ملامحي المفقوده

البارت الاول (١)

بارت الاول
#رواية_ملامحي_المفقوده
#بقلم_دينا_ال_سلمان

اطراف بغداد منطقه ريفيه جميله
الساعه الثانيه ظهرا

اخخخ بطني ولج اركضي على ام سلام خلي تجيني بعد مااكدر راح اجيب
حمده':, لبست عباتي طلعت اركض للشارع الدنيا تمطر والجو يخوف  امي تخلف  وانا مبتليه بيهم صار عمري عشرين ومتخليني اعرس البناويت الي بعمري عدهم بزر بطولهن وانا حال الضيم حالي اركض من الصبح لليل لحتى الحك على شغل البيت وحوش الزرع واركض ورا الجهال
وصلت لبيت ام سلام دكيت الباب
طلعلي ابنهم سلام
سلام ::ها خويه تفضلي
حمده::زاد فضلك خويه بس كول لاام سلام امي جا تطلك
سلام :: يمه يمه
طلعت تركض تلبس بعباتها
ام سلام:ها يمه حمده شمالج
حمده:: امي جاتطلك امشينا نروحلها
اخذت ام سلام وارحنا للبيت من وصلنه لكينا امي تصرخ واخواني واخواتي واكفين يبجون طلعت الولد برا
عيب واكفين هنا يله امشو منا روحو صيحو ابونا هم راحو واني دخلت اخواتي
وقفلت الباب اخواتي ايلاف جانت بالمدرسه عمرها ١٦ وبأن همات ١٨ ولقاء١٠وهاي يم بيت خالتي من هي صغيره اخذتها خالتي لأن متخلف واليوم يمها وأبد منحسها اختنا و وهج  عمرها اربع سنوات وهاي المدلله والولد شدوان عمره ١٩يداوم سادس وعايش بيت عمي ابغداد عالمود الدراسه هناك احسن لان هنا مدرستنا بيت طين واكع ومنفوك صرايف  وساري عمره ٧سنوات
شبل عمره خمس سنوات
وهسا امي حامل
صاحت ام سلام وطلعت اركض عليها صاحت جيبي ماي حار
حجت امي ولج حمده ديري بالج عليهم خاف اموتن
ام سلام::كولي ياالله ياام شدوان شمالج تخوفين البت مابج شي
حمده::رحت اركض حميت ماي وديته الهم
نص ساعه وسمعت عيطه مال طفل صغيرون رحت اركض عليهن لفته ام سلام ونطته الي لزمته بيدي سبحان الله صغيرونه حيل وخدودها حمر وبس تصرخ
حجيت بنت لو ولد
ام سلام::,بنت هاي بنوته
ام شدوان :: الحمدلله
حمده:اخذت الجاهله خليتها على صفحه وهي كملت لاامي نضفتها وامي كالت روحي حضريلي الحمام وشغلي الجوله(أداء للطبخ أو التدفئة)
خليت الجوله وخليت الماي عليها وحضرت الحمام وكومتها سبحتها اني وام سلام ورجعت ام سلام سبحت الطفله اخذت فلوسها وطلعت
حمده::شنو انسميها
ام شدوان::يحي ابونا وهو يسميها
حمده::كمت طلعت سويت تمن وصحت للولد ذبحولي دجاجه وسويت تشريب
صار العصر واجن بأن وايلاف أجن من المدرسه وابونا بعداا مااجه كملت الاكل ورحت كعدت امي وكلتها ورضعت الجاهل ورجعت نامت الساعه ب٥اجه ابونا والولد
حمده::هلا بويه
ابو شدوان:: هلا بيج يبه تعالي كربي ياريحة الجنه
حمده::باسني من راسي والكل التم عليه البنات هو يحبهم أكثر من الولد جان اذا احد ضوجنا من الولد يطلعه من البيت دخل على امي
ابو شدوان:: السلام عليكم الحمدلله على السلامه يا نور العين
ام شدوان:: وعليكم السلام بعد بيتي تتربا بعزك ودلالك
حمده:: تقرب عليها وسما بااسم الرحمن كبر بااذنها ورجعها اسمها ميرهان
ام شدوان؛:: الله يحفظها ويحفظك يارب
