الڤوت ياحلوينن❤❤
بسم الله الرحمن الرحيم
الفصل الثاني عشر(حكايتي)
خديجه بحماس: ها يلا احكيلي بقا كل حاجه
قصت لها ريناد قائله: بصي يستي هو فعلا زي ماقولتلك باباه صاحب بابا جدا ومن واحنا صغيرين كان بيجي مع باباه دايما يقعدو مع بابا واحنا ساعات بنروح عندهم وبنلعب سوا انا وهو واخواتنا يعني وهو اكبر مني باربع سنين اصلا ف كان يعتبر اخونا الكبير وبس فضلنا بقا كده لحد مابقيناش بنروحلهم ولا بيجولنا شبه علاقتهم اتقطعت بينا
قاطعتها خديجه قائله بمرح: هنكنسل حوار اخوكي ده دلوقتي ها كملي اي الي حصل بعد كده
ضحكت ريناد واكملت حديثها: مفيش انا وهو اتشغلنا بدراستنا كنت انا لسه فتانيه اعدادي وهو تالته ثانوي لحد ما لقيتو عاملي آد عالفيس وعرفت انه نجح ودخل الجامعه وبعدها بكام يوم دخل بعتلي وقالي عامله اي فدراستي وان انا فكراه ولا لا وبعد كده اختفيت سنه كامله بتاعة تالته اعدادي ومكنتش اعرف عنه اي حاجه اختفيت من غير ماقول
خديجه بحماس طفولي: اللهههه وبعدينن اما ظهرتي اي الي حصل شوقتيني
ريناد: اما انا ظهرت كان هو خلص اولى جامعه وكان لسه عندي عالاكونت وباعتلي مسدجات كتير بس انا مكنتش بفتح عشان الفون كان اغلب الوقت مع ماما ومباخدهوش غير فالدروس المهمه ف قولت بلاش ارد عليه عشان بقالها كتير المسدجات فهيبقا شكلي وحشش اوي
خديجه بضحك: فيمينست يبت من يومك ماكنتي رديتي عالواد دانتي بارده
واكملت: ها وبعدينننن
ريناد: عدى شهر بعد مانا بقيت بفتح واكتيڤ عالسوشيال ميديا وخصوصا كنت بفتح فيسبوك كتير ونسيت الحوار وقولت هو اكيد هيعرف لوحده ويبعتلي وساعتها هقولو انا كنت قافله ليه بس جه فيوم باباه كلم بابا وعزمو ع خطوبة ابنه
خديجه بصدمه: اوففف يعني هو دلوقتي خاطبب ينهااري
ريناد: مهو ده الي انا فكرته لان باباه موضحش انهي ابن فيهم ف انا بديهي اتدايقت مكنتش عارفه لي بس حسيت اني متدايقه من الموضوع و مش عايزاه يكمل
خديجه بتساؤل: طب وبعدين روحتي الخطوبه ولا لا؟
ريناد: كنت ممانعه وقولتلهم لا وروحو انتو انا هقعد هنا او هنزل مع صحابي بس مليش خُلق اروح الخطوبه
