بعد مرور سنه و نص حمد تزوج ميره و كنا كلنا مستانسين و فرحانينو هزاع خلص دراسته ف لندن و رد الإمارات و توظف
وكنا كلنا بخير و مرت هذي السنه بخيرها و شرها
ف يوم من الايام
...📞
ام هزاع : الو هلا اختي ام نهيان شحالج ان شاء الله بخير
ام نهيان : هلا هلا ام هزاع الحمدلله بخير وسهاله وانتو علومكم شمسوين
ام هزاع : طيبين والله ، شحال بنتي و اخوانها ان شاء الله بخير
ام نهيان : الحمدلله كلهم بخير ونعمه
ام هزاع : ام نهيان بدخل وياج ف الموضوع على طول
ام نهيان : امريني فديت عيونج شو بغيتي
ام هزاع : علني ماخلى منج ي ام نهيان ، والله بغينا نخطب لهزاع ونحن مابنحصل حد احسن من اليازيه فديتها
ام نهيان: والله ولا نحن بنحصل مثل هزاع فديت قلبه بس خليني اشاور بو نهيان و اليازيه وفالكم طيب
ام هزاع : خذو راحتكم فديت روحج ، فمان الله
ام نهيان راحت عند بو نهيان
ام نهيان : بو نهيان
بو نهيان : لبيه
ام نهيان: لبى قلبك ، يو خطاب لليازيه
بو نهيان : منوه؟
ام نهيان : هزاع ولد عمها
بو نهيان : والله هاذي الساعه المباركه
ام نهيان:هي والله وايد ارتحت يوم انها بتكون ف ايد هزاع
بو نهيان : سيري شاوري البنت قبل ماترديلهم خبر
ام نهيان : ان شاء الله
راحت ام نهيان غرفة اليازيه و جافتها راقده
ام نهيان : يزوي قومييي
اليازيه : اماااه خليني ارقد
ام نهيان : وييهد قومي ياينج خطااب
اليازيه فزت من رقادها وفبالها مليون سؤال
اليازيه فل دوخه : منو نزيين وترتيني
ام نهيان : تغسلي وصلي ونزلي تحت
اليازيه : يالله اميه زين زين
ام نهيان ضحكت ونزلت تحت
عقب جيه نص ساعه اليازيه نزلت وسلمت عليهم ويلست عند امها
ام نهيان : توها عمتج ام هزاع رمستني و تباج لهزاع استخيري وفكري ف الموضوع