حمده ؛: عاشت الاسامي اصبلك غدا
ابو شدوان:: لا خليها فد مرا للعشا وباجر اجيب ذبيحه لميرهان
حمده:: كمت شبل يبجي مجلب برجلي دنكت شلته شمالك تبج
شبل:: بعد محد يحبني مو
ابو شدوان:: افا شلون منحبك غير انت سند اخواتك
صاحت وهج وانا يبه مو انت كتلي انتي عوجيتي
ابو شدوان:: عوجيتي وتجايتي
حمده:: عفت وكمت ولحكني البناويت كملنه عشانه وشغلنه الفانوس والجوله وكاعدين
اندك الباب وطلع ساري صاح هذوله بيت عمي صالح
كام ابونا تلكاهم وكعدت امي عدلت نفسها دخلت عمي ومرته وفيلقهم كل واحد من عمامي مخلف عشره اذا مو اكثر متسابقات ياهي الي تخلف أكثر وناسيات صحتهن وامي هم وياهن
سلمو على امي وعمتي بطنها لخشمها هم هذا شهرها
سوينا جاي
صالح:: تتربا بعزك خويا اش سميتها
حجت وهج سميناها ميري
صالح:: شنهاي انوبه
ابو شدوان::: ههههه لا اسمها ميرهان
حجت مرته لعمي
حسنه:: ياع شنهي هذا
ابو شدوان:: معناها اميرة الاميرات
صالح:: تتربا بعزك ويحفظها الك
مُثاب :: عمه خلي اشيلها شويه
ابو شدوان:: تعال بعد عمك
حمده:: كعد تربع وخلاها ابوي بحضنه وهو يتلمس بوجها وشعرها
مُثاب:: هاي مالتي
صالح::: ههههههه ومن هاي اللحضه اني خاطبها لاابني وناهي عليها
حمده:: ابوي سكت بس ضحك بس شكله تغير حتى بس يصفن صارت الساعه ب٩ وكامو راحو وابوي مدد ونام بدون كلام وامي مو احسن منه لميت البيت ونمت كعدت الصبح على عياط امي كمزت
شبيج يمه
ام شدوان:: ولمه كون الكل مشا مامش احد البناويت اليوم مدرستهم صباحي وانتي نايمه والجهال يبجون وانا مابي ااشيلن روحي
كمت سويت ريوك ورحت للهوش حلبته ونطيته اكل وماي ورجعت اخذت الملابس والمواعين المشروع غسلتهم وجبتهم واجيت
الدنيا ثلج والماي ثلج احس اديني صارت زرك استوني كعدت وصاحت
ام شدوان:: كووومي غسلي وبدلي  لساري ماضل شي لدوامه ب١١يروح وهسا الساعه ب١٠
حمده:: كمت بدلته وأخذته لبيت عمي حتى يروح وياهم اخاف عليه من المشروع وصلته ورديت
حسيت أحد يمشي وراي التفت وشفت ولد حجه خويه وين بيت ام سلام
اشرتله ودخلت للبيت
كملت الغدا ودخلت حبوبتي وجدي
اهل امي كمتلهم ركض حضنتهم وبست اديهم وراسهم ودخلو على أمي
حجه جدي
الجد :: الحمدلله على السلامه بويه
ام شدوان:: الله يسلمك بويه
الجده::شلونج يمه
ام شدوان:: بخير يمه الحمدلله
كملو سلام وكعدو حبوبه جايبتنا اشكال والوان
جدي عندا مزارع وبساتين وخير من الله بس هو راكب سياره بعربنا وبس هو بيته طابوك
وهو مختار المنطقه
خلو المسواك وطلعو جلبنا بيهم بس ماقبلو
راحو واني رتبت البيت وصار الضهر اجو البنات تغدو وبابا داز ابن عمي لحتى نروح وياه للزرع لبست شالي ونكابي ولفيت عباتي على خصري والبنات وياي وطلعنه وصلنه للزرع
صاح ابونا احون الطماطه والفلفل استعجلن لحتى نوديه لجميله
دنكنه وبلشنا حوي لحد مصاح الله اكبر المغرب طلعنا الصناديق الخشبيه والفلفل ورجعنا
