ملامحي المفقوده

الحادي عشر

البارت الحادي عشر ⭐
#رواية_ملامحي_المفقودة
#بقلم_دينا_ال_سلمان
__________________________
على لسان شبل
شضايعلك وتلتفت
شمأخوذ من گلبك
چنك ولا جربت
من تخسر بحربك
من ترجع
بلا حلم  لا صوت  لا ذكرى
ماتلگة منك اثر
بس جرحك وعطرة
شگد عايش انتَ چذب وسنين ماتسوة
وايامك الـ موصدگ
ماتعرف شتنحسب
من عمرك الـ مو الك
لو تنحسب عمرة
شتريد تخسر بعد
وشعندك تخسرة
كل ماحظيت بولف
بگلبك حفر گبره
_______________
جلال؛: من حقكم بس الفاتحه من قريتها جانت البنيه جاهل واليوم انا كدام هاي الناس كلها وماكو واحد غريب إنشاءالله اكول البت مارايده تعرس وهذا حقها انا جدها واكيد مااغصبها على شي ماتريده.

صالح:: انت جبيرنا هنا واحنا اكيد مانكسر جلمتك لاجن ياحجي انه عمها وابني رايدها وان حجيت وياها من اول مااجت وجانت رافضه وأنه حسبالي عالمود ابوها

جلال::, والله ابوهن قبل لايموت خله امانه بركبتي مااغصب بنت منهن وهسه خلي تطلع الاربعين مال المرحومه وانزوج مثاب وشبل بدون هويه وصفكه و سالفة وهج ومهيب يحلها الحلال

ميرهان:: جدي حجه هيج حتى يهدي عمي وانا اعرفنه اباله سالوفه اني صح مقهوره على اختي بس فرحت بنفس الوكت لأن انه مُثاب احبنه ورايدتو

حجه عمي
صالح:: بيها الخير إنشاءالله

ميرهان ': شوي وترخصو وحدي هم ترخص
وانسدت سالوفة وهج ومرت الايام والأشهر واليوم صار شهرين على وفاة بأن واليوم عرسي انا ومُثاب وعرس اسرار وشبل

لابسه بدله بيضه بدون لاحنه ولاكلشي
هي حنه هي عرس
مخلياتلي زروكات وفركت اسنوني بديرم وخلتلي امي صبغ اصفر لأن تخاف من الحنه لأن بعد بأن مدارت عليها السنه وتكول الحنه تحن

صار العصر واجمي مُثاب لابس دشداشه بيضه جنه العافيه ويتبوسم للهوى وعيونه  يلمعن فرح   وانا شركت حلكي من الطول للطول اخذوني من بيتنه بين البجي والحزن اخذوني بسياره وحده وصلت ولكيت اسرار لابسه بدله بيضه عيونها وساع ومخليه كحل صايرات هاكبرهن وبيضه ثلث يمكنها لوشربت ماي يبين من زردومها صدك اسرار حيل ترفه وحلوه وتبجي وامها اسكت بيها خلوني يمها ورا نص ساعه اجه اخوي جنه العافيه لابس دشداشه بيضه وفوكاها بشت اسود ومذهب يكول للكمر غيب وأنه بمجانك لاجن اسرار متريدو وهذا القاهرني أخذوها وهي شالت البيت بنوحها وبواجيها صار المغرب ودخلوني للحجره

جانت جربايه حديده وعليها كله من تور وكنتور بابين ومرايه ومفروشه كلها الكاع وريحة البخور تفوح

ورا شوي صار صوت الفشك طشار  زفو مُثاب
والنساوين يدبجن

زفيناه بصاية حيدر زفيناه بصاية حيدر

خش عليه ريحة العطر تفوح منه أنه ام السان راح الساني انبلع
مُثاب،:: السلام عليكم

ميرهان:: كوه حجيت وعليكم السلام