تذكير ...
وصل هزاع الشقه وبدل وانسدح ع الشبريه
هزاع : يزوي ليكون رقدتي ياويلج
اليازيه : لا مارقدت كمل
هزاع : المهم انه هيه هذا انا الي كنت اكلمج ف العنايه وبرد اعيد الكلام من اول ويديد
اليازيه توترت
______________________________________
اندق الباب ع يزوي
اليازيه فخاطرها *اوف مب وقته ها الي يدق الباب*
اليازيه : هزاع بسكر انا
هزاع شكله مب وقته هالكلام : يلا عيل الله يحفظج
سكرت
اليازيه : ها منو
... متوتره : يزوي فجييي الباببب بسرعه
اليازيه خافت : الميث مب وقتج شو تبين
ميثا : بسرعه بقولج شيييي
اليازيه : يالله يالله
فجت الباب وميثا دشت بكل قوتها وقفلت الباب وتساندت ع الباب وهي تتنفس بسرعه
اليازيه هني خافت : ايييه انتي شو فيج
ميثا تقطع ف الرمسه ومتوتره : اءءء ف فيه و و وحده ت تت تحت تت تباج
اليازيه : ايه انتي رمسي عدل م فهمت و لا كلمه
ميثا : ابا ماي
اليازيه : يالليل مطولك وسارت تييب لها ماي
ننزل تحت لين تهدا ميثا
1 ... : الو شو تبغي
2 ... : والله ان مامشيتي سيده وسمعتي الرمسه لافضحج عند اهلج وانا ان قلت شي بسويه
1 ... : مسوي تهدد اقول سيرزق ربيعتي وانا غلطانه اني مشيت معاك من البدايه انت لعبت ف مخي لين وافقت ولا انا اصلاً مستحيل اتغير عليها
2 ... : اوكيه ماعليه ساعتين بالكثير وصورج ليد ابوج و خوانج ، *بخبث* بس اي صور اطرش الي وانتي راقد ...
1 ... : اقول اصلب عودك الي ماترضاه ع خواتك لا ترضاه ع بنات الناس اصلاً الي شراتك ينعقون فالسجن ويخيسون هناك والله لو انك ريال م مشيت بهالدرب بس الشرهه عليه انا الي اسمع رمسه واحد شراتك يارخمه وطوطط طوطط
نرجع فوق
اليازيه : يلا خلصيني شو عندج
ميثا : بقولج بس ماتعصبين
اليازيه : جوفي ميثا برنج ف هالكوب رمسي وخلصيني وفكيني منج
ميثا : اءءء شي وحده تباج تحت فالميلس وضروري جداً جداً جداً
اليازيه : اتحرا عندج ساااالفه والله انج سخيفه سيري قولي حقها اني برقد مب متفيجه ، وبعدين قولي لها منو يزور هالوقت سكرانه الاخت؟
ميثا : يزوي مب وقتج نزلي بسرعه عندج دقيقتين
ميثا نزلت ويلست تقهوي البنت وتتخبرها عن حالها * طبعاً البنيه فهمت ميثا وخبرتها كلشي صار لها و ميثا سامحتها و تفهمتها*
... بتوتر : وين اليازيه م بتنزل
ميثا لاحظت : لا تحاتين احينه بتنزل
نسير مكان ثاني وتحديدا لندن 📍
يتمشى ف شوارع لندن على نفاف و نسيم بارد و يهوجس
بطي دقه : اييه هزاع من الصبح ارمسك شفيك تهوجس
هزاع صحى عن افكاره : ها هلا
بطي : بلاك ياريال من طلعنا من الفندق وانت مب ع بعضك
هزاع تنهد : خلها على ربك ياخوي
بطي تفهم وضعه وانه مايبا يرمس
نرد حق 🇦🇪
اليازيه نازله من الدري وتمشي بطيء جنها عارفه منو الي يا هالوقت
مشت بخطوات بطيئه لين الميلس ورفعت ايدها بتفج الباب الا و ميثا تطلع فويها
اليازيه تروعت : بسم الله روعتيني
ميثا بتوتر : اليازيه دشي داخل وانا بيي عقب شوي
اليازيه : عن السخافه اذا مادشيتي مابدش
ميثا : يزوي تكفين دشي وشوي وبيي والله
اليازيه : جوفي ميثا اذا ها واحد من مقالبج محد بيسلمج مني
ميثا ضحكت ضحكه خفيفه : دشي دشي البنت تتريا فضيحه
طلعت ميثا واليازيه سمت بالله و دخلت
مشت لين نص الميلس وهي للحين منزله راسها
البنت كانت يالسه ع فونها فجاه لمحت اليازيه فنص الميلس واقفه
... : هلا هلا يزوي يلسي ليش واقفه
اليازيه بغت تموت فمكانها هالصوت اعرفه زين مب زين بعد الا حافظتنه حفظ يارب مب هي شو تبا بعد هاكله تتذكرني وتييني ليكون تبا تضرني مره ثانيه لا مستحيل ياربيه مابا ارفع راسي اخاف انصدم اهخخ اليازيه انتي قويه انتي تقدرين تواجهينها انتي بنت سيف المفروض راسج فوق مب تحت
البنت تقربت من اليازيه
... : شفيج يزوي ليش واقفه ييلسي
اليازيه ساكته وهني رفعت راسها بعد ماشجعت عمرها انها تقوي نفسها وماتضعف جدامها
اول م يت عين يزوي ف عينها مرن عليها شريط حياتها معاها من الصغر لين اخر مره تلاقو فيها
تتوقعون منو البنت الي يت هالوقت 🤔؟
يتبع ...
