❌ممنوع نقل دون إذن❌
♨️بنت الكبران ♨️
«أسميتها عفيفة طاهرة »
بقلمي: ياسو
#حلقة5 ✨
ظلام وليل وسط الغابة صوت طنوبيلات تاع لابلويس صوت لونبيلونص
مكسر ذاك الهدوء وسكينة لي كانو مخيمين على الغابة
في وسط هذا الضجيج
تسمعت كان صوت مطورات داخلين للغابة كحولة كبار وراهم طنوبيلات عاليين نوع كاط كاط
حبسو قدام شريط الاصفر هبطو من موطورات منحيش الكاسك على وجوهم وتبان ملامح شباب جد جد قاسية وصلبة صرامة والجدية قليلة في حقهم
اما من طنوبيلات هبطو 4اشخاص ملثمين مع زوج اشخاص لابسين بدلات عسكرية ومن شارات الكثيرة لي على كتافهم وصدورهم تعرف رتبتهم عالية في الجيش
نحا نواظر من عينيه وشاف فلي ملثمين
واشرلهم بعينيه جهة الغابة
عنين حادة وبراقة لونهم الاخضر عاكس ضلام ليل اليوم ولي باين من ليلتو حيكون اسود
خزر قدامو مبعد هز يدو مطلع زوج صباعتين
اصبع الشهادة مع الوسط للشخص لي معاه ونطق بصوتو لخشين ببحة خطييرة
....: تبعني
ومكان على شخص غير يتبعو بفم ساكت
كانت الحالة مخلطة بزاف
لقاو 3 ج/ثث كل واحد وبلاصتو
ومقابلتهم طفلة في مقتبل العمر مربوطة مع شجرة ومذ/بوحة في رقبتها
ود/م معمر حوايجها!!!!
وفتاة اخرا يديها مربوطين مع لخر تاع طنوبيل ولحبل طويييل
كانت هي لولة لي قرب ليها
وغير دورها
كانت صدمة جسمها من الامام كلو زجاج مش قطع صغيرة لا
قطع كبيرة لدرجة لحم دخلاني باين
اما على وجهها حكاية اخرا كلو مشلط
وقف وبقى يخزر بلا مايتحركلو رمش واحد
...:gants
عطاوهملو يجرو
لبسهم بخفة
وعاود طابس لطفلة هديك
....: scalpel (مشر/ط)
شدو
وشد يدها تان دخل لمش /رط.. هداك بين ظفر ولحم
ودا عينة من د/م لي كان وسطهم
#تتمة :
زاد حللها فمها ونحاولها عينة منو لي يقدرو من تم يعرفوها شكون
وزادو د/مها
عاود ناض ودارو نفس شي مع لبنت ثانية
خلاو كلش ف مكانو
من ناحية لبنات
قرب ناحية رجال هدوك
لقى واحد فيهم شاد مسدس
وبين زوج لخرين بيناتهم سك/ين
والثالث فيهم سروالو مفتوح وكاين احتمال واحد انو على وشك اغتص /اب وحدة فيهم ولا ديجا داروها
سبب الوفاة تاعهم مش من شوفة يقدر يعرف لذالك بدل خرزتو
قرب للوسطاني وبدا يقلب فيه
اول شي جاب مقص قطعلو حوايجو كااامل وهنا كانت صدمة جيهة القلب فما خط متوسط طول يادوب يبان
وماشي مجرد اي خط
باين صاحب العملية طبيب جد جد ماهر
مس يديه لقاهم باردين ڨلاص كأنو كان داخل ثلاجة وحتى لو يكون شخص مي/ت مش لهدي درجة تكون برودة جسمو
خزر مليح في ذاك لمو/س لي بيناتهم مافيه ولا قطرة د/م غير معقول ملا شكون لي دار في لبنت لي في طنوبيل هكاك !!!!! وشكون لي ذب/ح الاخرى
أنت تقرأ
♨️بــنــت الــكــبــران♨️
Romansa_____ 🎥🎥 القصة بعنوان: " بــنـت الــكـبــران" قالت: "لم أكن اعرف بقيمة الوطن حتى تزوجت مدافع عنه" قال: " ومن الوهلة الاولى أسميتها عفيفة طاهرة" القصة تتضمن كل من #عنف..مشاهد بوليسية...منظمات ..مافيا...قتل...غيرة..تملك..عشق.. .. مراحش نحكي عليه...
