💄هــــبــــة قـلــبــــــه 💄
🥂بقلم لمياء الشادلي 🥂
✨ الفصل الأول: #لقلبي_رأي_آخر ✨#بارت_9
وجه ليها نظراتو ونطق بهدوء:عندنا السكر وراثي في العائلة خاصك تنقصي منو باش ميجيكش
عقدت حجبانها بغضب دورت نظراتها لمراتو اللي كانت هزات 2 قطع قدامها ودارتهم في كاسها سرطت الغصة ونطقت موجهة كلامها لنجية : خالتي نجية
نجية : شنو أحبيبتي
هبة : كبيلي كاس دالعصير مبغيتش القهوة
رفع حاجبو مستغرب من تصرفاتها ، حرك راسو بالايجاب لمو ونطق موجه كلامو لباقي العائلة : شنو البروگرام ديالكم اليوم
ياسر : الدراري نمشيو نتبحرو ؟
حفصة : اه انا بغيت
أمين هز راسو من فوق التليفون : حتى انا باغي نتبحر اليوم
ياسر دور راسو جهة حسام وإبراهيم : ونتوما ؟
حسام : شنوما درتو الساط معندناش مشكل وفي الليل حنا اللي كنقررو ...... ابتسم وختم كلامو بغمزة .
ياسر : صافي جاتكم .
رفع حاجبو كيسمع كلامهم اللي كان فاهم قصدو ، حول نظراتو لمراتو ووجه ليها كلامو بصوتو المعهود : انا وإحسان غدي نمشيو اليوم لتطوان.
إحسان ابتسمت بلطف وحنات راسها لعند ولدها : عمراني غدي تمشي معانا ؟
عمران عوج فمو ونطق بغضب : غير سيرو بوحدكم انا غدي نبقى مع هبة هي اللي صاحبتي وكتبغيني.
ماجد عقد حواجبو بإستغراب ووجه ليه كلامو : مالك نتا اليوم كتسوط غير بوحدك اش عندك ؟
عمران دور عيونو لجهة أخرى وربع يديه بغضب طفولي : نتا كاع مكتعطيني وقت كل وقتك غير لماما مكتلعبش معايا كيف شحال هذي ومكتديرش ليا خاطري ، البارح بغيت نعس حداك مبغيتيش وانا خفت بوحدي ، هبة حسن منكم البارح مخلاتنيش بوحدي وعنقاتني ، والليل كامل وهي كتعاود معايا حتى داني نعاس
ماجد هز حاجبو بعدم رضى ونطق باستفسار : انا شنو كنقول ليك على الخوف ؟
عمران : الرزال مكيخافوش
ماجد: ونتا شنو درتي البارح
عمران لاحظ نظرات باه ليه ، فاهم وضعيته الآن ، الظاهر من الخارج في مود عادي والمورال متوازن ، إلا أنه الداخل ديالو وقعت فيها انكسارات كثيرة إثر عصبيتو ، وسع شفايفو بحزن ، وسمح لعيونو تنزل الدموع المحصورة، كيبقى ولد صغير وحاجة بحال هذي ساهل تبكيه
كتدور عيونها يمين ويسار وكتشوف تصرفاتهم اتجاه بعض ، ركزت على عمران اللي كان مخسر ملامحو والدموع شاقين طريقهم ، قلبها ضرها عليه ، أحاسيسها دغيا كتغلبها وولد غزال بحال هذا ، حتى واحد ميقدر يستحمل منظره وهو كيبكي ومكاين حد اللي قرب ليه ، العائلة كاملة عارفة ماجد ، شخص متحضر إلا أنه في علاقتو مع أسرتو مكيبغي حتى واحد يتدخل .
وقفت من مكانها بغضب ، وجهت نظراتها لحفصة ونطقت مراشقاش ليها :حفصة ختي خليني ندوز
رفعت حاجبها فيها بعدم فهم وبعدت خلات ليها البلاصة منين تدوز وهي مراقبة المنظر بصمت كتشوف هادشي فين غدي يوصل ، الظاهر أنه هبة كتحاول تدير خطوة مغديش تدوز ليها بالساهل وتخلي علاقتها مع أقرب الناس ليها تنفك .
توقفت أمامه ، هزات يديها ناحية وجهو مسحات ليه دموعو وهزاتو لعندها بصعوبة ، دورت وجهها جهة ماجد كترمقو بملامح غاضبة وتقدمت جهة بيتها بخطوات متوالية .
#يتبع......
آرائكن شهيراتي ❤️✨
أنت تقرأ
هبة قلبه
Roman d'amour#حصــــريا_وفــقــط_علــى_مــاضــي_الشهــيرات ❤️✨ 🥂 #هــــبــــة_قــــلــــبــــه 🥂 _ممنوعــــــــة مـــن النشـــر إلا بــعـــد طــلــب الإذن_ #أقـــود_قــصــة_يــمــكــن_تــقراوهــا_بــأقود_أسلوب ❣️🍻 الحب بحال شي عاصفة في عهد قديم ، ك...