ملامحي المفقوده

البارت التاسع

البارت التاسع...
من رواية ملامحي المفقودة ⭐
بقلم دينا ال سلمان ⭐
ايها الوجع الم تكتفي لقد نهشت جسدي ومزقت اوردتي رفقا ب بقايا إنسان مات  هو على قيد الحياة...
ام شدوان:: شني يمه من مات ما تحجه شمالك اسحب الجلمه منك سحب
الزلمه:: بنيتج خويه بأن
ام شدوان: انت منو شمالك تحجي عشرا بالشهر بنيه حامل أنت اكيد تتكشمر وياي
ميرهان:: دنك وحجه انا ابن عم زلمتها البت صار عدها ولاده واخذهوها وراحو ومن راحو صاير عدها نزيف وهالنطتكم عمرها وبزرتها بعدها مو كامله ياريت تمشون وياي تا احد يهتم ببزرتها خطيه الكل عافوها وهل امي يمها والناس ملتهيه بالعزا
ام شدوان::, ولك يماااا شتحج انت
ميرهان :: حجت هيج امي وراها وكعت
تقربت  اريد اشيلها صارت عيني بعينه خزرني
حجه
انتي شمطلعج  محجيت وياه انا وين وهو وين
وخرني وشالها ودخلها للبيت
صاح
:يويل جيبي ماي عش مصنبره
ميرهان ::, انا لحد الآن مصدومه اختي ميته شنو جايبه شماله هذا
حجه وياي وماتحركت شاف الحب مال الماي راح يركض جاب كلاص وكام يشمر ماي على وجها صحت وهو صاح كومي هيري امج وتهيري وياها
بقيت صافنه طلعت وهج تلف بشالها صاحت شمالكم عش تصيحون امي شمالها ياستار

