မနက်မိုးလင်းသည်နှင့် ယခင်ရက်များနှင့်မတူ မျက်နှာပင်မသစ်ရသေး မိမိ၏ဖုန်းအားဖွင့်ကာ
Google ၌တစ်စုံတစ်ခုအားသဲကြီးမဲကြီးရှာနေသည်။
~ရည်းစားစကားပြောနည်း🔍
~အသက်အလွန်ကွာသောသူအားရည်းစားစကားပြောနည်း🔍
~အမျိုးသမီးငယ်တို့အကြိုက်🔍
'googleကလည်းသုံးစားလို့ကိုမရဘူး'
မနက်စောစောစီးစီး၌တစ်ယောက်တည်းဖုန်းကြည့်ကာစိတ်ထဲတွင်လည်းgoogleမေတ္တာပို့နေသောလရောင်။
"morning မမ"
အနောက်ဘက်မှမျက်လုံးတို့အားလက်ဖြင့်ပွတ်ကာ နိုးလာတော့ ဖုန်းကိုချက်ချင်းပိတ်ကာ
ဧကရီ့ဘက်သို့လှည့်၍......။
"နိုးပြီလားငယ်လေး"
"ဟုတ် ဧကရီမျက်နှာသွားသစ်လိုက်ဦးမယ်နော်"
"အင် ပြီးရင်ပြောလိုက်နော် မမ သစ်မလို့"
"ဟုတ်ကဲ့"
ဧကရီထွက်သွားတော့မှောက်လျက်ထားထားသောဖုန်းအားပြန်လည်၍ဖွင့်ကာတစ်စုံတစ်ယောက်နှင့်စကားပြောလို့နေသည်။
၁၀မိနစ်မျှအကြာ၌အနောက်မှ အသံတစ်ခုကြောင့်လိပ်ပြာတို့လွင့်မည့်အလားလန့်ရပြန်သည်။
"အမလေး....."
"ဘာဖြစ်တာလဲမမရဲ့"
"ရုတ်တရက်ဆိုတော့လန့်သွားလို့ပါ ငယ်ပြီးပြီဆိုမမသစ်တော့မယ်နော်"
"ဟုတ်ကဲ့ ဧကရီပြင်ပြီးရင်အောက်ကစောင့်နေမယ်"
"omm"
☀️☀️☀️
"သွားကြတော့မလို့လား မနက်စာစားသွားဦးလေသမီးငယ်"
လှေကားမှဆင်းလာသောဧကရီ့အားမြင်တော့ ဒေါ်စန္ဒာနွယ်မှလှမ်း၍ခေါ်လေသည်။
"Morning Dad and Mom ပြီးတော့ ဧကရီက စားသွားမှာပါမေမေရဲ့"
"ဟုတ်ပါပြီ လရောင်လေးရော မဆင်းလာသေးဘူးလား"
"ဧကရီကအရင်ပြင်ဆင်လိုက်တော့မမကအခုမှအ၀တ်လဲတုန်း ဟီးဟီး"
သွားလေးဖြီးကာပြောတော့ သူမ၏ခေါင်းအားဒေါ်စန္ဒာနွယ်မှပွတ်ကာ မနက်စာဖြစ်သည့် ပဲပြုတ်ထမင်းကြော်အားခူးပေးလို့နေသည်။
