بعد سنه...
ام هزاع يالسه ف امان الله تتقهوى
هزاع نازل من الدري ومعاه شنطه ولابس وكاشخ
ام هزاع : وين وين يالحبيب
هزاع : اميه انا مسافر 😔
ام هزاع شهقت : وين مسافر و مخلينا ومب قايل لنا حتى
هزاع : ساير اكمل دراستيه هناك و ان شاءالله بعد اربع سنين راد لكم
ام هزاع يلست تصيح : اويه اربع سنين ياولدي فالغربه هناك ومخلي اهلك هني
هزاع حضنها : اميه والله اقرب فرصه برد لكم اكيد مابقطعكم اربع سنين ان شاءالله كل مايعطوني اجازه اقرب طياره وايي عندكم
ام هزاع شبه ارتاحت : انزين ليش مش مخبرنا من قبل
هزاع : لاني ماباكم تحاتون
ام هزاع ردت تصيح
هزاع : اميه لا تخليني اكنسل وايلس هني
ام هزاع : يكون احسن
هزاع ضحك : يلا اميه بسير الحينه
ام هزاع حضنته حضن طويييييييييل
هزاع باس راسها وطلع
وسار المطار علطول وطار ✈️✈️✈️
بيت بونهيان الساعه 4:00 العصر
يزوي راده من الجامعه وخلاص هلكانه سارت ترقد بدون ماتتغداء حتى
ام نهيان سكرت الفون
ام نهيان : حليله هزاع يقولون توه مسافر يكمل دراسته ف لندن
بو نهيان : منو خبرج
ام نهيان : توها نوره ( ام هزاع ) متصله فيني ومخبرتني
مهره : الله يوفقه يارب
الكل : امين
الريم نازله من الدري ببجامتها وكشتها طايره
مهره : تعالي ريوم ليش جيه متبهذله
الريم تفرك عيونها بايدها وبدت تصحصح : ولدج يخلي الواحد يرتاح هو منزلني جيه
