بنص السهره و الوناسه اتصل جوال هايف
هايف: الو....ليش...طيب طيب
قفل جوال وطالع بجوري: جوير
جوري وهي تاكل الشبس وابد مو يمه: همم
هايف: سعود يبيك فوق
جوري: وش عنده
هايف: مدري روحي شوفيه
قامت جوري وقامو معها البنات، ونطق هايف: خير خير قلت جوري ليه كلكم تقومون؟
وديان: حنا وجوري واحد نبي نشوف وش عنده
تركي: بتنكرشون صدقوني
ريما: لا لا مو حنا سعود يكرشنا
ظحك علي: يلا روحو نشوف
راحو البنات ،ووصلو لغرفة سعود دقة الباب جوري وشويات وصلها صوت سعود: ادخلي جوير
دخلت جوري وراها البنات تحت انظار سعود المصدوم جلسو وهم ينتظرونه يتكلم وهو يطالع مصدوم من فضولهم
وديان: ها وش عندك
سعود بحده: انا قلت جوري خير كلكم جايين
ريما: عادي حنا وجوري واحد يلا وش عندك
سعود بشبه عصبيه: اذلفيييي انتييي وياهااا براااا بسرررعه
قامو يركضون البنات بخوف معاد جوري الي ساكته وتطالع فيهم فزت من صوت سعود: وانتي شعندك جايبتهم معاش قلت انتي بس
جوري: وانت للحين تتكلم ب الشين
سعود: شسوي تعودت
جوري: تعود بلهجتنا مستنكرتها منك
سعود :من وانتي صغيره ماتعودتي
جوري: لا ياخي كلنا نسولف نفس بعض بس انت شطحه
ظحك سعود: طيب يا الشطحه اسمعي
جوري: سم
سعود: سم الله عدوك ،لما وديتي البنت الي جبتها معي ماقالت لك شي؟
جوري: تقصد جود؟
سعود: بسم الله امدا تعرفتي عليها
جوري غمزت: افا عليك تعلمت منك ومن ابوي
ظحك سعود وكملت جوري: عرفت انو عمرها ١٩
سعود: ايوه؟
جوري: اي ومافهمت عليها مره بس الي فهمته انها مظلموه وطلبت مني طلب
سعود: ايييش الطلب
جوري: طلبت تكلم اختها
سعود: وخليتيها تكلمها؟
جوري: اي
سعود: طيب كملي ياخي لا تسكتين قولي كل شي
جوري: طيب، كلمت اختها وتترجاها تصدقها بس سمعت صوت اختها تهاوشها وتقول انتي ميته بنسبه لنا وخلاص نسيناك ولاعاد تتصلين لو انك مظلومه حنا مانبيك ظالمه ومظلومه فكينا، بس ياحرام انهارت تبكي وتدعي على نفسها الموت
سعود: لاحول ولاقوة الا بالله
جوري بترجي: تكفى تكفى خليها تعيش عندنا ومعليك انا اقنع ابوي تعيش عندنا تصير اختي
ابتسم سعود لحنيتها الي معتاد عليها اشر على خشمه بمعنى على هالخشم
ابتسمت جوري بفرح وهي تحضنه بعدت عنه: بس ايش سالفتها تعرفها؟
هز راسه سعود بمعنى اي وبدا يحكي لجوري سالفتها مع انو ماوده احد يعرف سالفتها بس جوري مايقدر يخبي عنها ويعرف انها مستحيل تتكلم وتقول شي ب العكس بتساعده وبتدور له حلول
جوري: ياراسيييي معقوله فيه اهل كذا
سعود: لا تستعجلين يمكن الغلط منها
جوري: احس مستحيل البنت واضح على وجها القهر والحرقه والظلم
ابتسم سعود: وكيف عرفتي حظرت المحلله الشخصيه جوري
جوري: لا تنسى اني سبق ودخلت دورات نفسيه ومن هالسوالف واعرف الشخص واحلل شخصيته
سعود: بس حتى لو هاذا مايعني انها صادقه
جوري: طيب بكره انا بقول لابوي تجي عندنا لين تخلص ثانوي وبعدين بكيفها
سعود: احس لو نأجلها شرايك؟
جوري: لا تحس
ظحك سعود: ابشري سوي الي تبينه ياشيخه، والحين طفي اللمبه معاك وسكري الباب
رفعت حاجبينها جوري: طرده مباشره
ظحك: شسوي والله تعبان
قامت جوري: يلا نوم العوافي
سعود: يعافيك ياروح عمها
