وحيد و الوحده أصعب شي ف هالدنيا
تكره الشخص في نفسه وفي كونه
لاصار مديون هم وفاقدنً غالي
بالله ياناس كيف يسدد ديونه؟
دايم يقولون عقب الشينه الزينه
وانا تعبت انتظر شين يقولونه
والله مابي منه شي دامه مقفي
مغير ابدري بعد فرقاي وش لونه؟
كانت هاذي الابيات توصف شعور جود بشكل كبيرر
____________
حاطه راسها على المخده ودموعها تنزل بهدوء وبدون صوت حتى لا تنتبه عليها جوري، تفكر ف اهلها ايش صار بعدها هل معقوله عاشو ولا كانهم ظلمو بنتهم؟ تتمنى تعرف فقط ايش احوالهمم كيف عبدالله؟
اخوها وابوها وسندها، كل ماتشوف علاقة جوري بعمها سعود كانت تنزل دموعها تذكرها بعلاقتها مع عبدالله قبل، ماقدرت تمسك نفسها من تذكرت عبدالله أصدرت شهقه من اعماقها، حطت أيدها على فمها لجل ماتسمعها جوري لاكن سمعت شهقتها وتنهدت بحزن ماتعرف تروح تواسيها ولا تخليها تطلع الي بقلبها عشان ترتاح، قعدت لثواني تفكر وتطالع ف جود الي معطيتها ظهرها ماقدرت تتحمل اقتربت من جود
جوري: جود جود
لفت جود وجلست وهي تمسح دموعها طالعت فجوري
جوري بدون مقدمات تقدمت لها تحضنها، بادلتها الحضن جود وهي تبكي بصوت عالي، ماقدرت تتحمل وقعدت تبكي معها، لانها من النوع الي مايعرف يواسي، ف ماتعرف ايش بتقول لها، ابتعدت عندها وهي تمسك وجهها بيديها: خلاص تكفين مقدر اتحمل اشوفك تبكين كل يوم على هالحاله
ماردت وهي تبكي، رجعت حضنتها، وبنص انهيارها عقدت حاجبها من حسن بنغزه بقلبها توجعها بقوه، أبعدت وهي تمسك قلبها بألم
جوري بخوف: ارتاحي بجيب لك مويه لا تتحركين
راحت تركض للمطبخ تجيب لها مويه، وقفت تاخذ علبتين مويه من الثلاجه، وقفها صوت ام نوره : وين وين
جوري: نعم
ام نوره مو ناويتها خير: نعامه ترفسك تكلمي زين
تأففت جوري: اخلصي وش تبين مو فاضيه لك
ام نوره: تحسبين مادري انك كذابه
ارتحت ملاحها ،ولاحظت عليها ام نوره ومسكت يدها بقوه:اجل هاذي كذبه هااا صدق اخوي ماعرف يربيك
تألمت من شدت يدها بعدتها بقوه: انقلعييي
ام نوره: مو بس انتي تعرفين تكذبين
وقفت وهي تجرح نفسها، اتسعت عيون جوري: يامجنونههه وش تسويييين
ماردت وجرحت نفسها وطلعت تركض الصاله وتبكيييي: ايييي يبااا الحق عليييي بنت ولدككك جرحتنيييي
جتها ريما وديان وفرح يركضون من غرفتهم وطلعت جوري من المطبخ مصدومه: كذابه والله كذابه
ريما: هيههه انتي يالكذابه لا تتبلين عليها جوري ماتسوي كذا
ام نوره بصراخ : يبااااا بناتتت عيالككك يتهجمووون علييي بموووت
انصدمو البنات من كذبها الصريح ومن صغر عقلها، نزل الجد ونزل معه سعود والعيال من غرفهم
الجد: وش فيههه
ام نوره بتمثيل البكي: يبا بنات عيالك اتهجمو علي وجرحونيييي
وديان: كذابهههه والله كذابه محد قربهاااا