لكينه امي نايمه كالعاده واني رحت ركض غسلت يدي وحمست طماطه وسويت بصل وخيار وفلفل وتعشينا وامي مقبلت تتعشا لأن هذا العشا مابيه لحم وهي ادكول رايدلي دم حتى اتقوا واكوم لحيلي وألزم الشغل
وهي كلما اجيب اضل أربعين يوم نايمه واني اخدم بيها
ام شدوان::كومي سويلي لحيمه اقوي عودي
حمده::منين اجيب ياامي خماا هم اذبح
ام شدوان:: لا يمسودنه جدج جابلي معلاك وخليته يم بيت ام احسان جيرانه بثلاجه جا شني اكلن طماطه حمس وانا ذبيت كل دمي
حمده:: دزي واحد من الولد خلي يجيبه
ام شدوان:: الويلاد نايمين تعبانين
حمده:: وانا يايمه ماتعبانه جنت نايمه مو حويت كل الزرع واركض منا ومنا
ام شدوان::يمه من السانج  همزين مااوكع على ايدج دخيلك ياربي جان شحتيني برا لابارج الله بيج من بزره
حمده::كمت طلعت رحت لبيت أم احسان اخذت من المعلاك شويه ورجعت شعلت جمريه برا وشويته الها وحميت الخبز وأخذته الها
كعدت تاكل وانا رحت نمت ذبيت روحي جني ميته من التعب
كعدت من الفجر رحت للهوش حلبته ومالكيت بكره منهن عطت يا شدوان ياخي طلعو اهلي يركضون
ابو شدوان: شمالج اصارخين شهرتينه
حمده::يابويه الحك البكره البكعه ماهي
ابو شدوان:: خاف الحبل انكطع وهجت هسا العرب اجيبها وأن ماجت الله يعوض
حمده:: صدك تحجي يابوي أن انباجت هاي دوسه للحوش ومعناها يكدر يدش بكل وكت ويذبحنه مثل مااخذ البكره
ابو شدوان:: انضبي يبنت من كال انباجت (انسرقت)
يمكنها هجت
حمده:: جا شني انه مااعرف حلالي كتلك باليل ربطتها والارباط محلول ماهو مكطعوع
ابو شدوان:: عونج يبه كافي دموع شني الجرالج هي بكره ومال حلال ميروح دخلي سوينا لكمه وانا اروحن لبيت جدج وندورلها
حمده:: دخلت سويت ريوك وانا كل عين هاكبرها هاي البكره غاليه عليه من هي صغيره أنا ربيتها وهنا البوج جثيره وأنه متؤكده انباجت بس أبونا يوهمني لحتى ماضوج
صبيت الاكل وصحتلهم امي نايمه ماتدري من باوعتلي حجت
ام شدوان:: شمالج يمه عش هاي الادموع
حمده:: مابي شي يمه كومي تريكي ويانه
عفتها تحجي وراي ورحت كعدت الولد
كعدو يتريكون
ابو شدوان:: البكره ملكيناها بالدير يمكنها محلوله ومنهزمه
حمده::امي بيدها الاستكان واني كاعدا كبال الجوله ودموعي ينزل محسيت غير الاستكان اجه براسي
ام شدوان::صخام بعينج ولج حميده وين راحت ولج وعلي اذا البكره ماردت اله اربطج بمجانها هاي بس البارحه ماربطتهن تيهتيهن
ابو شدوان:: يأمره حمده شكو ترا حمده الي قايمه بكل شغل بالبيت وبالزرع وحتى بالحلال كولي ياالله وحق علي أن جستيها مضلين بالحوش لو دكيكه (دقيقه،)سمعتي
حمده:: حاجبي انشك وفضت دم كام ابونا مسحلي حاجبي بجفيته وانا دموعي غسلن وجهي وابونا يمسح بيهن ويبوس. براسي لحد ما اخذ اخوتي وطلع وامي تولتني ضرب ورزايل
كشيت الحوش ولميت البيت اخذت المواعين ولفيت عباتي وطلعت للمشروع اغسل ودموعي يجرن انهضمت من اميمه ابد متحبني عكس اخوتي كملت ورفعت راسي شفت نفسه هذا الغريب واكف مجتف ادينه ويباوعلي وعاكد حاجبه لميت مواعيني عسريع ورجعت للحوش ارجف هذا منين وليش واجف يراكبني!!
