دشت مهره الصاله وحصلت زايد يصيح
مهره : زيود ماما ليش تصيح
زايد يصيح : بابا قالي ثير ييب نعالك وتعال وثار عليه ( بابا قالي سير ييب نعالك وتعال وسار عليه )
مهره ماسكه ضحكتها : ماعليه حبيبي انا براويه بابا تباني اضربه ؟
زايد : هييييييي
مهره : خلاص يوم بيرد بضربه وانت سير العب ويا الريم برع ف الالعاب
زايد يربع : اوكيه
سارت مهره المطبخ تجهز ودشت عليها الريم وهي كلها تراب
مهره شهقت : الريم بلاج جييه منو خيسج تراب؟
الريم تضحك : انا خيست يزوي تراب وهي ركضت وراي بعدين طحت ع التراب
مهره : وينها يزوي الحينه
دشت يزوي المطبخ
يزوي معصبه وتصارخ ع الريم : انا براويج يالحيوانه عيل انتي تخيسيني تراب وربعت وراها
الريم ركضت وطلعت مع الباب الثاني
يزوي تلحقها : الرييييم يا الخرا صبري علي والله ان ما أدبتج ماكون اليازيه
الريم تركض ع وراها وتطلع لسانها لليازيه : انننن مابتمسكيني
شوي وطخخخخ
الريم تصيح وماسكه راسها : ايييي راسي والله اخبر عليج ماما
اليازيه ماتت : ههههههههههههههههههههه ويووو وشردت برع
ميثه : يزوي منو خيسج تراب وليش تضحكين
اليازيه : الريم الجلبه وبعدين اضحك عشانها طاحت ع راسها افف لو تشوفينها بتموتين ضحك هههههههه
ميثه : انزين سيري تسبحي
اليازيه : سايره بس اول بييب فوني من الميلس
دشت الميلس تتحسب ان العيال بعدهم ماردو من برع
اول مادشت اتيبست مكانها
هزاع : حمد تشوف الي اشوفه
حمد : هيي اشوف بس ياخي الويه مب غريب عليه
هزاع تذكر : هييي عرفت
حمد : منو
هزاع : هاي ام الصروم شتسوي هني
حمد نقع ضحك : ههههههههههههه
