💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨#بارت_8
سالات ماكلتها بسرعة عطاتهم صوابهم قبل ما تنعس وتوجهت ناحية البيت المشروك مع حفصة، تنهدت بصوت مسموع وتلاحت على الناموسية التعب تمكن منها ، والراحة انعدمت من جسدها بصفة نهائية
ثانية ، دقيقة ، 30 دقيقة بالضبط ، تحل باب البيت ودخل منو بخطواتوو المتوالية ، قرب جهتها بشكل بطيء وحط يديه على جسدها كيزعزها .
بينما هي غارقة في نعاسها شهقت بقوة ودورت عيونها ناحيتو بإستغراب : عمراااان ؟
عمران عوج فمو : اه عمران .
هبة رفعت حاجبها : علاش جيتي عندي خاصك تكون دبا ناعس في بلاصتك .
عمران زير على شفايفو ونطق بغضب : بغيت نعس حدا ماما وبابا مخلاونيش ، وصيفطوني لبيت بوحدي انا خفت ، مشيت عند حفصة لقيتها ناعسة في البيت لاخر مع أمين معنديش بلاصة .... عوج راسو ونطق بترجي .... خليني نعس حداك عفاك
هبة بقى فيها جراتو لعندها ونطقت باستفسار : وعلاش ممشيتيش عند باباك منلي خفتي ؟
عمران عوج فمو بعدم رضى : وراه قلت ليك مبغاوش في الاول ، واصلا الى مشيت عندو وقلت ليه خفت غدي يخاصم عليا ، كيقولي الرزال مخاصهمش يخافو .
هبة ظهرت على شفايفها ابتسامة خفيفة جراتو لحظنها وجرات عليهم الغطا : وراه بصح مخاصكش تخاف باباك عندو الحق ، معلينا مشي مشكل انا معاك دبا يلاه نعس
هز يديه الصغيورة وحطها على وجهها : في خبارك نتي زويييينة
طلقت ضحكة مسموعة في البيت وطبعت قبلة طويلة على خدو : ونتا اكثر .
مدة زمنية طويلة دازت في حواراتهم اللا منتهية ، النوم تمكن منهم وغادرو العالم الواقعي لعالم الراحة مع انعدام الكوابيس .
أصبحنا وأصبح الملك لله
حلات عيونها ببطء كتدورهم على البيت ، ذاكرتها صبحت ممحية ، هزات يديها كتحركها على شعرها وملامحها كلها على شكل علامات استفهام ، وقفت بصعوبة ،جمعت غطاها بالزربة ، هزات مقبط جمعت بيه شعرها وتقدمت ناحية الحمام دخلت قضات روتينها ، وخرجت بعد مدة مطويلاش من الوقت .
تمشات جهة المطبخ بانو ليها العيالات كيحطو الفطور ابتسمت ونطقت بود : صباح النور
إحسان : صباح الياسمين الزيونات كيصبحتي
هبة : بيخير الحمد لله
إحسان : البارح برزطك عمران حسابلي نعس في بلاصتو ساعة جا لعندك .
هبة وسعت ابتسامتها ونطقت بسرعة : لا ماشي مشكل غير خليه يبقى يجي عندي كيونسني اصلا حفصة مكتنعسش حدايا
إحسان : لهلا يخطيك احبيبة
هبة : عطيني داك البلاطو نديه
إحسان حركت راسها بالايجاب ومدات ليها البلااطو ، اللي خداتو من عندها وتوجهت بيه جهة الصالة .
دورت عيونها عليهم ، بانو ليها أشخاص آخرين عاد ردات ليهم البال ، البارح كانت بحال شي شخص فاقد الوعي
هبة : احم صباح الخير
ياسر : صباح النور هبة أجي نعرفك على ولاد عمتي كاع مسلمتي عليهم البارح .
ابتسمت وتقدمت ناحية ياسر كلست حداه ، ودورت عيونها عليهم ، كانو 2 شبان ، واحد باين قد ياسر والآخر سنو قريبة لماجد ، مدات ليهم يديها سلمت عليهم وباشرت في الأكل بعدما تجمعت العائلة .
دورت عيونها كتقلب على السكر ، الكل مشغول وبعيد عليها معندهاش كي تدير تنوض ، رفعت عيونها مستعدة تنطق ، حسات بيه تحط قدامها هز قطعة صغيرة دارها ليها وخلطو ليها بالمعلقة يدوب .
هبة عوجت فمها ونطقت بعدم رضى : ماجد ، انا مكنديرش غير وحدة راه غدي تجيني مسوسة .
#يتبع......
آرائكن شهيراتي ❤️✨
أنت تقرأ
هبة قلبه
Romance#حصــــريا_وفــقــط_علــى_مــاضــي_الشهــيرات ❤️✨ 🥂 #هــــبــــة_قــــلــــبــــه 🥂 _ممنوعــــــــة مـــن النشـــر إلا بــعـــد طــلــب الإذن_ #أقـــود_قــصــة_يــمــكــن_تــقراوهــا_بــأقود_أسلوب ❣️🍻 الحب بحال شي عاصفة في عهد قديم ، ك...