♨️بــنــت الــكــبــران♨️

حلقات 51/52/53/54/55

♨️بنت الكبران ♨️

*لايهم من يبدأ فلأخير هو من ينتصر *

-الفصل الثاني -:

°أنـثـى سـبـب هـيـجـانـي🔥…

حلقة51

أما عن بطلنا

مـعـتـز شـيـت
بعد قضية هشام كانو طلعوه في رتبة ولي كانت شنقريحة رتبة لي كان يحلم بيها من صغر وحاول وحاول حتى وصل ليها
مداهمات والعمليات مولاش يروح ليهم يروح غير اذا كانت العملية كبيرة
ولا دور تاعو اهم بكثير يزيد الامن على البلد ويشوفو واش لازم يبدلو وواش لا
كانت حياتو عبارة عن اجتماعات وقضايا يحلها ويبعثها للأصغر منو في رتب وشكون لي لازم يعتقل ولي لا
وهكا كانت حياتو العملية
اما عن الحياة الشخصية فلا جديد يذكر عليها مزالت كأنها صحراء قاحلة وجافة قطرة ما فيها وولات علاقتو مع نساء تمام معدومة
من غير عائلتو طبعا

.....

محبوبتنا رحـمـة
مراحش نقول حياتها ولات عبارة عن وردة وقصور وكدا
من غير انو حياتها تحسنة للأفضل من يوم خرجت نتائج البكالوريا
رغم انو ولا حد فرح معاها الا انو كانت فرحة كبيييرة ليها

#فلاشباك

كان اليوم المنتظر وين تشوف ثمرة تعبها عام كامل وهي تتعب وتجبد رغم مشاكل لي كانو في دارهم الا انو حاربت وكملت تقرا باش توصل

قاعدة في بيتها معاها غير اسر وبنت خالتها بيسان وخالتها
وكامل بين يديهم تليفون يجربو باش تخرج نتيجة

تليفون بين يديها لي يرجفو وهي رامية روحها فوق سرير فاشلة  تستنى وقتاه  تخرجلها حتى تفكرت رمز
دخلت كتبت *567#
وتستنى حتى خرجت نتيجتها لي غير شافتها نزلت راكعة تبكي وتعيط وبين شفافها غير الحمد الله الحمد الله

رفدت بيسان تليفون تشوف شحال حتى هي بنفسها تصدمت منها
كانت ناجحة بمعدل17.89

كانت نتيجة خيالية ولحد الان ولا حد العائلة وصللها
كانت فرحتها كبيرة خالتها غير شافت نتيجة ناضت تزغرت
وبيسان تعيط وتزغرت

بعث سعاد( خالتها)
آسر وعطاتو دراهم يروح يشري بوق وكلش
كانو تليفونات غير يصونو

رفدت عليه كان حمزة

سعاد: حمزة وليدي اي جابتو

حمزة: قولي والله يما

سعاد: ايييه ياوليدي جابتو17.89

حمزة: هاني جاي في طريق

اما على رحمة دموع في عينيها وهي تشوف في بيسان تزغرت وتخزر حواليها على يماها وخاوتها
0000 صفررر ولا واحد موجود كلهم برا
من غير مرت خوها احلام لي كي سمعت زغارت هبطت تجري من دارها وهي لخر زغرتت وفرحتلها بزاف شخص لي مكانتش متوقعاتو يفرحلها هاهو فرحلها وراهي تعنق فيها وتسلم على راسها
احلام: ياعمري مبروك عليك مبروك والله فرحتلك بزاف بزاف