_____
🎥🎥
القصة بعنوان: " بــنـت الــكـبــران"
قالت:
"لم أكن اعرف بقيمة الوطن حتى تزوجت مدافع عنه"
قال:
" ومن الوهلة الاولى أسميتها عفيفة طاهرة"
القصة تتضمن كل من
#عنف..مشاهد بوليسية...منظمات ..مافيا...قتل...غيرة..تملك..عشق.. ..
مراحش نحكي عليه...
غير وصل لكولونال سيارة لي قبل ولي امامو صوناو مرة وحدة مبعد خلاص كأنو اعلان عن وصولو
حبسو عندهم بمجرد خروجو حاوطوه الجنود مع حراسو الشخصين ملتفين عليه من لحظة غدر او اي شئ متوقع
من ملامحو يعرفوه بلي مصبر روحو برك عينيه حمورة منفوخين ماشي ساهلة تسمع بناتك لزوج ماتو من نفس النهار ونكون غير موتة عادية وماشي مقتولين بطريقة بشعة بعد مرور 5 دقائق بلضبط وشافو لوضع مأمن نوعا ما
هبط من بلاصتو رايح لعندو
شافو كيفاش محني عليهم ودموع طاحين عليه عمبالو ماشي ساهلة عليه مي حاليا مراهمش في وقت وين يبينو العاطفة تاعهم ولا يهبطو دموعهم دك لازم يكشرو على نيابهم ويظهرو قوتهم اذا هو طيح دموع وطاح لي بعدو ولي قبلو واش يصرا فيهم هبط لعندو وحط يدو على كتفو ناطق بصوت بارد ومحاول نوعا ما يتعاطف معاه في هاد الموقف
...: عظم الله اجركم هشام مي عمبالك ماشي وقت العاطفة ودراما فيق مع روحك لازم تلقى لي قتل بناتك هيا عندك خمس دقايق راني نستنى فيك
بعد عليه وبعدو عليه حتى لجنود لخرين مخلين ليه مساحة وين يشوف بناتو لآخر مرة
لولة مذبو/حة لا شاف فيها يشوف رقبتها وثانية لا شاف فيها يشوف وجهها مشرط مخلاولوش حتى فرصة وين يتفكروهم في بالو وكأخر لقطة معاهم وهوما بهاذ المنظر شد يد كل وحدة فيهم بايسها يصبر في روحو
هشام : حقكم راح يرجع مراحش نخلي موتكم ساهلة دمكم مراحش يروح هكاك ربي يرحمكم يابناتي وربي يصبرني على فراقكم ...ياربي لحياة ومعاشوهاش معايا مليحة زادو ماتو هكا وبسبتمن بسبت باباهم ياربي غفرلي وغفرلهم هذا ما نطلب منك
مسح دموعو بعنف نافض روحو وناض والارادة والقوة باينة من وجهو وملامحو لي تبدلو
هنا تعرف بلي ماشي ساهلة واحد يخدم في الجيش ولا في مرتبة طالعة كلما تطلع كلما زادت المسؤولية كلما زاد الهم وزاد المشاكل تم يولو مشاكل البلاد هوما مشاكلك
#رأيكم
�ممنوع نقل دون إذن �
�بنت الكبران �
�الفصل الاول :
«لـيـس كـل ما يـلـمـع ذهـب»
بقلمي : Yasmine saoudi #ياسو�
#الحلقة 10
خزر في الجندي لي جا لعندو
هشام: واش عرفتو معلومات لحد ساعة
جندي: حضرتك لحد ساعة مزال معرفنا تقريبا بزاف معلومات لولة عرفنا بلي بناتك وعطينالك باقي قضية مزال غامضة
همهم بسكات وديركت توجه لعندو
هشام: واش رايك
..: كاين إن في الموضوع ..حاس كاين حلقة مفقودة مزال معرفت وشنوها
هشام: واش لقيتو كامل ؟!
...: موس هنا مافيه ولا قطرة دم ولهيك موس بلدم
هشام : ميكونش لهيك دارو الجريمة وهنا حطوهم لانو على حساب واش قالولي النفق بعيد على هذا امكان
صباح جديد ونهار جديد وتعب جديد عليها اليوم قررت مدير والوا ومتمس والوا وباش طبق هذا شي غلقت لباب على روحها وكملت رقادها وخلاتهم من لي ناضت على 8 تاع صبح ورجعت رقدت ناضت حتى ل2 سمعت طبطيب في لباب ويماها تعيط
سميرة: خرجي مزالك خامرة كي شكارة متشبعيش من رقاد على بيها وليتي منفخة هكاك .... جازت مدة وزادت عاودت رجعت سميرة: وكون ماتنوضيش ..نوضي زربي باش تبداي شغل وتطيبي لفطور
