العصر ببيت ابو خالد|بغرفة مطلق|
مطلق :انتي ماتفهمين يابنت الحلال كله اعتذار
خلود بصراخ:والله ما اعذر
مطلق بنرفزه وصارخ: والله لتعتذرين ب الطيب ولا ب الغصب
خلود: بس انا ماغلطتت عشان اعتذر ليه مو مصدقيني
مطلق: خلاص قفليي على الموضوع تعتذرين طرق وهاذا عمي جا
خلود: يعني يرضيك تهيني قدامه
مطلق: ياربي الحين الاعتذار صار اهانه
خلود:اي
مطلق بعصبيه: اقول عاد اتركي الهرج الفاضي ويلا قدامي انا عطيت ابوي كلمه خلصنا عاد
خافت من عصبيته وعروقه الي واضحه من قوة العصبيه خلود بصوت باكي: طيب
تنهد مطلق: يلا الحين غسلي وجهتس والحقيني
ماردت خلود وراحت تغسل وجها وهي تسب وتلعن ب عبدالله ولين نزل مطلق تحت عندهم
ب الصاله|
ابو ماجد: عسى ماشر محمد (ابو خالد)ليش جامعنا
ابو خالد:ماشر بس امس خلود الله يصلحها غلطت بحق لين و عبدالله والحين بتتأسف منهم
ابو ماجد بشك: وش السبب
ابو خالد: يابن الحلال ماتعرف هواش الحريم
ابو ماجد: طيب وش دخل عبدالله ب الموضوع
ابو خالد وهو شبه تنرفز من الاسأله: بينهم هوشه قديمه ف قلت تتأسف لهم مرا وحده
ارتاح ابو ماجد: زين
جات جود وهي مبسوطه بجيت عمها لانها مرا تغليه من غلاها لبنته
جود: ياهلا اشوف البيت منور
ابتسم ابو ماجد بحب لبنت اخوه: ياهلا فيك ياروح عمك البيت انتي فيه شلون ماينور
ابتسمت وهي تحضن عمها وتبوس راسه: اكيد هاذي مافيها شك بس نور زياده بجيتك
ظحك ابو ماجد: اكيد
حسين: الثقه الي موب محلها
شمقت له جود: محد كلمك
ظحكو كلهم على تسديدت جود ووجه حسين الي يقلب الوان من الاحراج
حسين وهو يحك حاجبه: والله طيرت جبهتي
دخلت خلود وهم يظحكون وجلست جمب مطلق
لف عليها مطلق لما اشر له ابو يقول لزوجته تعتذر وهو يهمس:يلا اعتذري الحين
خلود بروقان:من عيوني "عدلت جلستنا والكل انتبه لها ولف لما قال ابو خالد خلود قولي وش عندك"
خلود:اعتذر من عبدالله ولين يمكن وقتها كنت اتخيل لاني كنت ميته تعب اسفه
عبدالله وهو يسوي حاله مايعرف:على ايش اسفه
ظحكة جود وهي تهمس:ياحرام ماتدري
قرصها عبدالله وظحك
ابو خالد: على السالفه هذيك
فهم عبدالله على ابوه انه مايبغى يتكلم قدام عمه: اهاا
ابو خالد:لين وانا ابوتس قبلتي اعتذارها
ابتسمت لين: اي يعمي معليه حصل خير
خلود بداخلها وهي تناظر ف جود:هه اخر مرا بشوف وجهك ههههه
العشاء ببيت ابو ماجد|
ابو ماجد: احس من زمان عن الاسطبل وش رايكم نروح له بكره
ام ماجد: اي والله نغير جو ملينا من قعدة البيت
ابو ماجد: اجل خلص جهزو اغراضكم من الحين خصوصاً انتي يالين دايم تأخرينا
لين:ابشر معليك
ابو ماجد: الا صدق وش سالفتك مع زوجة مطلق
لين توترت وهي ماتدري عمها ايش قايل له
ام ماجد: هي ماهي بصاحيه مابقى احد ماتهاوشت معاه وتلقاها غارت من لين لانها اجمل واكشخ منها
ابو ماجد: وش معنى لين بنات اخوي بسم الله عليهم وحده ازين من الثانيه
ام ماجد بقرف: ياستار والله كلهن مع حريم خوانهن وامهم مايجون ربع ليونه
ظحكة لين: يعني هو صحيح مافيه احد مثلي بس بعد والله جميلات
ابو ماجد: حفيدات صقر كلهم حلا
