عند يزويتنا
كانت يالسه تفكر كيف صار الحادث يعني كلشي بسرعه بسرعه يت ف بالها البنت الي يتها ف العزيمه وتحاول تربط الاحداث لينن مااا
بو نهيان دش عليها : ها بنتي حبيبتي تبين شي محتايه شي
اليازيه : لا ابويه شوفتكم تكفي
بو نهيان حضنها ع جنب
دشو العايله يودعونها لانه بيردون البيت الا الريم اختها سوت مناحه عسبت ماترد وتم عندها
اليازيه : ماما خلاص خليها عندي وبعد انا ابا حد يونسني مليت وانا يالسه بروحي
المهم وافقو ويلست اما الاهل ردو البيت
اليازيه تدق ع ميثه : هلووو ميثاني
ميثه : هلا يزوي
اليازيه : شحالج
ميثه : بخير شخبارج
اليازيه : زينه ، شو هالصدعه الي عندج
ميثه : ربيعاتي حشره صح اصلاً بعد شوي طالعه
اليازيه : انزين بطلب منج طلب
ميثه : شو امرييي
اليازيه بدلع : ابااااا كوووفييي
ميثه : شو هالدلع كله عشان كوفي قولي ابا كوفي وفكينا لازم تمطيها 🤣🤣🤣
اليازيه : انزين شو اسوي يا فخاطري وبعدين من زمان ما تدلعت عليج
ميثه : هههههه عاد شنسوي اذا الدلع لايق عليج ، خلاص من عيوني نص ساعه وبيوصلج
اليازيه : انزين طلب ثاني اذا ممكن
ميثه : يزوي بصفعج خلصيني
اليازيه : انتي تيين معاه
ميثه : عاد هاي ماقدر عندي اشغال
دق الباب ودش هزاع واليازيه انصدمت وعدلت شيلتها بس كملت ويلس يلعب مع الريم
اليازيه : افاا الاشغال اهم مني يعني؟
ميثه : يزوي حاطين لج ف المغذي شي
اليازيه : لا ابد حتى مش حاطين لي مغذي
ميثه : انزين خلاص هاذوه وصلت الكوفي شو تبين
اليازيه : ع ذوقج حبيبي
ميثه : لا متاكده مش حاطين شي؟
اليازيه بضحكه : مش حاطين
ميثه : ترا مب ريلج انا
اليازيه استحت لانه ينسمع وشافت هزاع ماسك ضحكته
اليازيه : ماعليه بصفعج وسكرت فويها
هزاع : شحالج يزوي
اليازيه : بخير من صوبك ابن عمييي
هزاع : منيح والله
