بعد غياب طويل رديت لكم ببارت طويل وحلو وان شاءلله يعجبكم 🫡___________________________________
كملن لعب لين الساعه 12:00
البنات استأذنن وردن البيت و اليازيه و ميثه رتبو المكان وميثه ردت بيتهم و اليازيه سارت غرفتها
خنسير عند يزوي
دشت حجرتها وسوت روتينها اليومي وسارت حطت الايباد ع الشبريه و نوتبوك عسب تدرس حق الامتحان مالها حطت فونها فالجرج وحطته سايلنت ويسلت تذاكر وتراجع
عند بطلتنا اليديده
ردت البيت وانسدحت ع الشبريه بعباتها وملابسها ويلست تفكر فيه
: حوه انا ليش افكر فيه وبعدين مستحيل مستحيل من سابع المستحيلات اني احبه او اعجب فيه بس ماجذبت يوم قلت انه مزيون.
نرد عند يزوي
صارت الساعه 2 ونص
واخيراً خلصت مذاكره
انسدحت عالشبريه وهي تتنهد : اففف اخيراً خلصت مابغيت اف الساعه كم خذت فونها وشافت انه الساعه 2
اليازيه : حشى صارلي ساعتين وشي اذاكر هذا كله و اراجع عاد شو اذا ذاكرت ضحكت ع نفسها و رقدت وهي ع حالها
صباح الاربعاء عند يزويتنا
دشت ام نهيان توعي يزوي
ام نهيان تزاعق : يزوي يلا نشي
يزوي : بس خمس دقايق والله
ام نهيان : عندج امتحان اليوم ومتاخره يلااا نشيييي
يزوي : دقيقه والله مب نايمه عدل
ام نهيان صبت عليها ماي بااارد و نشت زايغه
يزوي : امييييه الله يهديج مب جيي يوعون الواحد
ام نهيان : لا تعالي علميني بعد طلعت وهي تتحرطم
يزوي دشت الحمام وهي تتحرطم
بعد خمس دقايق طلعت وتزهبت وسوت ميكب خفيف ولبست بنطلون بيج غامج وسيع و توب بيج فاتح وعباه بنيه وسوت شعرها ويڤي ولبست اكسسوريز و خذت الايباد وفونها و نزلت تحت
اليازيه : صباحووو
اليده : شو صباحو انتي بعد
اليازيه : اوه موزان عندنا
اليده : حمدي ربج انج طالعه ولا جان هالعصا تترقص ع ضهرج
اليازيه حبت راسها : افا يابنت خليفه تضربين حفيدتج وكملت تسلم ع امها وابوها
بو نهيان : يزوي متاخره الساعه تسع ونص
اليازيه : عادي امتحاني يبدا عشر