*لايهم من يبدأ فلاخير هو من ينتصر*
-الفصل الثاني-
: أنـثـى سـبـب هيجاني🔥
#الحلقة56
راحو جرا بيها طول الكلينيك لانو عمبالو سبيطار في جزاير ماشي سبيطار كااامل …
حالتها تقريبا كانت لا تبشر بلخير
نبضها مزال ضعيف على قولت بيسان
يديها ولاو اكثر برودة ونفسها بلكااااد يتسمع
حتى وصلو للكلينيك وهبط بلخف رفدها بين يديها ويعيط
حمزة : اجروليييي
جا ليه واحد لفرملي…
فرملي : واش صرالها وواش حالتها حاليا
نطقت بيسان بلخف
بيسان : نبض ضعيف تنفسها ضعيف ... كانت لاباس بيها حتى لقيناها داخت
شاف فيهم بنوع من استغراب
فرملي : ليوم باك متكونش شربة عفسة ؟!
حمزة بحدة: لباك جابتو ومعندو مدخلو واش راك تستنى هياااااا
تنفض الفرملي من عياطو
وراح يجري يعيط للباقي وجابو نقالة حطوها فيها بلخف لقسم الاستعجلات
تغلق الباب في وجههم مخليهم حايرين ماشي عارفين كااامل واش يديرو
اما لداخل الغرفة
كانو قطعولها تريكوها مبلاصين في صدرها (منعرفش اسمهم)
بلاصاو بزاف خيوط كاين لي تقيس نبضاات القلب وغيرها
حطولها ماسك باش تتنفس تم وين تعدل مؤشر الحيوي تاعها
وبدات حالتها بشوي بشوي تتحسن
حطولها سيروم
وخرجو مخلينيها راقدة وماشي جايبة خبر لدنيا
حمزة لي غير شافهم خارجين قرب ليهم يجري
شاف فيه طبيب بحزم
طبيب : وشنو هذا الاستهتار مريضة باينة من صغر عندها ضيقة ومعندهاش رابوز تاعها ومعمبالكمش واش بيها ؟!!!
حمزة بتفاجئ وهو يشوف في بيسان لي حتى هي تصدمة
حمزة: كيفاش ضيقة ؟!
طبيب: باين صرات معاها عفسة بالك صدمتها ولا منعرف تخلعت حتى هكا مقدرتش تتنفس مهم دوك نكتبلكم لاغدونونس
وتشرو معاها رابوز تولي كلما تحس ماهيش قادرة تتنفس ديرو ومن حالة ختك ضيقة تجيها غير وقت تتخلع ولا تخاف سما ماشي بسبت حساسية ولا
حمزة: تمام شكرا دكتور
راح وخلاهم في حين هوما بلخف دخلو ليها وكل واحد قعد من جهة شاد ايدها
شافت فيها بيسان بحزن
ونطقت
بيسان: شفت كون خلينيها معانا ومن صغرها كون تعرف واش راح نقولولها
مسح على راس رحمة ببسمة خفيييفة بلكاد تبان
حمزة : مراحش تعرف يكفي مخاطر لي طاحت فيهم في صغرها
أنت تقرأ
♨️بــنــت الــكــبــران♨️
Romance_____ 🎥🎥 القصة بعنوان: " بــنـت الــكـبــران" قالت: "لم أكن اعرف بقيمة الوطن حتى تزوجت مدافع عنه" قال: " ومن الوهلة الاولى أسميتها عفيفة طاهرة" القصة تتضمن كل من #عنف..مشاهد بوليسية...منظمات ..مافيا...قتل...غيرة..تملك..عشق.. .. مراحش نحكي عليه...
