خلصو العشاء وتجمعو كلهم ماعاد ابو خالد استأذن وراح وبدت السوالف وشبة النار(البنات يتغطون عن العيال لاكن عادي يجلسون مع بعض يسولفون ويظحكون زي الاخوان)
بنسبه انشراح طفشت وهي جالسه لحالها وراحت تجلس معهم
يدور بعيونه على لين لاكن مالقاها نطق ابو ماجد: ليونه وينها
ام ماجد: ضايقه وقالت بتجلس حالها
ابو ماجد: افا من مضايق بنيتي
ام فيصل وهي تطالع ام ماجد بطرف عين : تلقاها ضايقه عشان عشيرتها ماهي هنا
حست بغصه لما جابت امها طاري جود وهي مشتاقه لبنتها وظحكتها اكثرر من اي شخص لاكن مابيدها حيله
لف ابوماجد: اجل يا منيره جود ماتبي تسوي حفلتها مع لين ليه راحت الحين؟
ام خالد مو عارفه ايش تقول كل الي عارفته انها تحاول تمسك دموعها
عبدالله: لا ياخال بتسوي حفلتها عند عمتي
ام ماجد: على الاقل قايله لين عشان ماتنتظرها
عبدالله وهو وده يقوم يصفقها: كل شي صار بسرعه وجوالها خرب
ابو ماجد: معليه حصل خير
ام ماجد: بس على الاقل انتو تعطونا خبر مو تخلونا معلقين كذا
ابوماجد بنرفزه: خلصناااا عاد
استأذن وطلع برا وهو ضايق خاطره بالحيل وده جود تتزوج وتعيش حياتها وماوده يخاف عليها من الرجال وهو اكثر واحد عارف وش كثر هي حساسه ومرات تصرفاتها طايشه، زفر بتعب وجلس على الكرسي بفروته ومتلثم، والجو جداً بارد، لاكن ابداً ماحس بلبرد من النار الي بقلبه
قعد يفكررر ويتذكر كلام جود لما قالت والله فوتوشوب مو انا من وقتها وهو تايهه ومشتت خاف يكون صدق فوتوشوب ويكون ظلم اختك وعمرها ماراح تسامحه وخاف تكون كذابه مو قادر يتحمل اكثر
عبدالله بنفسه: ياربي هي قطعه من روحي وانا الي مربيها كيف تسوي كذا ياربب انا تعبتت من التفكير خلاص ماعاد بي حيل لشي مابي مابييي اتركك اختي عند رجال غريب وهي توها صغيرره وخوافه ياربي انك تساعدنيي، انا لازم اشوف جوالها اكيد بتكون تراسله ممكن تطلع صدق مظلومه
مسح وجهه، واستغفر قام بيتمشى شوي ، شاف شخص جالس ومعطيه ظهره مو باين اذا بنت ولا ولد لانو مغطيه راسها ب فروة ابوها جاهه فضول يحسبه واحد من العيال نسى انو لين هي الوحيده الي برا ، تقدم بشويش اخذ علبة مويا وصب بيده شوي وكبه عيلها ، قامت تصررخ وتسبب ، طلعت نايمه وهي جالسه وهو خرعها
لين بصراخ: ياحيوانننننن
انلخم عبدالله: لي لين والله مادري انه انتي عبالي واحد من العيال ماقصدي
لين: انقلععع بسسس مليتني مويهه غبييي
عبدالله بحده: اوزني كلامك احسلك قلت لك ماقصدي ماتفهمين
مشت: خوش غلطان ويهاوش امش عن وجهي بس
طبعاً هاذا كله صار تحت انظار رائد وسمع كل شي، دخل الخيمه
ابو ماجد: رائد ماشفت لين
رائد بحقد للين عشان الي صار العصر: الا مسويه زعلانه عندكم وهي طاقتها ظحك وسوالف مع عبدالله
ام مالك: وليه انشاء الله مايجون عندنا ليه لحالهم
ام ماجد: وانتي وش دخلك ولد عمتها مثل اخوها
ام مالك بكره: ماندري الله واعلم
ابو ماجد: ام مالك تكلمي زين ازين لك بنتي متربيه احسن تربيه
نطت انشراح: واضح التربيه والدليل اليوم هاوشتني وتنمرت علي عشان بس تلفت نظر عبدالله ويقول واو شخصيتها قويه
ابو ماجد: وش تقولين انتي
انشراح : والله ياخالي هاذا الصدق