______
نرجع للحديقه الخلفيه
رجعو البنات ووجيهم متفشله والعيال طايحين ب الارض من قوة الظحك
مالك: انكرشتوو ههههههه
علي: تسألهم اكيد انكرشو من وجيههم ههههههه
ريما ب انفعال: ترا مايظحك
عبد الرحمن: اي اي مايظحك بس صراخ سعود عليكم يظحك ههههههه
انصفقت وجيه البنات يوم عرفو انو العيال سمعو صراخ سعود عليهم
جلسو وهم يتجاهلون ظحك العيال عليهم ويسولفون بينهم والعيال متصرعين ظحك لانهم يسوون حالهم ماهمهم
جات جوري وهي تطالع فيهم بمعنى وش فيكم
طالع فيها هايف: ليكون انكرشتي انتي بعد
جوري وهي تخز هايف: مو جوري الي تنكرش🫳🏻
جلست وهي تسألهم وش فيهم البنات متفشلين والعيال كل شوي يظحكون عليهم
ريما: كله بسبت عمك جعله الضربه
جوري: وجع لا تدعين عليه
ريما: اجل كذا يخلينا مصخره لهم
جوري:محد قالكم تتلقفون قال جوري شتبون تجون
فرح: توبه توبههه الحقكم
________
اليوم الثاني بقصر الجد مخلد ابو سلمان|
جالس وعياله حوله يتكلمون عن الشغل والشركه والأسهم ومن جهه ثانيه البنات يسولفون ويخططون ايش يلبسون للحفله
جوري ماسكه الجوال بملل: اففف ياربي مالقيت اللبس الحلو
ريما: أصلاً حتى لو طلبتي بيجي بعد الحفله ترا بكره
جوري: ادري قاعده ادور ب المواقع الي موجوده عندنا
وديان: بنات ماعندي فستان مناسب احد عنده؟
اختلفت اجوبت البنات من :لا وحتى انا
ابتسمت فرح من جتها الفكره: بنات شرايكم نقول لهايف يودينا السوق
فجأة صرخ هايف:لااااااا
فزو البنات من صرخته والكل سكت،انحرج ورجع مكانه ونطق ابو سلمان بعصبيه: وجعع شبلاك روعتنا تقل ولاده
ظحكو كلهم على التشبيه
هايف: يبا يبون ينشبون لولدك ويتعبونه وانت مايهون عليك صح
ابو سلمان بنفس العصبيه: إلا يهون،وبعدين وش بها إذا وديتهم
نطق ابو جوري: معليه يبا خله يقعد البنات السواق يوديهم
لفت جوري على ابوها واشرت له تبي تكلمه برا،فهمها وطلع
ب المجلس الجانبي جلس ونطقت جوري: بابا شخبارك
ظحك وهو يعرف لكاعت بنته إذا تبي شي: الحمدلله قولي وش تبين بدون مقدمات
ظحكة: طيب اسمع
ابو جوري(تركي):همم
جوري بتوتر ملحوظ: انت تدري انو ب البيت اطفش لحالي دايم صح مافيه إلا انت وماما وانت دايم ب الشغل وماما دايم طالعه مع صحباتها
قاطعها ابوها: نوم بيت جدك لا من الحين
جوري: لا لا ماني نايمه بس......قلت دام أنا دايم وحيده
قاطعها مرا ثانيه: اخو العيال لا منتي وحيده
جوري: يالله بابا انت دايم تقول لا تقاطعون وانت تقاطعني
ظحك: يلا يلا كملي
جوري: المهم ف أنا كلمت سعود وقال عادي.....عادي اقول لجود تجي تعيش عندنا
طالع فيها ابوها لثواني: جود الي جت تو صح؟
جوري: اي
تركي:بس مانعرفها يمكن تطلع مو زينه ماندري وانا اخاف عليك لا
جوري مسكت يده: بابا تكفى تكفى طلبت لا تردني والله البنت كويسه
تركي ابو جوري: وانتي شدراك انها كويسه لحقتي تحققين معها كعادتك
جوري: افا تكفى تهز الرجال
ظحك ابوها :خلص تم بس بعرف وش قصتها
جوري: اسال سعود وبعلمك
ابوها: طيب
جوري بحماس: يعني اروح اقولها تتجهز؟
ظحك من حماس بنته: اي اي قولي لها يلا
