"ذات الخمار"

الفصل الثالث:"سديد!"

بسم الله الرحمن الرحيم♥
وَمَن يَعْمَلْ سُوءًا أَوْ يَظْلِمْ نَفْسَهُ ثُمَّ يَسْتَغْفِرِ اللَّـهَ يَجِدِ اللَّـهَ غَفُورًا رَّحِيمًا). [سورة النساء، آية: 110
صدق الله العظيم ♥

صلوا على نبينا محمد ♥
عليه افضل الصلاه والسلام

قصه:ميرهان
ممكن تدعموني بتصويتكم عشان اكمل؟♥

***★***★***★***★***
في المساء حضرت "هدى" وابنتيها عشاء مميز لان اليوم سيأتي "لؤي" مع ابويه لتحديد موعد زفافهم!

كلما اقترب موعد العرس كلما خافت "سلسبيل" على اختها اكثر!
تكره لا تنكر ذلك! لكن تتمنى من كل قلبها ان جميع افكارها فيه تكون خاطئه وان يحافظ على اختها!

جاء الكائن اللزج مع اسرته اللزجة "كما قالت سلسبيل" ليحددوا موعد الزفاف...

ابتسم "لؤي بهدوء ليردف_
طبعا يا عمي انا جيت عشان اكلمك في موضوع .....

_لا لا اصبر كده ...لازم تتعشوا الاول بعد كده نتكلم براحتنا
هذا ما قالته "هدى" للجميع ليذهبوا للسفره لتناول العشاء في جو مريح جدا بالنسبه ل"حياه" وجو مزعج للغايه بالنسبه ل"سلسبيل"

هتف"لؤي" من وسط طعامه _
صحيح يا "سلسبيل"! عمرك ما قولتيلنا عايزه تدخلي كليه اي؟

نظرت له "سلسبيل" بنظرات غير مباليه وهي تردف_
لسه مقررتش بس اول ما هقرر هقولك على طول متخافش!

في حين ذلك وكزتها "حياه" في قدمها لتتحدث بلباقه اكثر من ذلك!

انتهى العشاء لتجلس عائله "لؤي" امام "عماد" ويتحدث والد"لؤي" ليقول_
طبعا احنا بقينا اصل يا استاذ عماد وبما ان الخطوبه طولت فا من رأيي نحدد معاد الفرح بقى!

_تمام بس...الشقه جهزت؟
_لاء
_هو لقى شغل ثابت زي ما قال؟
_لاء
_هيسافر بيها يعني عشان يشتغل برا؟
_لاء
_هيتجوزها في بيتنا واحنا نصرف عليه ولا ايه؟؟

نظر"لؤي" سريعا لوالده بغضب ثم تابع القول_
اكيد لاء يعمى ... انا خلاص جهزت تقريبا الشقه لسه حاجات بسيطه بس مش مهمه يعني عادي لو اتجوزتها وجهزناها سوا!

_والشغل؟ هتعيشوا ببركه ربنا ودعا الوالدين ولا اي؟
كان يعلم "عماد" ان شغل"لؤي" ليس بثابت حيث يتنقل من فتره لاخره من عمل لاخر ...

_انا لقيت شغل كويس في بنك كده وان شاء الله هيقبلوني...

_ ان شاء الله لما يقبلوك ابقى تعالى!

_ياعمي بالله عليك... انا بحب "حياه" متبعدنيش عنها كل ده!
نطق بها "لؤي" وهو على يقين ان لابد ان "حياه" او "سلسبيل" تستمع اليهم !

بالفعل كانت تستمع لهم تلك التي سلبها قلبها بكلماته !
ضحكت بخفوت لتذهب لغرفتها وتخبر "سلسبيل" بما قال !