بعد ماخلصو البنات وقعدو ينتظرون اخوانهم ماهي الا شويات ودخلو
ريم: دقيقه لا تروحون ببخركم
خالد ببتسامه واخذ المبخره يتبخر ويعطي خوانه البقيه
جود: ياجعلني ماخلا منكم يزينكم هيبه طالعين على اختكم
حسين: الثقه الي الله يحرمنا منها
ضربته جود بخفه وهي تظحك واخذت المبخره قربت من مطلق تبخره وهي خايفه يكش بوجها ويكون للحين زعلان عشان زوجته قربت ببتسامه بس ابداً مطلق ماردها ب العكس كان مبسوط وتبخر:ياجعل يدينك ماتمسها النار جودي ابتسمت جود وهي بداخلها فراشات عشان اخوها مو زعلان عليها
عبدالله بغيره: خير جود تبخرينه وتسحبين علي ماش
جود وهي تظحك: ماعاش من يسحب عليك بس دقيقه بجدد البخور واجيبه
عبدالله وهو يتصنع الزعل:ماش ابي حنو هي الي تبخرني
جود وهي تقلده:رح لحنو تبخرك
ضحكو الكل
ب الزواج عند الحريم|
لين وهي تتصل على جود ردت جود لين: جود ياخي وينكم بلشه ماعرف احد هناك ماني داخله لين تجين
ظحكة جود: فيك رهاب اجتماعي
لين بعصبيه: جود بلا استهبال وينكم الحين
جود: هاذا حنا بننزل الحين
تنهدت لين براحه:زين يلا باي
جود: باي ياخوافه
لين: دزي بس
دخلو بنات ابو خالد وزوجات عياله الصاله واستقبلتهم لين وهي فرحانه فيه احد تعرفه
لين: اشوا انكم جيتو
جود: اسمعي وين دوراة المياه بعدل ميكبي
لين :تعالي معي
جو بيمشون بس نادتهم حنين
حنين: هيه لاتحسبون علي بجي معكم
جود : لفت على امها يما امانه لاتروحين وتسحبين علينا نبي ندخل معاك
ام خالد: طيب معكم خمس دقايق ولا بسحب عليكم
ردو البنات: طيب
فعلاً ماطولو ورجعو لا امهم شافوها تمشي بتسحب عليهم
جود: شفتو قايله لكم ماهي ام خالد اذا ماسحبت
حنين وهي تظحك:بموتت بنات اشوا اننا لحقنا عليها ولا سحبت
ظحكو كلهم:يلا جود حنين بسرعه خل نلحق عليها
راحو البنات ورا امهم وحرفياً كانو اكشخ الحضور واجملهم والكل عيونه عليهم وعلى طلتهم
جات حرمه عند ام خالد والبنات وراها: مشاء الله يا ام خالد حفيدات صقر اكلو الجو على الحضور(صقر هو جدهم ابو ام خالد و ابو ماجد)
ابتسم ام خالد وهي تشوف بناتها ولين وسديم وزوجات عيالها قالت بمزحه وهي تظحك: اكيد حبيبتي هذولي حفيدات صقر مو حي الله
ظحكت الحرمه:ونعم والله
ومشت راحو ام خالد والبنات جمب طاولت ام ماجد
ام ماجد ببتسامه مزيفه: حي الله ام خلودي تعالي عندي حبيبتي
ام خالد ببتسامه: الله يحييك يروحي
جلسو البنات وبدا الطق والرقص وبدو يقومون العوايل
جات سديم وقالت حنين: ها حطيتي اسمائنا
سديم بظحكه:بترقصون اربع مرات
انصدمو البنات كيف يرقصون اربع مرات ضربت جود يد سديم:وش مهببه قولي
سديم:ابد كتبت اسمنا واسمكم وحفيدات صقر وام محمد خالد بس
ضربتها ريم بخفه: ليهه طيب
سديم:ياخي شسوي مشتهيه ارقص (شهقت) نسيت اكتب ام فيصل
ريم: خلصنا عاد يكفي حفيدات صقر
سديم: لا لا جدتي نسيتها بروح اكتب
فزت امها(ام ماجد):اقول سديم انثبري مكانك
سديم بزعل من اسلوب امها: ابشري
وقالو اسم عائلة ابو خالد وقعد يرقص معهم نص الحضور
بعدها قالو عائلة ابو ماجد ومارقص معهم من اهل ابو ماجد غير بنات اخته
واخر شي قالو حفيدات صقر والكل قعد يصفق ويرقص معهم حرفياً كانت الانظار كلها عليهم واشكالهم كيف يرقصون بعض و ومع بعض جميله جداً
بطاولة البنات
لين: جود جود
جود وهي تاكل: هاا
لين ناظرتها: ياخي بطلي اكل
جود: بطني ولا بطنك بس والله ورق العنب لذيذ بشكل
لين لفت وهي تناظر الحريم يرقصون:المهم شوفي ام ازرق تقل تهاوش مو ترقص
ظحكت جود وغصت بورق العنب فزت لين وهي منهاره تظحك وتضربها على ظهرها
سديم: لين ياخبله ضربيها زينن البنت بتموت وانتي تظحكين
فزت حنين وهي تساعد جود الي وجها الي صار ازرق وفعلاً ساعدتها
جود وهي تشرب المويه: اشكرك انقذني حياتي يا حياتي
لين وهي للحين تظحك: حياتك بغت تروح بسبت ورقة عنب
انفجرو البنات ظحك
بعدها بنص ساعه فتحو صالات العشاء وبدو يدخلو طبعاً العشاء بوفيه
قامو البنات بيتعشون
جود بصدمه: بناتتت تشوفون الي اشوفه
لين:يمه مفترسات
حنين: وش ذا البجاحه كل وحده معاها صحنين وثلاث صحون والله لو انهم ايش
جود: افف يربي حظي اني جوعانه
لين: انتي دوده ماخليتي شي ما اكلتي منه لذي الدرجه ماتشبعين
جود: وجع لين ترا ماني مشفووحه زيهم
ظحكة لين: واضح واضح
ضربتها جود على كتفها لين: احح عورتيني دفشه
جود: تستاهلين
رجعو البنات طاولتهم وجود ولين يتحلطمون
انتهى البارت🤍
