نشت الصبح يزوي وجافت الساعه 5:55 قامت سوت روتينها وصلت وسارت الدريسنق روم ولبست هودي وبنطلون ولبست كروكس وغطت شعرها بكبوس الهودي وخذت مطارتها و تلفونها و سماعتها ونزلت تحت
سارت المطبخ حطت ف المطاره ماي وليمون بعدين سارت الحوي عبالها محد موجود عساس ان كلهم راقدين ف هالوقت قبل ماتطلع من باب الحوي سمعت صوت لفت وراها وحصلت منو؟
: وين سايره ف هالوقت
اليازيه : مايخصك
: شفيج نفسيه ترا سالت سؤال
اليازيه : سايره امشي شوي وبرجع
: خلاص عيل بسير وياج
اليازيه : ياخي هزاع شو تبا
هزاع : اصلاً ها وقتي اني اسير امشي واسوي رياضه مب عشان ويهج ساير
اليازيه : اوه معلومه يديده وسارت برع الشارع
وصلو الممشى واليازيه حطت السماعه ع اذنها وشغلت اغاني وتمو يمشون
لين ماتعبو و قعدو ع كراسي موجوده ف الممشى
هزاع : من متى تسوين رياضه؟
اليازيه : من زمان بس انشغلت عنها والحين راجعه لها وبقوه بعد
هزاع : اها مسجله ف جم ؟
اليازيه : لا ليش اسجل و ف بيتنا شي جم
هزاع : تصدقين اني ماكنت اعرف ولا بتمرن فيه
اليازيه : انت اصلا متى يلست ف البيت عشان تعرف
هزاع : اليازيه ليش متغيره شفيج
اليازيه تذكرت الي امس : ماشي بس مالي خاطر اسولف
فلاش باك
شي وحده سمعت حوار الحرمه و ام هزاع وسارت عند اليازيه
: لو سمحتي بقولج كلمتين والخبر يوصلج ويتعداج ان سمعت انج مخطوبه لهزاع ولا تحبيه ياويلج وياسواد ليلج سمعتي ترا هزاع حبيبي انا هزاع لي فهمتي ولا افهمج بطريقتي؟
اليازيه جنها عرفت الصوت : شو تقولين انتي ش الي مخطوبه له و حبيبج ش تخربطين ؟
: انا قلت لج كلمتين وان شاءالله تفهمينها ولا بخلي حياتج كلها ف جحيم تعيشين متعذبه وتموتين متعذبه
اليازيه : يخسي الا انتي اقول سيري الله يستر عليج شكلج ماعرفتي منو انا
: الا ادري منو انتي وحافظتنج حفظ بعد المهم انا قلت الي عندي و مع السلامه