ابو ماجد: قومي انقلعييي لاتشوفك عيني "صرخ": قوووووميييي
عند عبدالله|
لين: طيب خلاص سامحتك بس مرا ثانيه لاتسوي مقالبك الخايسه الا تعرف الشخص الي قدامك مو كذا جمدتني وقفت قلبي
ظحك عبدالله: طيب ادخلي برد
لين ب لقافه: وين بتروح
لف عبدالله: للمريخ تروحين معي
لين: لا وين اذا المشتري عادي
ظحك: خلص ابشري نمر ذا وذا ولا يهمك يابنت الخال
ظحكة لين ومشت: معتوووه
دخلت المخيم وماهي الا دقايق ودخل وراها عبدالله، قعدو يسولفون والجده تقول سوالفها قبل لما كانت مراهقه وحياتهم قبل، مر الوقت وصارت الساعه 5الفجر وماحسو ب الوقت، صلو الفجر واقامو الحريم يجهزون الفطور عشان يفطرون ويمشون لبيوتهم،
ماصار اي احداث الا انهم كل واحد رجع بيته
اليوم الثاني| بيت ابو خالد العصر
بعد معاناة اقنع ابوه ياخذ جوال جود
عبدالله: قبل تاخذه ابيه شوي
مطلق: وش تبي به
عبدالله: ابيه بشوف حاجه فيه
مطلق: لا طبعاً الجوال اكيد فيه صور صاحباتها قول ايش تبي به وخلود تشوفه لك
عبدالله: وش ابي بصور صحباتها تستهبل
ابو خالد: خلص انت وياه "لف لعبدالله":وانت قل وش تبي به ومرت اخوك تشوفه لك غيره مافيه
عبدالله: طيب خواتي يشوفونه مو لازم هي
ابو خالد بشبه صراخ: انتتت وش تبييي الحيننن غير خلود محد يشوف الجوال خلصنا صار لها تفهمم
قام ومانطق ب اي حرف
المغرب |ببيت ام مالك
جالسه تقهوى ومروقه ، دخل رائد ب ابتسامه باس راس امه وجلس جمبها
رائد: يمه
ام مالك: هلا يامي
رائد: الحين انتي مو تقولين لي تزوج لانك فقدتي الامل من مالك
ام مالك : اي
رائد: وانا ابي اكمل نص ديني و بس
ام مالك بفرح: واخيراً يامي مابغيت تقتنع بكره اروح وادور لك بنت الحلال
رائد: الصراحه فيه وحده ببالي
ام مالك: منهي
رائد ببتسامه: لين
ام مالك بشك: وش معنى لين اذكرك ماتدانيها تقول مدلعه بزياده؟
رائد: ابيها وبس
ام مالك: شف اذا بتاخذها وتزعلها والله مايحصل لك طيب، صحيح اني ما اشتهيها على دلعها الزايد بس تظل بنت اخوي
رائد: لا والله يمه مو لذي الدرجه انا خبيث
ام مالك: يصير خير انشاء الله
رائد: يعني بتخطبينها لي؟
ام مالك: البنت باقي صغيره انتظر سنتين يصير خير
رائد: يمه اخر سنه ب الثانوي تقولين صغيره بعدين اخاف احد يخطبها
ام مالك: طيب اشوف
ابتسم وباس راس امه وطلع
بيت ابو ماجد|
ام ماجد بحماس: طيب الحين خلصنا من الكيكه وحجزنا الشاليه البوفيه ايش بقى
سديم: العصيرات و الموالح والحلويات باقي يمه
لين: اي هذولي قبله بيوم نحجزهم
ام ماجد: ليه قبله بيوم فرضاً مالقينا لا اليوم رايحين رايحين نشتري فساتين
ماجد: الله يالدنيا انا يوم تخرجي كيكه ماشفت وهالبزر شاليه الي يسمعكم يقول متخرجه من الجامعه دكتوراه
ابو ماجد: ولد اضبط نفسك ازين لك، وبعدين بنتي لو على كيفي اسوي اكبر حفله واخلي السعوديه كلها تجي
ابتسمت لين: الله يخليك لي انت وامي وسديم
ماجد: وماجد
لين: دز بس اشوفك بس ماتجيب لي هدية تخرج والله ياويلك
ماجد: لو اخت ثانيه تستحي تقول لا عادي وجودك ياخوي هديه بس انت نشبه الا هديه
لين: اي اي الا هديه قول بعد ماني جايب
ظحك ماجد: ابشري ب الهديه كم لين عندي
لين بطرف عين: ايه عبالي
ماجد: تشوف يبه بجيحه ماينفع معها
