روضه : يزووووووييييي
وسارت تحضنها
يزوي : مب جنج امس جايفتني
روضه : محد يشتاقلج انتي
يزوي : جوفيي شو يبت لج
روضه : فديييتج والله مساعه كان ف خاطري
يزوي : هي الخرط عندج فل
المس : اليازيه و روضه سكتو بنبدا الدرس
يزوي همست لروضه بحكم انها عدالها : اخيييج ماداني هالمس عاد مروقه ابا اتضارب وياها
روضه : خلي عنج باقي ثلاث حصص وبنطلع لا تسوين مشاكل
يزوي كانت بترمس بس قاطعتها المس وهي تصارخ : اليازيه سيف و روضه خالد يلا ع مكتب الاخصائيه
يزوي : اصلاً بنطلع من غير مطرود
المس : بعد لسانج طويل
يزوي : مب اطول عن لسانج
بنات الكلاس ضحكو و يزوي سحبت روضه وطلعت
روضه : انتي ماتوبين لازم تراددين
يزوي : روضه تكفين سكتي
وسارو عند الاخصائيه
دقو الباب ودشو
الاخصائيه : ها اليازيه مسويه مشكله ثانيه ؟
روضه تقرص يزوي عسبت ماترد
يزوي : لا هب مسويه ولا شي بس قلت اسير عليج ، يعني شرايج انتي
الاخصائيه : لا انتي يبالج استدعاء ولي امر وفصل بعد
يزوي : احسن بعد عشان ارتاح من ويهكم شوي
روضه تهمس ليزوي : ايييه انتي اخر سنه لا تيبين العيد
يزوي بنفس الهمس : لا ماعليج
الاخصائيه : ها روضه انتي بعد يبالج نفسها ولا
روضه : لا مس والله اسفه بس هالمره خليني ارد الكلاس
الاخصائيه : جوفي لانج محترمه وتأسفتي ردي كلاسج بس وقعي انذار
روضه : تمام
وقعت ويت بتطلع
يزوي : رواض يالخوافه وين بتسيرين
روضه : ماعليج بوقف عند الباب مابا اسير الكلاس
يزوي : تمام
الاخصائيه دقت ع ابوها : الو السلام عليكم
بو نهيان : وعليكم السلام والرحمه
الاخصائيه : انته ولي امر الطالبه اليازيه سيف ال***ي
بو نهيان : هي نعم ليش شو صار
الاخصائيه : تقدر تيي المدرسه وتعرف شو الي صاير
بو نهيان : انا الحين مشغول لو عادي اخوها الي ايي
الاخصائيه : هيه عادي
بو نهيان : يلا عيل بدق له الحينه
الاخصائية : فمان الله
بو نهيان : فمان الكريم
سكرت الاخصائيه ولفت ع اليازيه وقالت لها : قعدي لين م ايي اخوج
عند بو نهيان
اول ماسكر دق ع حمد
حمد : هلا ابوي
بو نهيان : حمد لو ماعليك امر تقدر تروح مدرسه اليازيه داقين عليه ماعرف شو يبون
حمد : اكيد يزوي الهبله مسويه مشكله يديده
بو نهيان : شكله ، انزين يلا بتسير ولا لاني مشغول حالياً
حمد : لا تحاتي ابوي بسير الحينه
بو نهيان : يلا ابوي فمان الله
حمد : فمان الكريم
وسكر
حمد : منصور انا بسير ها
منصور : وين وين
حمد : ساير اجوف يزوي شو مسويه
منصور : اكيد مشكله يديده
حمد : هي يلا باي
منصور : باي
عائلة منصور
بو منصور ( عبيد ) عمره 50 ريال ينشد فيه الظهر متقاعد ويالس يجابل الهوش والبوش
ام منصور ( مي ) عمرها 46 حرمه بيت وتقوم بالواجب كل يوم تسير مع ريلها بو منصور العزبه تخاف ع عيالها وماترضى الغلط عليهم
منصور ( 19 ) ف التجنيد ، طيب لاخر درجه مايقول لا لاحد ربيع حمد الروح بالروح
علياء ( 25 ) انسانه طيبه وعلى نياتها متزوجه وللحين الله مارزقها بمولود
مهره ( 16 ) صف حادي عشر ، انسانه حبوبه و بسرعه تدخل القلب
بو منصور يكون ربيع بو نهيان
نرد للواقع
حمد دش المدرسه : السلام عليكم
الرسبشن : وعليكم السلام
حمد : اختي وين مكتب الاخصائية؟
الرسبشن : هناك ثالث مكتب ع ايدك اليمين
حمد : مشكوره
وسار
دق الباب ودش
حمد : السلام عل...
