عند اليازيه
سارت يلست ورا البيت ف الحديقه و تصيح ويالسه تتحرطم وتقول الله يغربله الي ياي يخطبني انا مابااا توني 18 ياربيييي شو ها حتى اهلي ماشاوروني كييييف مب يالسه استوووعبببببب كيففف يديي كلمهم وقال تعالو منو هم انزين يايبين نااس مانعرفهم يخطبونييييي ويلست تصيح شوي وياها هزاع
هزاع تم ساكت ثواني وكان متردد : اليازيه
اليازيه سكتت ومعطيته ظهرها وتحاول تسكت بس صوت شهقاتها فاضحتنها
هزاع يلس عدالها بس بعيد شوي : شوفيج
اليازيه تمسح دموعها : مافيني شي
هزاع : منو مزعلج حمد؟
اليازيه : لا مايخصه حمود
هزاع : عيل منو
اليازيه : قلت لك مافيني شي
هزاع قام : عيل السموحه ع الازعاج وياي بيسير
اليازيه وفي عيونها دموع : هزاع بيزوجوني
هزاع تصنم و كأنه حد طعنه ف قلبه : شووووو
اليازيه صاحت : توهم رمسوني وقالولي باجر بيووون [ تمسح دموعها وتبتسم بحرقه ] ، تصدق هزاع حتى ما شاوروني
هزاع ماتحمل يشوفها جييه : خلاص يزوي لا تصيحين بسير برمسهم
اليازيه : مافاد مافاد ياما رمست وبررت اني توني صغيره بس واضع ان يدي ملزم ع كلمته
هزاع : ماعليج انا بسير الحين عندهم انتي خلج هني وسار
دش داخل وسار عند يده
هزاع : يدي صدق الرمسه الي سمعتها؟
اليد : و شو الرمسه الي سمعتها
هزاع بغبنه : ان اليازيه بتنخطب باجر؟
كلهم بصوت واحد : هههههههههههههههههههههههههه
هزاع انقهر من تصرفهم واسلوبهم : بلاكم سالت سؤال ماقلت نكته
اليده ضربته بعصاتها : بلاك انت حاشرنا كنا نمزح معاها وهي صاحت عاد ماندري ان يزوي حساسه
يزوي دشت : هالمواضيع ماينمزح فيها وسارت فوق
اليد نادم : موزه سيري راضيها
اليده : وي وليش ماتروح انت انا ريولاتي تعورني
اليد : انتي الي بديتي يلا سيري
اليده : يلا سايره وتسوي له مالت
اليد : مب هينه العيوز