حجه خويا مابيه حيل كل شوي اشرح هيرو امكم ويله امشونا ورانا طريق طويل

وهج : هو شنو غير افهم شمالكم
ميرهان: يحجون وانا  فصلت عنهم سمعت وهج من عاطت وكعدت وكامت تلطم والتمو الناس وصارت بس عياط عمامي نسوانهم اهلنا
عمي صالح حجه كومو ترهمو عيب نعووف عزا بنتنا كومن
راحت النساوين يلبسن ولبست وهج امي وجرتني وانا مابدر مني اي شي والرجال واكف ويباوع
وهج :: اصحي ميرهان مو وكتج امي حال الضيم حالها تهيري بساع
ميرهان :: لبست ثوب اسود وعبايه مال راس وطلعنه عمامي كلمن بسيارته وجدي جلال وجدتي حمده امي صعدت ويه جدتي وخالتي وزيره وجدي ولقاء
واني وشبل و وهج صعدنا ويه هذا الرجال لأن السيارات متكفي اني ماادري شكو ماكو امشي بدون وعي ولاصدر مني صوت ولابجي صافنه وبس مر وقت طويل حيل نمت وكعدت ونمت وبعدنا ماواصلين جدي تعبان وشبل رايح يسوق بمكانه وجدتي حمده جايه بمكانه
الجده؛: يمه شلون ماتت
آلرجال؛: والله يمه كايمه تولد ومعسره ومحاجيه حسبالها تشاليع مدري شسمهن ولما متوازيه اله كايمه تعيط من أخذوها لاكيها متوازيه ومن جابت ماخذها النزيف وهل انطتكم عمرها
الجده:: سوده عليه جده ماشفتي شي من حياتج
ميرهان :: كلما ارفع راسي الكاه يباوع لوهج وهي ولا تدري تبجي وتنشك بخشمها
اريد تطلع دمعه شي ماكو كلبي كام يوجعني ومااكدر اتنفس اريد اخذ نفس ماكو كمت الزم بلكشن مال السياره واتحرك بعشوائية حتى صوتي مايطلع
انتبهت وهج وعاطت
وهج:: ميرهان شمالج ميري دحكيلي
وكف السياره ونزل فتح الباب مالتنه ونزلها بشارع وكام يرش عليها ماي نزلت اركض خليت رأسها بحضني وابجي
عاط بصوت
موكت بجي يول فركي صدرها
وهج :: فركت صدرها وهي ماتكدر تتنفس وجها صار ازرك ويبست بيدي
كمت الطم ع وجهي واعيط نزلت جدتي تركض اخذتها وكامت تهفي بعباتها ع وجها شوي وأخذت نفس بس بطلعان الروح شهكت وبجت
كعدت ع الرصيف وكل بجي العالم نزل ع راسي كوه كمنه صعدنه للسياره والرجال يستغفر
خليتها بحضني وابجي وهي تبجي وجدتي هم تبجي وصلنا للانبار
خشينا بمنطقتهم وصلنا للبيت نزلنا احنا النسوان وإلزام راحو للجادر
دخلن نسوان عمامي وخالتي وامي وعياطهن شال البيت شيل
وكفت خالتي وزيره وكامت تلطم وتعد واحنا كلنا وياها
شايله ام البيت  لو زعلانه
اوياعمود البيت ياسكانه.
  شايله ام البيت لو زعلانه
   مالت الدنيه  بعد  ماتنعدل
    ماتت بنتي وبعد محّد يشيل الحمل
        من بعدها اصبحت دوهانه.
بنيتي  شالت وماترجع بعد
كل دلالي راح كل عزي انفگد
ضاعت الفرحه اوضيعنه السعد
روحي مشتاكه الج ولهانه...
يمه بنيتي وينجج بيتج فاهي بلياج يبووووو
ساعات وهن يبجن لحد ماصاحو إلزلم
نصن حسجن
كعدن يبجن وينعن  ولا مهتمات
بعد ساعات من البجي امي اغمى عليها
رحنا نركضلها انتهت لا أشيل ايد ولا رجل طلعت وحده تركض ورجعت ورا شوي كالت عينني خلي نطلعها ايودوها للمستشفى
اني وهج شلناها ولكينه نفسه هذا الزلمه الجابنه صعدها وصعدنا وياها شوي وصلنا نزلها
ودخلته للطوارئ خلولها مغذي
حجه
الرجال:' هنا امي يم ابن اختكم منو تجي تروح اشوفه
وهج ::,روحي ميري اني مااكدر اعيف امي
ميرهان ::كمت وياه ورحت للخدج شفت أمه كاعدا بالممر وتبجي
تقرب باسها من راسها وأشر عليه تقربت سلمت عليها
وينه ابن اختي؟
حجت أمه هذا
اشرتلي على جاهل صغيروني حيل ومخلين صوندات واجهزه بجيت ماتحملت  هي هم رادتها من الله تكابلنه وشبعنا بجي
لحد مصاح الزلمه بينا
كمت وياه والمره هم جت ويانه سلمت ع وهج وامي بعدها نايمه
مرت ساعه ونص صحت امي بس فاتحه عيونها حيل تعبت موت ابونا وفراك شدوان وموت بأن خاف جانت عايزه كملت
رجعنا للبيت لكينا العالم قليل ضالين
متعشين وكلمن رايح لهله
اجت البنيه نفسها الي صاحتلهم حتى يودون امي
حجت جهزتلكم غرفه تعالو ارتاحوا بيها
دخلنه الغرفه مددت إمي ووهج هم فتحت الشباك وادحج للحديقه ودموعي تنزل
مرت ثلث ايام احنا يمهم امي صحتها بنازل عمامي ونسوانهم وجدي وجدتي كلهم رجعو من ثاني يوم
كعدت امي وكالت يله امشي اندهي لشبل خلي نمش للبيت كافي صار ثلث ايام احنا هنا عيب
طلعت صحت لهاي البنيه نفسها اسمها نور
ميرهان:: نور كولي لواحد من الولد يندهنا لشبل امي تريد تمش
نور :: صار هساع اصيحلهم ولو اكيد مراح يقبلون ترحون وبعدها خاله مريضه
ميرهان :: لا تروح للبيت هناك ترتاح أكثر
نور :: هساع اشوف يوسف خلي يصيح شبل
ميرهان :: رجعت للغرفه من اجينا لحد الان احنا بهاي الغرفه لا حجينا ولا عرفنه احد منهم حتى الطفل مشفناه  هاي اول مرا نجي لهنا جانت بأن تجي علينه ولا نعرف احد بيهم بس زوجها وعمتها نفضت أفكاري من اندك الباب
دخلت نور وياها هذا الزلمه
يوسف :: السلام عليكم
رديناله
يوسف:: ها حجيه وين تمشين شنو مليتي منعدنا
ام شدوان::لا والله يمه بيتنا هناك فارغ ومزرعتنه هساع ماتت
يوسف ::شدوان وصه عليها
ذياب
ام شدوان:: لا يمه كثر الله خيركم مانكدر بعد البنيات هم محبوسات مايكدرن يبقن أكثر هينا
يوسف:: بأجر روحو يايمه  خليها اليوم
ام شدوان:: لا يمه مدام بعدها دنيا الصبح
يوسف ':يعني مصره تروحين
ام شدوان::اي والله يمه
يوسف ::رايح أنده لشبل زهبن حالجن
ام شدوان::متهيرين ماعدنا شي
يوسف:: خير انشاء الله
ميرهان :: يمه وابن بأن شلون انعوفه
ام شدوان::جا منو ينطيجيا هذا بزرتهم
ميرهان:: منو يهتم بيه خطيه
ام شدوان::عندا اب يمه
نص ساعه واجه شبل طلعنه ودعناهم صعدنا بسياره مر وقت طويل وصلنه وشبل جلب بيوسف لأن صار قريب العصر والرجعه تخوف وهو وحيده
وكوه قبل يبقا
شبل ':يمه احنا رايحين للمزرعه ودزيت على مسواك ويه مُثاب 
ام شدوان::روح يمه
ميرهان::امي كوه تحجي منتهيا و وهج بس صافنه نص ساعه واجه مُثاب جايب سمج ومخضر
كامت وهج عجنت وخبزت ورجعت شوت السمجه واني حضرت الزلاطه والخضروات نشتغل بدون واهس بس مجبورين لازم الحياة تستمر
ام شدوان:: ها يمه كملتن
وهج ::اي يمه بقا بس التمن الاحمر راح اسوي
ام شدوان::اي يمه عفيه
صار الليل وتعشو ونامو الصبح كعدت لكيت يوسف رايح
صار الضحه وشبل بدل وطلع
وين رايح ميقبل يحجي
صار الضهر وهو ماكو وامي تخبلت
التمو عمامي ولدهم يدورنه وماكو لحد ما صار المغرب اجه هو وحمده
ام شدوان::جا هيج يشبل تكسر كلبي وتحركه بنار ليش ماحجيت كلت رايح لاخيتي
حمده:' يمه صدك بأن راحت
ميرهان ،:: ورجع العزاء من جديد والبيجي والطم والصريخ لحد ماكلن بس
كمنا انا وهج سوينه عشا كوه حمده كلت لو ما جهالها ماتخلي لكمه بحلكها