عند عبدالله|
عبدالله: خلص ابشر بشوفلك يلا مع السلامه
سكر عبدالله وبدا يشتغل ب القضايا الي عنده
فز عبدالله على صوت فتح الباب القوي دخل عمه مشعل
عبدالله: الله يهديك ياعم روعتني
العم مشعل بصراخ: صحيح الي سمعتتتت
عقد حاجبه عبدالله: وش الي سمعته ياعم
العم مشعل بصراخ: انك تمسك قضايا
عبدالله وهو مستغرب: طيب وين المشكله رزقتي
العم مشعل:انتتت محامي هالشركه بس تسمع
عبدالله وهو يحاول يهدي نفسه اخذ نفس: مو على كيفك تحدد انا ايش اسوي انا رجال واعرف شغلي
العم عبدالله: تراك تشتغل عندي يعني ب اي لحظة اشلعك تسمع والان قلي بتوقف قضايا ولا لا
عبدالله بعناد: لا والف لا ماني موقفه واذا تبي تذلني على شركتك ف انا من اليوم ورايح ماعاد ابيها
العم مشعل: هاذا الي انا ابيها لانك منت بكفو هالمكتب والحين تقلع براا
عبدالله: تراني محترمك على كبر سنه وعشان ابوي ولا ماني قصير لسان
مشى عنه وطلع برا الشركه
بغرفة مطلق|
خلود: وين تبي تروح على كل هالكشخه
مطلق ب استهبال: بروح اخطب
خلود بعصبيه: تقولهاا قدامي بعدد
ظحك مطلق: صدقتي بروح عند واحد من خوياي عنده عشا
خلود:طيب اسمع ابيك توديني بيت اهلي
مطلق:ليه
خلود: مطلق تحقيق هي اهلي يعني ليه اروح لهم
جلس مطلق على السرير وبدا يطقطق بجواله: طيب بس اعجلي
خلود: تمام
بعد دقائق رفع راسه مطلق عن الجوال وشاف خلود جالسه على الكرسي وتحط ميكب خفيف وهي تناظر شكلها وملامحها الناعمه ناظرت بمطلق شافته يناظر فيها خلود بداخلها(لذي الدرجه انا طالعه حلوه عشان يتأملني وبعدين ليه ما اطلع حلوه بسم الله علي نسخت اميمتي)
اما مطلق ماكان يمها ابداً وهو سرحان يفكر(يليل الحين بشوف خشة ابو نور ابوي بيفضحني بشوف بتصل على يزن بشوف اذا يجني ماني برايح )
رفع جواله وهو يتصل على يزن
مطلق: السلام
يزن: ياهلا ويامرحبا وعليكم السلام
مطلق: هلافيك ياحبيبي اخبارك
يزن: الحمدلله شحالك
مطلق: الحمدلله بخير الا بنشدك
يزن: سم
مطلق: سم الله عدوك بس ابو نور يجي؟
يزن: اي
مطلق: اجل اعذرني ياحبيبي والله مانيب جاي
يزن: افااا ليه
مطلق: يارجال ابوي حالف علي المكان الي ادري انه فيه ما اطبه لانه داري اني بذبحه ولا ودي اكسر كلمة ابوي لو انه مايدري
يزن: وش العلم
مطلق: مشكله ماعليك انت والله ودي اجي واحط جزمتي بعينه بس ابوي حلف لو اعرف المكان الي هو فيه انه لايغضب علي لو انه مايدري ومابي ابوي يغضب علي عشان واحد رخيص زيه اعذرني
يزن: معليك وانا اخوك معذور لو ادري من زمان كان ماعزمته
مطلق: حصل خير سير عاد نبي نشوفك
يزن: ابشر ابشر انشاء الله
مطلق:يلا مع السلامه اخليك مع ضيوفك
يزن: مع السلامه
خلود:مطلق خلصت
مطلق: يلا
وصل خلود لاهلها وراح البيت بدل واتجه للسطبل حقهم
عند البنات ببيت ابو خالد|
جود:لين يابقره كم مرااا اعلمك اوجدي قيمةx تعبت والله تعبت وانا اشرح ارحميني
لين: ياخي شسوي اكره شي اسمه رياضيات عجست افهم
جود: يلا ماعليه نعيدددد ركزي لا كف
دخلت عليهم ريم ب القهوه والحلا
ريم: حي الله ليونه اشوف البيت منور
لين: يعمري انتي الله يحييك منور بوجودك ( ناظرت بجود بطرف عين)
جود: خيرر على طول سحبتي يلا اذلفي خلي ريم تعلمك
ريم بظحكه: خربت علاقتكم وبطلع هههه
لين: جوجو خلاص اسفه اسمعي خلي الزفت ذا من يدك وخلينا نشوف فلم شرايك
جود :قدام
وبدو البنات يتابعون فلم رعب وطبعاً راح كله صراخ
جود: لينوه والله توبه نحط فلم على ذوقك شذا يخوفف
لين: اصلاً انا توبه اتابع افلام بتصل على ابوي يجيني
جود: خيررر تخليني ماني خليك لين يجي عبدالله
لين: خبله انتي يعني اذا جا عبدالله وش بيصير تستهبلين
جود بضحكة خوف: مدري بس احس ب الامانه اذا هو موجود لو انه بغرفته
لين: احسد عبدالله على غلاك له
جود:عبدالله اخخ وش اقول وش اخلي وربي انه من روحي عندي خواني بكفه وعبدالله بكفه
لين: الله يخليكم سند لبعض يلا ابوي جا باي
جود: باي
