متاخرتش عليكو اهو ونزلتها بعدها بيوم الڤوت بتاعي بقا بعد اذنكو😂❤
بسم الله الرحمن الرحيم
الفصل الثامن (حكايتي)
نظر مالك في الاوراق وقال بجمود: ورق ادويه متجدوله ومواد غلط دخلت المعمل ومعاهم ورق تاني باسم حضرتك وباسم واحده تانيه
مثل الغضب باتقان وقال: ادويه متجدوله ازاي يعني ومين المسؤل عن الي بيحصل ده
زفر مالك بضيق وحاول تمالك اعصابه قائلا: بابا متحاولش تقنعني ان الي حصل ده عيب من الشركه لاني عارف كويس ان الصفقات دي انت بنفسك الي ماضي عليها وسمعتك وانت بتكلم صاحب الادويه دي بنفسك اما عالمواد الي دخلت المعمل فاصلا مفيش اي ماده بتدخل الا اما تكون حضرتك مشرف عليها وعارف اي الي داخل واي الي طالع يعني كل ده بعلمك انت مش بعلم حد تاني غيرك ولا انا غلطان
كسا عيناه الغضب وهتف لابنه: افهم من كده ان الباشا سايب شغله ومركز معايا ومع الي بعمله هو ده من ضمن شغلك يا استاذ مالك
قال ببرود: اما اشوف اسهم الشركه بقت فالنازل وان في ناس اتاذت من الي حصل ده واقف ساكت يبقا احنا بنضيع يا بابا وحضرتك مش هتقبل ابداً ان شركتك تتقفل او حد يبلغ عننا وساعتها هتبقا فضيحة شركة الصاوي فكل حته وانت لوحدك الي هتشيل الجمل بما حمل
كان الانفعال هو سيد الحديث حيث هتف بغضب شديد: مش شغلك انت ده شغلي انا والشركه شركتي مش عيل زيك الي هيعدل عليا والاسهم كده كده هتترفع
حاول تمالك اعصابه وقال بهدوء: الاسهم المزوره هي الي بقت بتمشي الشركه ومفيش اي مصداقيه واه صحيح بالنسبه للورق الي باسم واحده ست ده اي يا بابا
توتر الاب وجف حلقه قائلا: ورق اي ده هتلاقيها صفقه من الصفقات او حاجه
رفع حاجبه الايسر قائلاً بسخريه: وهي الصفقه برضو هيبقا فيها شهود وماذون وورق عرفي محطوط فالخزنه دي صفقة اي دي
وفي اقل من دقيقه صفعه الاب على وجهه وسدد له العديد من اللكمات في وجهه وارتمى مالك ارضا وكان الاب مازال يسدد له اللكمات فصرخ بصوت مرتفع حتى يستغيث لكنه سمع صوت انثوي يأتي من الاعلى ولكن لحظه هذا الصوت ليس صوت والدته
: ايدا في اي بيحصل هنا
مالك بتعب من ضرب والده له موجهاً نظره بغضب لوالده: هي دي الصفقه الي بتضربني عشانها وبتزعقلي طب كنت خليها برا البيت مش فالمكان الي فيه مراتك وابنك عشان كده مردتش عليا اول ماجيت انت اب انت
