ملامحي المفقوده

بارت الثامن

البارت الثامن (٨)
رواية ملامحي المفقودة ⭐
بقلم دينا ال سلمان ⭐🦋
_ سيڪونُ الطريق إلى حُلمك وعرًا، طويلاً و ربما مظلمًا، لڪن في النهاية ستُدرك أنّ الأمر استحقّ ذلك
وهج::
سمعت حركه وراي وفزيت وصديت واكف مجتف تدينه ويدحجلي
شهكت شهكتي وصلت لسابع سما
خليت ايدي على حلكي بخوف رجعت ليورا وهو تقدم جرني  وعيونه صارن حمر الضوه مال البيت ضرب علينه

حجيت من بين خوفي
شمالك وخر
ذياب:: شفتي بيه وحبيتيني شايب شعري ابيض وان احد غيري سامعج جان هسه انتي جوا الكاع
وهج:: منو كالك انت؟
ذياب::جا منو اخو رجل اختج ؟؟ يمكن جدي السابع عشر موو
و
وهج:: دفعته وخشيت ركض لازمه كلبي ودموعي يجرن عزا بعينج وهج انفضحتي يبو على حضي المطين كعدت بجيت من خاطري
وميرهان صافنه عليه
ميرهان ؛: عش تبجين
وهج ؛: صديت على صفحه وغطيت راسي
وهي مستمر تحجيي
ميرهان:: شمالج عش تونين تحجي شمالج
وهج:: كشفتني كمت وحجيت مابي شي عش تلحين وخري خن انطمر
ميرهان:: عفتها ونمت ماحسيت اله على امي أصيح كمت مطيت نفسي وطلعت وهج لكيتها تخبز وامي مزهبه الريوك
اكلت وياهن وكمنه
لبست عباتي وشديتها على خصري وتنكبت بشالي وهج وامي همات طلعنه وشبل كدامنه
تلاكينه ويه ابن عمي ذياب كيفت ورحت اركض سلمت عليه
شلونك عمو
ذياب:: هلا بيج بنيتي انتي شلونج
ميرهان:: الحمد لله ميراث شلونها عك الله جيبها علينه
ذياب:: من عيني باليل اجيبها عليكم
ميرهان:: سلم على امي وامي ردتله من ورا خشمها عبن تذكر سوايت امه ويه حمده
صفن يباوع على وهج وهي مدنكه
حجه
ذياب:: شلونج بنت العم عساج بخير

