صلوا على سيدنا محمد ❤️
قصه:ميرهان
اتمنى تدعموني بتصويتكم ياكتاكيت ♥♥
يلا بسم الله الرحمن الرحيم نبدا_
***★***★***★***★***
في الصباح الباكر استيقظت "سلسبيل" بملل وزهق وهي تدعو على من اخترع الثانويه العامه...ذهبت لإرتداء ملابس المدرسه وبعد ان انتهت ذهبت للمرأه لترى مظهرها
"سلسبيل" بقرف_
اي المنظر ده ! ايه اللي جاب فوشيا على رمادي! والبس فوشيا ليه اصلا؟؟ انا حاسه انهم عملوا اللون ده عشان لو النور قطع احنا ننور....!
انا بتعرض للعبط المدرسي ياجماعه!
لا بس ثانيه! اي القمر ده...الخمار هياكل منك حته يابت يا "سلسبيل" احلى واحده في ثانويه عامه يابت....يلا اما امشي من قدام المرايه لحسن احسد نفسي ولا حاجه....!
زفرت برضي عن مظهرها الذي كانت تنتقضه منذ ثواني ! وذهبت للبحث عن شئ تأكله قبل المدرسه...
لم تجد!...وجدت جميع الاطعمه للغداء ولم تجد طعام للفطور!
"سلسبيل" بضحكه سمجه_
طب اي اشوح فرخه قبل الامتحان ولا اي؟ ده اكيد عشان اضمن اني ست بيت شاطره لو سقط في الامتحان!
خرجت من المطبخ لتطرق باب الغرفه الخاصه بوالدتها ووالدها وهي تهتف _
دي مش معامله بني ادمين على فكره...لو مجليش جبنه وعيش دلوقت مش هنزل الامتحان
هتفت"هدى" بنوم_
طلعي الفراخ كليها...
_ اطلع فراخ اكلها! فرخه اي ياماما اللي افطر بيها ده اكس لارج معملش كده...دي مش اخلاق ناس بنتهم في ثانوي دي...والله اروح اكل "حياه" انا بقولك بس
_كليها وسبيني انام
هذا ما قالته "هدى" بنوم لتتابع "سلسبيل"_
ماشي ياست الكل نامي تصبحي على خير...
انا هروح الامتحان من غير اكل...بس مش ذنبي ان لو وقعت واغمى عليا من الضعف والجوع!
قالت جملتها بتأثر لتثير مشاعر والدتها لكن هتف والدها _
"سلسبيل"! انتي راحه امتحان ساعتين او ساعتين ونص...مش هتروحي تباتي اللجنه...روحي وبعد ما ترجعي هتلاقي الفرخه كلها بتاعتك لوحدك...
استمعت "سلسبيل" لحديث والدها وذهبت للمراجعه لكن رجعت للغرفه تهتف_
معلش بس انا قبل ما انام شفت جبنه ولانشون وبطيخ! راح فين الكلام ده
_ "حياه" جاعت بليل اكلتهم روحي كليها وسبينا
هتفت بهذا الحديث"هدى" لتشتعل "سلسبيل" بغيظ من شقيقتها وذهبت لها لتجدها نائمه كالملاك البرئ...
فنقضت عليها تقبل وجنتيها وهي تهتف_
انا؟؟انا تاكلي اكلي؟؟ دنا مش هسيب فيكي العضم للكلاب حتى!
صاحت "حياه" باستغاثه _
ياقوم..ياقوم شيلوا الكائن التقبيلي ده من عليا..اصبري بس هفهمك اصبري انا سبتلك حته بطيخه في التلاجه!
أنت تقرأ
"ذات الخمار"
Mystery / Thrillerقد يأتي يوم يغير حياتنا..وتفكيرنا..و..اهلنا! يوم ملئ بالحزن والثقل يوم حملنا اكثر من طاقتنا لكن بالتأكيد هناك يوم للسعاده يوم للنسيان يوم للحب! سيأتي..قريبا..