مددت واجه اخوي يركض
ساري::يمه يمه لكيناها البكره مطعونه ومشموره بكاع اضحوي
ام شدوان::دخيلك ياعلي معناها نحن كادرين اندش للحوش وننحركم
ساري::جدي تخبل وحلف الي يدليه على الفاعل اله عشر بكرات
ام شدوان::تعزينه بس لا رجع المصخم وراح يبلينه
ساري::منهو يمه
ام شدوان::ولي مني سويري لا اهفك بطاسه
حمده::اخذته للغرفه وكعدت شاده راسي من الوجع دموعي تجري خايفه خاف يدخلون ويذبحونه مثل مافعلو بيت خالص من دشو عليهم وكلهم كتلوهم اجت بنت عمي تركض عمرها ست سنوات اسمها هيله
هيله ::امي دااجيب
حمده::يا ولج صدك
هيله::اي وانا اخاف من الصوت واجيت يمكم
حمده::اباوع عليها ترجف اخذتها بحضني وامسح براسها
لحد مغفت خليتها واخذت ساري ورحت لبيت عمي
لكيتها جايبه بنت سلمت عليها
وساعتها لأن ماعدها بنات كبار اكبر وحده عمرها ١٤سبحتها هي والجاهله ردت اطلع
رجعت سألتها شراح تسميها
حجت اسرار ابوها رايدها
طلعت رجعت للبيت عمامي
جلال الجبير وراء غايب وذياب وداوود
كلهم مزوجين وعدهم درزن جهال
وعماتي سمره ومنال ونوال هم مزوجات  من ننجمع بيت جدي بالعيد ماشاء الله بس روس جدي جاسم بعدا بحيله وحبوبه اسمها حمده اي مثل اسمي
صار الليل وابونا ماهو
سويت عشا ومحد اكل بس مُثاب وساري والبنات امي مااكلت صار نص الليل واجه ابونا بدون حجي لف راسه ونام
صار الصبح كعدت لكيت امي كاضيه كل الشغل عرفت ابونا حاجي وياها
صبيت حليب وكعدت يمهم
ابو شدوان:: حضري بنتج نطيتها لابن عمها غايب سعدون
حمده::وكع الاستكان من ايدي وكمت للحجره انا امنيتي اعرس لجن مو سعدون خبل شيطان واحد زايعته الكاع دشت امي مكيفه وهاي اول مره اشوف امي تفرح من جاني عريس كلما يجي تكلب الدنيا وتخربها
ام شدوان:: راح ادز على ام مشتاق الحفافه تحفلج واروحن للسوك اشتريلج هدمه زينه
حمده:: دخيلج يمه مااريدن اعرس فدوا يمه مااريدن
ام شدوان:؛ وانا شبيدي يميمه هاي كسمتج أن رضيتي وأن لا محد ياخذ شورج وابن عمج أوله بيج من الكريب
حمده:: سلمت امري لله وسكتت اجت ام مشتاق حفلتي وجهي وامي جابتلي ثوب احمر كله بلك يلمع
واجو العصر عمامي بيناتهم وجابو شيخ عقدلنه واني مثل المضروبه براسي امشي وياهم بلا صوت سعدون خبل شيطان عقله على كده وانا الوكعت بيها ورا يومين زفوني اله بدون كلشي ابونا اشترالي كم هدمه وهو جابلي حلقه وانا عندي تراجي وابونا نطاني بكره خاطر اكل منها خويثره(لبن)