وهج :: رفعت راسي وحجيت باارتباك
الحمد لله بخير
شبل:: اترخص اخويه الشغل واصل لهامتي
ذياب:: مرخوص شبل اذا محتاج فزعه بس كول
شبل:: مشكور متقصر
ميرهان:: عفنا ومشينا وهو ضل واكف بمجانه
وصلنه المزرعه وكمنه نشتغل رجعنا وكت الضهر
لكينه حمده وجهالها جاين جايبها عماد وراجع كيفت
شبل::عش مافزعتي احد تايجي يندهنا
حمده::قبل ربع سويعه اجيت
اي شلونكم تعالي ميري تحبج
ميرهان::رحت بستها حيل وهي ضمتني لحضنها
ميرهان::تدرين حمده انا راح اعرس
حمده::شنو؟
ميرهان::اي انا نخطبت لمُثاب وشبل خطب اسرار
بعدها تريد تحجي وحجه شبل
شبل::عمي خلانه تحت الأمر الواقع وافكت عبن عيب ارد عمي
حمده::شتحجي انت شمالك اكو عكل برأسك يول ميرهان عمرها كله ١٢ سنه عش هيج سويت خطيه
واسرار عمرها ١١ مو اصغر من ميرهان
ام شدوان::شمالج اكلتينه بكشورنا انا من عرست عمري ثلطعش وهو بس خطبه هساع
حمده::حسيت نار واجه بيه لااكدر اسكت ولااحجي خشيت بحجرتهن  وبجيت من خاطري خشت وهج وكعدت بصفه
وهج:: شمالج كولي الله ترا ميرهان مكيفه ومُثاب مبين عاشكها لاتخلين بالج يمعوده
حمده::عش عمي ماخطبج الج انتي اكبر وفاهمه عش ميرهان عزيزته لاابونا
وهج:: جريت حسره وحجيت اول مااجيت اجه عمي وكالي هو رايدني جنا وراح يزفني ويه ايلاف وانا رفضت وهو تفهم الموضوع وراح خطب ميرهان واهلي وافكو وهي هم وافكت عش تكبرين السالفه وهي ماتسوى ياالله كومي حموده خطيه ميرهان
حمده::كمت كوه لواادري ولا جايه كعدنه نتغدى اكلت
ميرهان::شبل وديني على بيت عمي غايب عك الله
شبل::شسوين هناك
حمده::اذكرت الماضي عيوني دمعن وكلبي وجعني
اذكرت ذاك الي يراقبني من اغسل المواعين والهدوم تحسرت وحجيت من هذا ياربي
طلعت من صفنتي على بجي ميرهان وتوسلاتها
شبل::اخر مرا اوديج سمعتي
ميرهان:: كمت عسريع صاح بيه
شبل:: عدلي ملفعج وجه البغل
ميرهان::اي عدلته يله كووم
حمده ،::,راحو واخذو نرجس وياهم واني وهج كما نضف بالبيت وامي راحت لبيت جيرانه
ميرهان:: وصلنه وراح دكيت الباب طلعلي اسعد كيف من شافني صاح عليهم كلهم كبل لايسلم
اسعد::يمه ميراث ذياب اجتنا الغاليه ميري
شلونج يولي
ميرهان::بعد وكت شو وخرر
دفعته وخشيت تلكتني ميراث مكيفه حضنتني حيل وباستني دنكت وشافت نرجس
ميراث::هاي منيلكم الحلوه
ميرهان::هاي بنت حمده حجيتها ورفعت راسي لكيت ذياب واكف يدحج تقرب سلم عليه وشال نرجس
ذياب: شلونج يأبه ميري
ميرهان::زينه عموو اجت حميده يمنا وهاي نرجوسه
خشينا جوا سلمت على عمتي وتلكتني حضنتني وباستني
كعدنا وكعد ذياب وخله نرجس بحضنه
ادحج عليه كلساع يبوسها ويشمها وهي توخر عبن لحيته تجك
نرجس::, اوي عمو تلا (ترا)يوجع
فتح حلكه ويحجي وياها
ذياب::,فدوا لهل صوت وللسان
ميرهان:: اووو بعدك شسمعت هاي تحجي وعدها سوالف أكثر من جدتي
ذياب:: بله حجيها
ميرهان:: نرجس خما ابوج يضرب امج
نرجس: لا اتلن (اصلا) يوميا يدلهاا(يكلها،) الله لا يحرمني منج ويسويلها اتل (,اكل)
ذياب::مسح لحيته وكام طلع
ميراث::كومي نروح نسوي جاي
ميرهان::,طلعنا كعدنا بالمطبخ سوتلنه جاي وكعك وهاي نرجس تكمز منا ومنا لحد ماصاح علينه ذياب
ذياب:: هاج نرجوسه
ميرهان::نطاها مصاص ملون وراح
وهي مكيفه
ميراث:؛ها يولي معرفتو شي عن شدوان ،
ميرهان::,لا بس عش تسألين
ميراث::,هيج كومي نروح ننطي اكل للبكر (البقر)
ميرهان ::طلعنا نطيناهن ورجعنا اجه ذياب
عمو وديني على بيتنا
ذياب::بعد وكت
ميرهان ،،:: لا هاهيه خطيه حمده عفناها واجبنا
ذياب::يله امشينا ميراث البسي ملفع وتعالي
ميرهان::,كيفت ميراث لبست وطلعنا وهاي نرجس تكمز وكلساع ذياب يدنج يبوسها لو يرفعان فوك وهي مكيفه وصلنه وجلبت بعمو ذياب كوه خش وشبل تلكاه
خشيته جانت حمده محزمه وتجلف بالبيت مخليته يلمع
ذياب:: السلام عليكم
حمده::, الله حيهم ياهلا بخويي ذياب
  ميرهان::كعدو وتجت امي سلمت وكعدو  وراحت حميده تااجيب جاي وهج نايمه رحت دفرتها وكامت تفرك بعيونها
وهج:'شمالج
ميرهان::كومي هينا ميراث وذياب
كمزت تعدل بنفسها ودحج بالمرايه وحتى سنونها حكتهن بديرم
طميتها وتا تطلع جلبت بيه
وهج،::, نطلع انا وياج شمالج