوب ❣️🍻 الحب بحال شي عاصفة في عهد قديم ، ك...