لبستني ثوب ابيض عادي وعبايه وخذوني له بسياره جدي عد مانزلت جانو كرايبنا ملتمين يصفكن ويركصن صار المغرب دششوني بالحجره فارشين فراشين ومرايه لازكيها بالحايط وملابسه معلجيهن ورا الباب تنهدت وكعدت انتظر عريس الغفلة
ورا اذان المغرب اجه لابس ثوب ابيض وانا جتلني الخوف والجوع لأحد انطاني ميه ولا أجل
سعدون::جا شني تضلين هيج جاعده
حمده::رفعت راسي وحجيت جا اش اعمل
سعدون:: كومي الناس برا تناطر بياضج
حمده:: لزمتني الرجفه تكرب عليه واخذني بالكوه عد مااخذني جرحني والد..م ترس الفرشه كمت اصارخ دشو اخواته وأمه شالني شطفني ورجعني والدم ميرضى ينكطع جانت ام سلام داوتني وراحت وانا الوجع فضيع مااكدر اتحرك ولا انام جعدت وكمت اون ودموعي يجرن دخلت امه وحجت بلا عياره

كلنه مرينه بهل شي جا شني انتي تختلفين بسج تونين
حمده:: مددت وهو ماكو مادش بعد صار الصبح وكعدت شوي احسن من امس طلعت ثوب ورحت للحمام سبحت وطلعت كبل للحجره دشيت مشطت وطلعت
اكو كم مره كرايبنه باركلي وراحن مر اليوم والثاني وهو ابد ماكربلي ولادش الحجره جن مكصوب كعدت ثاني يوم ماكو احد بالبيت وانا مااعرف اش اعمل لميت البيت   واكلت خبزه ودبسه لحد
صار الضهر كلها دشت راحو غسلو وكعدو صاح عمي وين الغدا
ام سعدون:: حمده وين الزاد جا شنهي ماعامله اچل
حمده:: ها لا والله معملت دوريت الچوله وماهي
ام سعدون :: بنت نعمه متركب (تطبخ) اله على چوله ام الثك كومي بلا عياره وشعلي نار وحمسي طماطه كومي
حمده اخذت الطماطه ورحت على الموكد (مكان للطبخ على النار)
شعلت النار واوز جبت الجدر خليت بيه دهن شجار (زيت طبخ)
وبصل وخليته كملت الطماطه ورحت للمطبخ ثوبي ووجهي وشعري تسمد صح أنا جنت اطبخ بس عالچوله وأكثر المررات امي تطبخلنا
درتلهم الاچل ورحت تغوسلت وطلعت لكيتهم ممخلين شي كله ماكلينه اخذت خبزه وطماطيه ورحت لحجرتي مددت ونمت حسيت على صوت فتحت الباب بس مهتميت جنت بحلاة نومه شوي وحسيت أحد خله ايده على ركبتي وخنكني فتحت عيوني بصدمه اريدنه يوخر ماكو جسمي تعب وصوتي ميطلع من الوجع حسيت روحي طلعت غمضت عيوني ورخيت اديه وسلمت امري لله. .
يتبع...
كونوا انتم كونوا بخير

النشر مو يمي لان عندي شغل كل يومين بارت ومرات كل ثلث ايام
القصه اجيال والأحداث رووعه اتمنا تعجبكم
والقصه حقيقية..
احبكم 🤗🤗 لاتنسون التصويت،⭐⭐
اختكم دينا ال سلمان ⭐