الا ويزوي عافده عليه
يزوي : حمووود اشتقت لك
حمد : يزوي مب الحين بعدين نتفاهم
يزوي : اوكيي
الاخصائية : تفضل اخوي
يلس حمد ع الكرسي
الاخصائيه : اليازيه ممكن تطلعين برع شوي ؟
يزوي : وليش اطلع ان شاءالله
حمد ماسك اعصابه : يزوي حبيبتي طلعي وبعدين نتفاهم
يزوي : اوجييه
وطلعت
بعد دقايق طلع حمد وقال : يزوي سيري ييبي اغراضج ولحقيني السياره
يزوي استغربت من طريقة كلامه بس ماهتمت : تمام
سارت الكلاس حصلت روضه واقفه جدام الباب مال الصف
يزوي : رواض شو تسوين هني
روضه انتبهت عليها : كنت انتظرج و تأخرتي وسرت الكلاس
يزوي : اها اقولج ترا حمد يا والحين بسير وياه
روضه : افا يزوي تسير وتخلي روضه بروحها
يزوي ضحكت : تعالي معانا بنوصلج
روضه : لا خلاص كنسل المهم يلا باي
يزوي : باي
سارت خذت اغراضها وسارت السياره
حرك حمد وكان هدوء
لين ماكسرت الصمت يزوي وهي تقول : حمد شوفيك
صمت
صمت
صمت
شافت ماشي رد لفت ع الجامه وسكتت ودموعها اربع اربع اول مره تجوف حمد جي
حمد حس انها تصيح وقلبه تقطع عليها بس قال مابهديها لانها مب اول مره تسوي مشكله
وصلو البيت ويزوي سيده شلت اغراضها وسارت داخل
دخلت وجافت العايله متجمعه وسارت فوق انصدموا لان يزوي مب من عادتها تسير فوق قبل لا تسوي اكشن شوي
عند يزوي قفلت ع عمرها الباب
وفرت نفسها ع الشبريه وتمت تصيح
يلست ع هالحاله ساعتين وعقب رقدت بدون لا تحس ومحد عارف شو فيها الا حمد
تحت
حمد دش وهو ماله مزاج بس قال بيلس شوي عندهم عشان مايشكون ان هم متضاربين
حمد : السلام عليكم
الكل : عليكم السلام
زايد علطول ربع عنده يتحضنه
حمد شله
وسار يلس عندهم
ام نهيان : شحالك حمد كيف الدوام وياك
حمد : بخير امايه والدوام زين ، انتي شحالج
ام نهيان : يسرك حاليه ، انجب لك غدا ؟
حمد : لا ماما بسير برقد
ام نهيان : عراحتك
بو نهيان : حمد شو فيها يزوي
حمد توهق : مادري ابويه يمكن لان الاخصائية هزبتها
بو نهيان : ليش شو مسويه بنتي عسبت هاي تهزبها
حمد : كالعاده مشكله يديده
زايد سار عند حمد
زايد : حمود ابا اثير الدكان ابا حلاو ومثاثه ( حمود ابا اسير الدكان ابا حلاو ومصاصه )
حمد ضحك ع طريقة كلامه
حمد : انزين تامر امر بس برقد وبنش وبوديك اوكيه
زايد : اوكيه
الريم تعطيهم نظرات من فوق لتحت
حمد شافها وقال بيغايضها شوي على صوته وقال : زيود مابوديك الدكان بس تعرف وين بوديك ؟
زايد تحمس: ويننن
حمد : بوديك الالعاب والدكان واي مكان تباه
زايد : يسسس وسار عند الريم يغايضها
زايد : ريوم ويو سمعتي حمد ثو قال ؟
الريم صرخت : وانا مب ماليه عينك شو وربعت حجرتها
مهره حرمه نهيان : حرام عليك حمد سير راضها
حمد وهو يضحك : لا خليها براضيها بعدين بسير ارقد
عند بو نهيان سار حجره اليازيه
دق الباب مره ومرتين وثلاث
ماشي رد
قال اكيد رقدت وسار يقيل
والي تحت بعد سارو يقيلون
