ام سالم قامت: زين
توجهت لسعود الي كان يسولف مع ابو سالم جت وسلمت عليه:اخبارك ياوجه السعد
ابتسم سعود من لقبها الي ماتناديه الا به: والله بخير جعلش بخير
ام سالم: حياك القهوه جاهزه
سعود:والله ياخاله عندي شغل مرا ثانيه
ابو سالم: لا والله ماتروح الا تقهوى وتعشى بعد
سعود:ياخال ليش تحلف الله يهديك
ابو سالم: عاد حلفت وقضينا
ابتسم سعود: ابشر
مشى ابو سالم: يلا حياك
مشى وراه سعود: الله يبقيك
توجهو للمجلس الي كانت فيه القهوه دخلو وجلسو اخذتهم السواليف وام سالم تروح وترجع عشان العشى تجهزه
سعود: الا ياخال
ابو سالم: اسلم
سعود: منهي البنت الي شفتها اليوم
ابو سالم: اييهه ياسعود هاذي سالمك الله-وبدا يسرد له الي صار معهم-
وبس هاذي كل شي
سعود: شلون مو راضيه تتكلم
ابو سالم: والله مارضت وماحبينا نضغط عليها واضح عليها مسيكينه
سعود: يعني لمتى ماتبي تتكلم وانتو مخلينها عندكم وماتدرون وش وراها
ابو سالم: والله مدري لاكن واضح انها معنفه او داخله بصدمه مع الوقت بتهدا وتقول سالفتها
سعود: كيف عرفت انها معنفه
ابو سالم: لان يوم جتنا جلست ام سالم تداوي جروحها وشافت فيه اثر عمليه واضح جديده توها مسويتها وبعد كدمات
سعود: عملية ايش مافتحت الجرح؟
ابو سالم: الا فتحته اثر طعنات عشان كذا حنا ساكتين عنها لين تهدا شوي
وسع عيونه سعود بصدمه: اثر طعنات؟!!!
تنهد ابو سالم: ايه ايه اثر طعنات مو طعنه وحده
سعود: لازم تعرفون سالفتها اليوم قبل بكره
ابو سالم: ان شاء الله ياولدي تتكلم ولا ب الغصب لا والله ماني غاصبها
سعود: بس ياخال
قاطعه ابو سالم: ياسعود انا عندي احساس بتتكلم ان شاء الله بس مانبي نضغط عليها فوق همها هم
هز راسه سعود ب الاجابيه: الي يريحكم واذا تبون مساعده انا ب الخدمه
ابو سالم: ماتقصر ياوجه السعد
ابتسم سعود وكمل قهوته
________
عند جود
جات جلست عندها ونطقت ام سالم: جود
جود: هلا
ام سالم: اسمعي يامي ترا بكره بناخذك معنا ل...
ماكملت كلامها قاطعتها جود: لا لا مابي مابي اروح تكفون خلوني بيذبحووونييي
خافت ام سالم من كلامها ونطقت بحنيه:اهدي ياروحي ماحد بيجيك وانتي معنا وبعدين انا كنت بقولك ناخذ السوق نشتري لك كم قطعه لان جلابياتي كبار عليك ماينفعون
نطقت جود بخوف: تكفين مابي اروح انتي اختاري لي
ام سالم: ليه طيب محد بيجيك انتي معنا بتروحين معنا وتختارين لنفسك
جود ببكي: مابي مابي تكفين والله بيذبحني ابوي والله لو شافني
ام سالم حست انو هاذي فرصتها تسحب منها كلام: ليه وش مسويه انتي
جود نطقت وهي منهاره وخلاص ماتقدر تكتم اكثر من كذا: والله ظلموني انا بريئة ماسويت ولا شي بس هم يكرهونييي
ام سالم: منهم وش مسوين طيب
بدت تسرد لها جود كل قصتها ب التفصيل لين حصلوها عندهم ب المحطه
واخر كلامها: والله اني مظلومه حلفت وبكيت وترجيت بس محد سامع لي حتى اخوي الي كان لي اب واخ وصديق وعوضني عن حنان ابوي وقف ضدي وصار يشتمني ويضربني محد راضي يصدق و اليوم الي كان المفروض يكون اسعد يوم لي طعنت نفسي فيه لاني مو قادره اتحمل الوجع والله همي جبال ماتحمله والله(رفعت عيونها لام سالم حصلتها تبكي،مسكت يدها ونطقت:انتي مصدقتني صح؟
سكتت ام سالم تطالع فيها ،شالت يدها جود بحزن ونطقت: اصلاً اهلي ماصدقوني بتصدقيني انتي
قامت ام سالم بدون ماتنطق ب اي كلمة طلعت برا الغرفه وتركت وراها جود منهاره وتفكر الحين مايصدقونها ويطردونها وين تروح كيف بتتصرف
عارفه البارت مرا قصير لاكن ماحبيت اقطع اكثر من كذا🤍
وان شاء الله بنعوض ب الجاي افضل
وقول لنا ايش تتوقعون يصير بجود🙃