نطت تركض بفرحه لغرفة ساره كلهم طالعوها بستغراب إلا سعود الي فهم انو ابوها وافق،وصلت ودقت الباب بهدوء وصلها صوت ساره تدخل دخلت وهي مبتسمه سلمت وقعدت بهدوء ونطقت ساره: هاذي جوري وحيده اخوي تركي اكثر انسانه صامته وحتى مصايبها على الصامت
ابتسمت جود: ذكرتيني ب اختي حنين
بادلتها الابتسامه جوري وهي مو عارفه كيف تبدا الموضوع وبنفس الوقت ضاقت تذكرت اختها الي توفت قبل اربع سنوات،لاحظو عليها الضيقه حاولت ساره تلطف الجو ونطقت: ها جوري جهزتي لبس لبكره
جوري: لا مالقيت شي حلو بروح السوق
ساره: زين
جوري: شرايكم نروح كلنا
ساره:تممممم
سكتت جود ب احراج حست انو مكانها غلط انتبهت عليها جوري
:متى الوقت يناسبك ياجود
جود: أنا ايش دخلني انتو روحو
جات بتتكلم جوري بس قاطعها صوت ساره تكلم ابوها وطلعت خارج الغرف هنا ارتاحت اكثر عشان تتكلم وتاخذ راحتها
جوري: ترا أنا عرفت كل شي من عمي سعود وانا والله مصدقتك وعمي مصدقك ف ابيك تروحين معنا نشتري فساتين ومناك تجين عندي البيت تقعدين عندي ماعندي احد لحالي ابوي دايم مشغول وامي مشغوله مع صحباتها ف أنا لحالي "نطقت بحزن"من راحت جنى وانا وحيده دايم وعشان تاخذين راحتك اكثر من هنا عمي هايف وسعود بتنحشرين وش قلتي؟
جود: والله مدري سعود يدري؟
جوري: اي قلت له ووافق على طول يقول عشان تاخذين راحتك والله بيتنا فاضي مافيه بس أنا حتى ابوي مرات ايام مايجي البيت
جود: تمام
جوري مسكت يدها بفرح: يعني موافق
ابتسمت جود :اي
نطت جوري وحضنت جود بفرح مو مصدق اخيراً فيه احد يرد عليها الصوت ب البيت ونفس عمرها ممكن تقدر شوي من حزنها على اختها
______
كان واقف عند الباب وسمع كل شي حزن شوي على حال جوري الي تعب وهو يقول لامها اقعدي عند بنتك اهتمي فيها كانت ترفض وغير مباليه ولا همها إلا صديقاتها وطلعاتها وكل يوم طلع ولا تهتم لها ابداً
حس انو فيه احد وراه طلع سعود نطق سعود:وافقت؟
تنهد تركي (ابو جوري): ايهه
ابتسم سعود: زين
ابو جوري: يمكن خيره جيت هالبنيه تتقرب من جوري وتصير اختها مع اني داري مستحيل تنساه او تخلي احد يتقرب منها ويصير زي اختها بس على فرحتها ان شاء الله تعوضها
سعود: اي والله وانت اعتبرها مثل بنتك تراها والله مسكينه
تذكر ابو جوري: اي صح تعال تعال علمني سالفتها
سعود: ابشر بس اول شي بقولهم يتجهزون أنا بوديهم بلا منت هايف وعبال مايتجهزون اقولك سالفتها
ابو جوري: زين اجل انتظرك ب المشب
سعود: زين
دق الباب بخفيف ولف يطالع بيتهم ،انفتح الباب بخفيف لف لجهة الباب ونط بخرعه من شاف بس عيون جوري تطالع من طرف الباب: عمىىى خرعتيني
جوري: يعميك انت شعندك جاي
سعود بعصبيه: نعممم؟
جوري بترقيعه:اءءء يخليكككك قصدي بس مدري كيف طلعت
ظحك على ترقيعها السرعه: سرعه بدون بديهه المهم أنا بوديكم السوق
جوري صغرت عيونها بشك: شدراك بنروح السوق
طق سعود الباب عند عيونها: مهبوله انتي انتو قايلين تحت
ظحكت جوري بفهاوه وهي مسويه بتقفطه: اها اي صح
سعود: اي مسويه قفوطي هههههه المهم تجهزو يلا أنا ب المشب انتظركم
جوري: ابشر بس امانه وانت نازل قول للبنات بوجهك مالي خلق انزل
سعود: طيب طيببب
سكرت الباب ولفت لجود: يلا تجهزيييييي بنروح وسعود يودينا وناسه
