❌ممنوع نقل دون اذن❌
♨️بنت الكبران♨️
بقلم: ياسو ...
#الحلقة 1:
«أسميتها عفيفة طاهرة»
"جامي تخليت نتقرب من ربي في هاد لوقت بذات طول عمري وانا نصلي صلاة_ مؤقتة_ هدي لي متتسماش اصلن صلاة وعقابها وخيم اكثر من الانسان لي ميصليش
لقيت روحي في عامي او سنتي المهمة متقربة لربي سبحانو ومغلطش لي قال طالب بكالوريا يتقرب بزاف من ربي في هذاك العام
ماشي بضرورة يكون طالب باكالوريا
فقط انو سر نجاح فيه او سر نجاح في حياتنا وحياة اي انسان هو تقرب من ربي سبحانو لانو صح صح راح تنور حياتك وهذا لي راني عايشاتو دوك
لقيت روحي نحوس على طريقة صحيحة لصلاة ونحوس صلاتي تكوني صحيحة وكنت في بزاف صوالح غالطة
والحمد الله صحتتهم
بلاخص دوك ورانا في شهر رمضان حاسة روحي انسانة اخرى على شخصتي القديمة
القرآن نقراه وحتى صلاتي وليت نحس بذنب اذا مصليتهاش قبل مكنتش نحس بذنب وين ندعي كيما دوك"" ياربي غفرلي كي مانيش نصلي صلاتي وقتها"
حقيقة رائعة انو صلاة او عبادة ربي تنورلك طريقة وجهك حياتك كلشي فيك او يخصك يتنور وهذا لي عرفتو ولي صرالي
مالڨري مزال مكملت أو مزال مبديت قريتي وبقالي شهرين فقط
الا اني حاسة براحة وخوف قليل مرة مرة يزورني
»»»»»🎥🎥🎥
فقت مع روحي على صوت خويا لي عيطلي رحت ليه
فؤاد: اهيه كيفاش
رحـمـة: وشنو كيفاش!
فؤاد: ماشي قلتي راح تروحي تشري حوايج لعيد ولي راح تجوزي بيهم لباك نو ؟!
رحـمـة : اييييه نسيت كامل مزية فكرتني ...غدوة نروحو ملا؟!
فؤاد: لا كتب ربي نقول برك لاحلام باش هي تان توجد روحها تجي معاك باش تشري هي تان حوايج
ترسمت ابتسامة خفيفة على ملامح وجهها الجميلة: اوكي براحتك هيا انا نروح نحل شوية تمارين
فؤاد: ربي ينجحك نشاله
رحـمـة: اللهم امين اجمعين
طول حياتي وناس لي نعرفهم مشاركتهم حتى اشيائي الخاصة ومشاركتها مكاش انسان معين في حياتي شخصية مش مشارك
وهذا اكثر شي يزعجني نفسيا وفي حياتي
هذا خويا واحلام مرتو
احلام منقدرش نقول عليها شخص عيان ولا هي نظريا انسانة هايلة تتعاشر ولكن فيها عيوب تغطي على صوالح الباهين فيه
انها ياسر فضولية واي شي شافتو علينا توصلو ليه حتى وتكون عفسة صغيرة
ولي يقهرني انو خويا يأمن صح مرات يوقف معانا مي الاكثرية يوقف معاها
احلام مرتو وفي نفس الوقت تكون بنت عمتنا تزوجو زواج عن حب
بعد وفاة بابا نقدر نقول هو لي تولى مسؤليتنا
انا وخاوتي الباقين
يقدر يكون فؤاد الاب ثاني من ناحية تربية
ولكن من ناحية سند او الصدر الحنون ولي وقت ضيق تلجأي ليه لا منظنش هذا بانسبة ليا بلنسبة للباقي منعرف
ليا شخصيا اكثر حد نرتاحلو هو خويا اسحاق ونعم الاخ هو وخطيبتو ''نور الهدى''
البنت هدي نعمة الاخلاق من كل نواحي مشاء الله وبسبب كلامها حببتي في صلاتي اكثر واكثر هي انسانة جد نصوحة
اما على امي
هي شخصية نوعا ما معقدة يعني نقدر نقول مع الايام تتعرفو عليها!!!!
أنت تقرأ
♨️بــنــت الــكــبــران♨️
Romance_____ 🎥🎥 القصة بعنوان: " بــنـت الــكـبــران" قالت: "لم أكن اعرف بقيمة الوطن حتى تزوجت مدافع عنه" قال: " ومن الوهلة الاولى أسميتها عفيفة طاهرة" القصة تتضمن كل من #عنف..مشاهد بوليسية...منظمات ..مافيا...قتل...غيرة..تملك..عشق.. .. مراحش نحكي عليه...
