نسير عند عائله ماسرنا عندهم
العصر 5:00
بيت بوهزاع
هزاع نازل من الدري ويغني :
انا اضحك لكن ضحكتي تبكي
انا ساكت لكن نظرتي تحكي
انا مفارق حبيب ...
قاطعته اليده : عيد عيد مفارق منو يامسود الويه
هزاع : اءءء يدوه حبيبتي هاي اغنيه
اليده : خل عنك الاغاني وتعال اباك ف سالفه
هزاع : احم ممكن تراجعينا مره ثانيه عند مدير اعمالي لاني مشغول حالياً
اليده : من زينك انت ومدير اعمالك
الكل : ههههههههههههه
اليده : اباكم كلكم ف سالفه
الكل تيمع حولها
اليده : باجر السبت الساعه 10 الصبح كلكم جاهزين بنسير كلنا رباعه العزبه ولا واحد فيكم يتعذر وهي عينها ع هزاع
هزاع : بلاج يدوه بي بي بس انا عبالي عندج سالفه
اليد : ارمس يدوتك عدل مارضى ترا
هزاع : اوه اوه يدي تغار ع يدوه طلعت
اليد : واذا ماغرت عليها منو بيغار عليها يعني
اليده استحت : سكتو سكتو وانت الحين وين بتذلف ( تقصد هزاع )
هزاع : استحت استحت العيوز
اليده ضربته بعصاتها وهو شرد برع : سعيد ادب ولدك ولا انا بادبه
بوهزاع : عندج ياه سوي فيه الي تبينه
عند هزاع طلع الحوي و ميثوه لحقته
ميثوه تزاعق : هزاااععييي
هزاع : ويعه ليش تزاعقين
ميثوه : انزين وين بتسير
هزاع : بسير الجيمي
ميثوه : شلني وياك
هزاع : ساير ويا ربيعي انتي رازه ويهج ليش
ميثوه : مالت عليك و ع ربيعك وشردت
هزاع يزاعق : ماعليه يا ميثوه
و سار برع
حمدان : ساعه لين ماتيي
هزاع : ليش شوفيك
حمدان : ساعه واقفلك عند الباب وتقول شوفيك
هزاع : انزين هاذوه ييت شفيك شخوصي
حمدان : انزين وين تبينا نسير
هزاع : الجيمي مول
حمدان : تمام
هزاع : حمدان بقولك شي بس لا تتمصخر
حمدان : انزين يلا غرد
هزاع : يدوه ضربتني بعصاها
حمدان : هههههههههههههههههههههه
ضربه هزاع ع راسه : قلت لك لا تتمصخر
حمدان : ههههههه انت قلت لا تتمصخر مب لا تضحك
هزاع : نفس الشي ترا
حمدان : المهم يلا وصلنا
هزاع : خذلك الحين ساعه لين ماتدور باركن
حمدان : هاذوه باركن شفيك مستعيل
هزاع سكت
حمدان ( 18 ) اخر سنه فالثانوي لانه رسب مرتين ، شخص متهور ويحب يغامر ربيع هزاع ويعزه وايد
بيت بو نهيان
6:45 المغرب
يزوي نشت واستوعبت انها بلبس المدرسه جافت الساعه وشهقت
قامت بسرعه دشت الحمام خلصت وطلعت صلت بعدين بدلت لبست مخور ابيض وفيه وورود ورديه وسوت ميكب خفيف ويتها فكره بعدين رتبت شعرها وتعطرت وتبخرت ونزلت تحت
حصلتهم كلهم موجودين
يزوي : سلام عليكم
الكل : عليج السلام
ام نهيان خافت ع بنتها وسارت يلست صوبها
ام نهيان : شوفيج يزوي ليش رديتي زعلانه ولا تغديتي؟
يزوي حضنتها وهمست لها
يزوي : كله من ولدج الحيوان
ام نهيان : ماعليه حمد انا براويه ، الحين سيري كلي
يزوي : اوكي ماميي
سارت كلت وردت عندهم يلست عند ابوها
يزوي : ابوييييه من زمان عنك
بو نهيان : لا ترمسيني انا زعلان منج
يزوي : افاا بو اليازيه زعلان مني
بو نهيان : هي
يزوي سارت صبت له قهوه وباسته
يزوي : هاه للحين زعلان سيفوه
بو نهيان : سيفوه بعينج ، وبعدين منو قال ازعل من يزويتي فديت عينها
يزوي : احبك بابااااااا
بو نهيان حضنها وهي بادلته
حمد يطالعها ووده يسير يحضنهاا
هي طالعته وسوت سكب
فجأه وبدون سابق انذار
يزوي : اهلي الكرام بقولكم شي
الكل بردود مختلفه : غردي ، قولي ، شعندج
يزوي : انا فكرت وفكرت ويتني فكره
نهيان : قولي وخلصينا
يزوي : اصبر ليش مستعيل ع رزقك
يزوي : المهم شو رايكم نسير العزبه ونسوي فعاليات واجواء ونزقر قوم عمي عبيد؟
ام نهيان : الشور شورك بو نهيان
بو نهيان : والله ماعندي مانع متى تبونها
كلهم : باااجر
بو نهيان : تم ، الحين برمس بو منصور ، ع الساعه 10 خلكم جاهزين
