تصنمت و الشخص الي جدامها انصدمفباله " ياخي منو هاي ماذكر عندي بنت عم ثانيه وبنات خالتيه كلهم مسافرين برع و يزوي ماجفتها تعزم ربيعاتها الا روضه بس الحين انقطعت بس الحين منو هاي الشق الي جدامي "
فبالها " اف محلاه ياخي ميروه شو تفكرين فيه حلي مشكلتج الي انتي فيها الحين بعدين فكري بجماله بس صدق يزوي قالت خوانها كلهم برع و عيال عمها محد بعد يعني منو ها دريولهم لا شو دريولهم بعد انتي يا ميروه "
قطع تفكيرهم الريم
الريم تزاعق : حمد حمود اميه تباك
يت الميلس وانصدمت منو هاي و شو تسوي هني
الريم : انتي ربيعه يزوي؟
ميره هزت راسها بمعنى " هيه "
الريم رفعت حاجب : عيل شو تسوين هني؟
ميره من التوتر ربعت الحمام
الريم تبوس ايدها : الحمدلله و الشكر
حمد : الريم عيب و بعدين البنت غلطت بين ميلس الحريم و ميلس الريايل
الريم : مايهمني ، ماما تباك بسرعه
حمد لحقها وهي شردت
عند البنات
شما يتهم وسلمت و شوق بس يلست بدون ماتسلم
ميثه : عيل وينها ميره
اليازيه : ف الحمام
دانه : كأنها طولت ولا؟
اليازيه : هيه ، بسير بجوفها
سارت اليازيه الحمام و حصلت ميره تهدي نفسها و متوتره
ميره تلقط نفسها : هدي ماصار شي انا مايخصني بالغلط دشيت هناك
اليازيه استغربت : ميروه بلاج
ميره شهقت : يزوييي ، اااا مافيني شي
اليازيه بشك : دشيتي وين ؟
ميره : يزوي بقولج شي بس لا تزعلين
اليازيه مسكت ايدها : ماعليج مابزعل قولي
" ميره خبرتها السالفه من الالف للياء "
اليازيه تضحك : اتحرا عندج سالفه اخر شي طلعتي ف ويه حمود
ميره : مايضحك ، وبعدين كنت لاهيه ع الفون ودشيت هالميلس
اليازيه تتصمخر عليها : اكيد اشتط الحين اذا سرتو بيقولي منو هاي الحلوه
ميره : جب جب يلا بسير عند البنات
اليازيه : انتبهي تدخلين ميلس الريايل ههههههههههههه
وسارت عند امها و حمد
اليازيه تنغز : ياخي تضحك هالبنت
ام نهيان : منو