الجد بعصبيه: ولا حرفففف امسس طاقات بنتها والحين هييي ماتستحون ماتنتخووون عمتكم ذي عمتكم انتم وش انتم بنات ولا عيال حتى العيال ماسوووها والله ثم والله مايعدي هالموضوع على خيرر والله
جوري: جدي اسمعنا طيب
الجد بصراخ: ولا حرفففف قلتتتت
اشر لتركي ياخذ جوالات البنات: تركي رح خذ جوالاتهن وانت انقلعن فوقققق ولا اشوف وجه وحده فيكممم سامعين
سعود: يبا لا تستعجل وتظلم احد اسمع منهم
ام نوره: انت لا تتدخل ويبا ترا جوري تكذب مابها إلا العافيه
جوري: جدي والله كذابه والله
الجد: طلعتي كاذبببهه علينا ياجوريي
ام نوره: طبيعي بتكذب محد مربيها حتى ابوها ندم انه جابها تشوفه يتهجهج عنها وعن امها ليتك انتي الميته ولا جنى
نزلت دموع جوري ، لاكن صدمها صوت امها وهي داخله: اقول يا*** بنتي متربيه احسن تربيه واذا على ابوها ف هاذا الجوال دقو عليه" طالعت بجوري شافت دموعها تنزل ونطقت بعصبيه: لا تبكيننن محد ندم انه جابك انتي احلا هديه ربي عطنا واختك هاذا قدرها امش قدامي
همست فرح لريما: ياربي شذا حياتنا كل يوم مشكله
سمعتها ام نوره: طبيعي بيكون كل يوم مشكله منكن ومن هالقبسه الي جايبها سعود
رفع نظره لجود نازله من الدرج وسمعت كلامها نطق بعصبيه: والله مالقبسه إلا انتي احترمي نفسك
ام نوره وهي ماهي ناويه تعدي الليله على خير: لا يشيخ جايب حبيبتك عندنا عشان نتقبلها بعدين تصارحنها هااا "نطقت بصراخ" تحبهاااا يالحبيببب صدق ماعاد فيه حيا
انصدمو من كلامها ونطق الجد: صحيح هالكلام
هز راسه سعود وجا بيتكلم لاكن قاطعه ابوه بحده: اليوممم تكتب كتابك عليها ماحنا ناقصين فضايح
جوري بعصبيه: لا والله مايكتب ولا شي
الجد: تكسريننن كلمتييي يابنت تركي؟؟
جوري بثقه : ماعاش من يكسر كلمتك بس انت بعد ماتسمع لاحد غير عمتي وانت عارف انها تكرهنا وتغار من الكل وحسوده وبعدين البنت لها كلمه موب على كيف احد تتزوج الي تبون هاذي حياتها وعمتي وبنتها لو انك سمعت لنا بتعرف ليش ضربنا بنتها وبتعرف ليش أنا زودت جواره شوي
طالع الجد وقفتها ووقفت البنات معها بكل ثقه وامها استوعب انه فعلاً بيعاقب وهو ماسمع من الطرفين جلس على كنبه: زين يلا قولي لي انتي
ام نوره: يبا انت صادق بتسمع لهالكذابههه
جوري: مو أنا الي بقول فرح لانو المشكله كلها تخص فرح
الجد: تكلمي يافرح
فرح قالت لجدها كل السالفه من الألف الي الياء انصدم الجد: وبس ياجدي وبشوين حنا جينا على صراخ عمتي تقول جوري جرحتني شلون جوري جرحتها ويدها ملفوفه؟ وعمتي يدينها الثنتين مافيهم شي وهي اكبر من جوري تقدر توقفها
الجد بعصبيه اشر على ام نوره: قومي ضبي عفشك وعلى بيت رجلك
علي بهمس للعيال: يونس ياعيال جدول
قرصه تركي بخفه عشان محد يسمعه
