اولاً وثانيًا واخيرًا لاتنتظر مني ما لا أجده فيك .!
في المساء
يتجمع الجميع علي السفره
كامله بحب: ربنا يطول بعمرك ويعطيك الصحه والعافية ياعمي.
الحاج محمد: كتر خيرك يابنتي، رحيق تعالي اقعدي جاري.
رحيق قامت من مكانها وجلست مكان سليم.
"سليم مسافر "
رحيق بحب: انا اطمنت عليك ياجدي، ونفسي ارجع القاهره.
الجد بحزن: عايزه تبعدي عني يابنت ولدي بعد مالاقيك.
سالم في لنفسه: عايزه تبعدي عني، مش هسمح تبعدي عني، انا مصدقت لاقيتك.
رحيق: جدي انا بحبك والله ونفسي اعيش معك، لكن في القاهره بيتي بذكرياته ، وكليتي قربت تفتح.
الجد بحنان: يعز عليا فراقك يابنت الغالي، انا ملحقتش اشبع منك، ليه عايزة تسافري بسرعه كده؟.
رحيق بحزن: انا انخطفت امبارح ياجدي، وانا غريبه عن البلد، ولسه جايه قنا من كام يوم.
سالم لنفسه: ربنا ينتقم منك يارقيه، حبيبتي هتسيبني بسببك والله لاكون مخلص عليكي.
سليم يدخل القصر ويقول السلام عليكم ورحمة الله وبركاته.
الجميع/وعليكم السلام ورحمة الله وبركاته.
تفاجا سليم بجلوس رحيق مكانه علي السفره.
الحاج محمد لاحظ دهشته وقال: تعال سلم ياولدي علي بنت اخوك سالم الله يرحمه.
سليم بصدمه: اخوي مات.
جلس سالم علي كرسي بجانب امجد..
الجد بحزن: قص عليه كل شيء.
سليم بحزن: اخوي مات ياحزني، ومين اللي واكل ناسه يخطف بنت اخوي من وسط دارها، والله لاكون مخلص عليه.
الجد بجديه: سيبك من اللي خطف ده ليه يوم، اطلع القديم والجديد عليه، عملت ايه في السفر؟.
رقيه بخوف بتبلع ريقيها وتقول لنفسها: ربنا يستر، لازم اعرف الغبي مرزوق فين وقافل تلفونه ليه.
سليم: الحمد الله كله تمام يابوي.
الجد لمحمود وسليم: رحيق بنت اخوكم الله يرحمه، لازم تاخد حقها في أموال ابوها.
رقية بغيظ لنفسها: كسر حقها، والله لاوريكي يابت سالم،جاي تاخدي الفلوس علي الجاهز اكده.
محمود بجديه: ده حقها يابوي ولازم تاخده، بس تعيش وسطينا.
سليم باستغراب: هي عايزه تمشي.
سالم بسرعه: اه ياعمي عايزه تسافر تعيش لوحدها في القاهره.
سليم: لا يابنتي احنا اهلك، وده دارك، تعيشي وسطيا احسن، احنا صعايده ونخاف علي حريم، ازاي ننام وبنت من بناتنا عايشه لواحدها في الغربه.
عفاف بسرعه: احنا برضو اهلها وامجد ابني اخواها، وهتعيش معانا، بصراحه انا خايفة على رحيق.
سليم : بناتنا تبعد عنا في حاله واحد لما تتجوز، ثم نظر لسالم، من عوايدنا البنت لابن عمها.
سالم لنفسه: عمي ده راجل سكر.
رحيق بصدمه: ابن عمها مين؟.
محمودبفخر: سالم ولدي زينه الرجال.
رحيق: انا مش بفكر في الزواج ، ابن عمي راجل محترم، ساعد اخويا وانقذني من الخطف امبارح، بصراحه انا شايفاه زي اخويا امجد.
سالم لنفسه: اخوها.
قام سالم من مكان وطلع علي غرفته.
رحيق بحزن: انا والله ماقصدت ارفضه، بس مش حاسه ناحيته بمشاعر.
الجد : ترفضي ولا توفقي ده حقك يابنتي.
انهي الجميع الطعام وغادروا...
أنت تقرأ
رحيق🦋....
Fanfictionيرمز معنى اسم رحيق إلى الخالص الصافي من خمر الجنة،هل صحيح ان لكل شخص قدر من اسمه اما للقدر راي اخر، فهل يكتب لرحيق ان تعيش وتذوق حلاوه الجنه. سالم الابنودي: ٣١سنه، عيون سوداء وشعر اسود قصير، واسمر قمحي، صعيدي متمسك بالعادات والتقاليد، ويرفض الزواج،...