سكتت جود
جوري: شفيك ساكته
جود: بس مامعي فلوس وعبايتي مقطوعه
جوري وهي تمثل انها تمسك نفسها: شوفي انتي كذا بتخليني اعصب
جود: ليه
جوري: من جدك مو قلت لك انتي مثل اختي يعني ابوي نفس ابوك "وغمزت " عشان نطفره والعبايه ناخذ من سوير وهناك نشتري يلا قوميييي لو سمحتي مابي اعتراض سوير عندها درج كامل كله عبايات وحده احلا من الثانيه
جود: لا والله فشله
تأففت جوري من خجل جود وهي ماتبيها تخجل منهم ابداً قربت منها وسحبتها من يدها وفتحت درج ساره وقعدت توريها العبايات وتخير معها: شوفي هاذي تجنن دايم اسرقها وهاذي حلوه
لاحظت انها واقفه تطالع ب احراج،مسكت يدها وقعدت تختار لها لين طلعت لها وحده جداً جميله مع نقاب وطرحه اعطتها وهي قعدت تدور لها،دخلت ساره الغرفه وهي تطالع جوري تقيس من عباياتها ظحكت:لاياشيخه
جوري: عبايتك هاذي من وين ابي زيها
ساره: حلالك
جوري: ترا ما استحي اخذها
ظحكت ساره: اقول جيبي ماتنعطين وجه
لفت لجود والي واضح عليها منحرجه: تخيلي صرت إذا شريت عبايه جديده اخبيها منهم جننونيييييي
ظحكت جود تتذكر ايام ماهي وحنين ياخذون اغراض ريم ويهربون ابتسمت بحزن، نطقت جوري تغير الجو: يلا يلا سعود ينتظرنا بيعصب ترا"لفت على ساره واخذ العبايه":وانتي جيبي ذي يلا امشو
لبست وانتظرت جود تلبس وساره رفضت تروح لانو عندها فستان وكل شي خلصو ونزلو حصلو البنات راكبات قبلهم
ريما بعصبيه: وجع ان شاء الله لاطعينا بهالحر خست
جوري: جعل مايخيس غيرك احسن
وديان:روحي انقلعي اركبي قدام
جوري: ماينقلع إلا انتي افتحي لجود
فتحو لها البنات وركبت خلف سعود وجوري ركبت قدام معروف مكانها كل ماتركب مع سعود من قوة غلاه لها وانه هو الي مربيها صار كل طلع جوري قدام مثل بنيته
تقدمت نوره للمقعد الامامي ونطقت بكره:جوري انزلي
لفت جوري: خير؟؟
جت ام نوره: جوري انزلي بنتي اكبر خليها تصير قدام
لفت جوري على سعود تطالع ونطق سعود: هاذا مكان جوري
ام نوره: بس نوره اكبر
سعود: يعني كل ماركبنا على هالموال اخلصو والله بمشي
تأففت نوره وهي تهمس: اوريك ياكلبه
جوري سمعتها وطلعت راسها من الشباك: ما الكلبه إلا انتي
ظحكو البنات على وضعهم الي مثل الماء والزيت مستحيل يختلطون مع بعض او يحبون بعض وهاذا كله يرجع لام نوره الي تحرش بنتها وبنتها مايحتاج تحريش عوبه وخبيثه من الله وحقوده
ركبت نوره ولفت وديان على جود وهي تظحك: عادي تعودي هاذا وضعهم كل ماتجمعو فعاليه
ظحكت جود لا شعورياً بصوت عالي رفعت عيونها تصادفت بعيون سعود لثواني وانحرجت سكتت
___________________
بمكان اول مرا نجيه
كانت جالسه ومبتسمه بخبثثثثث تنتظر الحرمه الكبيره تخلص كلامها
الحرمه: والحين مايشوفون إلا انتي سويت لهم واحد زياده
خلود: يعني زوجي وابوه بيصيرون خاتم ب اصبعي اكثر من قبل متأكده؟
ابتسمت الحرمه: تشككين بقدراتي
خلود: ماعاشش
الحرمه: ومع الايام بيتحول لخبيثث
خلود : هاذا الي ابيه اجل بمشي والمبلغ يجيك
الحرمه: زين لا تنسين الزياده
خلود: مانسيت
طلعت وهي مبسووووطه بتنتقم اكثررر وهي كلها كرههه للعائلة
اتمنى عجبكم البارت🤍
اعطوني رايكم🤍
jwrylnzyl. حسابي الانستا
